رايكم يهمناء

[خالد المغيري]

السلام عليكم ورحمة الله وبركاته
شلونكم ياعضاء المنتدى الشامخ نشالله انكم في اتم صحه
وعافيه هاذي بكره ونبي رايكم فيهاء
http://www.mzayan.com/vb/uploaded/1358_21292687968.jpg

[عبدالعزيز سعود الوسمي]

يامرحبا يالمغيري حيك وحي ماجبت وماشاء الله عليها ناقه الله يبارك لك فيها

[خلف العايضي]

ماشاء الله تبارك الرحمن
الله يبارك لك فيها وطيبه ودي انك حطيت عرض فديو افضل للتقييم

[محيميد الرشيدي]

طيبه والله يبارك لك فيها

[بجاد العتيبي]

مرحبا يالمغيري البكره اشوف سبلتها حلوه لكن حجم الراس صغير ولاش عرنون قايم الاذن زينه الرقبه قصيره ومطلعها زين الغارب قصير الظهر موسط البكره قليله

[عبدالهادي آل سلطان]

السلام عليكم ورحمة الله وبركاتة
وصف العجم :-
الراس :- قريب من الصغر
الأذن :- قصيرة و لاكن عريضة
الأسبال :- وسط
العرنون :- قايم ووسط
الرقبة :- أطول من القصيرة ومطلاعها زين
العضا :- وسط
السنام :- في الوسط لا تقدم و لا تأخر
الفقار :- وسط و زين
النسنوس :- يقرب من الطول
والعجم زينة و عجم بداوة و العجم غالية جدا
والله يوفقك يا خالد المغيري
أخوكم / عبدالهادي الغفراني

[فلاح الرشيدي]

مبروكه وحلوه

لاكن ماهي مزاين والله اعلم تصلح بالانتاج

[مشعل الشويش]

ماشاء الله تبـارك اللـه ..

مقنويـه طيبه طيبه طيبه والله يبارك لك فيهـا ..

فيها حاجتيـن رقبتهـا .. وغاربهـا ..

ولو رقبتها منتلـه ورقاقـه .. وغاربهـا سناد وطويل .. شفـــت أهل الشيكات عندك ههههه

الله يبارك لك

[خالد السقياني]

البكره من اوسط البل
والله يبارك لك فيها