لاتخلوني يارجال تكفون

[تركي الحميداني]

أنا اشتريت هالبكرة اليوم ب8000 ريال وهي مفرودة وأبي رايكم يالنشاما فيها بتطلع وإلا لا
http://img104.herosh.com/2010/12/22/926401593.jpg
http://img101.herosh.com/2010/12/22/970420794.jpg
http://img104.herosh.com/2010/12/22/764080361.jpg

[أحمد بن عوض المطيري]

اخوي تركي الحميداني

مادام البكره صارت في حظك ...ماعاد تنفع المشوره ....مالك عندي الا ان ادعي لك بالبركه

الله يبارك لك فيها ويربحك

[عبيد سعد السبيعي]

اخـوي البكرة مزيونة الله يبارك لك فيها

لكن الرقبة قصيرة ،، والراس مزيون ماشاء الله

وان شاء الله بتجيبلك انتاج طيب

لكن نصيحتي لاعاد تشتري مفاريد

اشتر نياق شبب لاتشتري صغيرة

لاهنت

[خالد الحجي]

دام الحين هي في حظك الله يبارك لك فيها !!

[سلطان الدلبحي]

اخوي تركي الحميداني

مادام البكره صارت في حظك ...ماعاد تنفع المشوره ....مالك عندي الا ان ادعي لك بالبركه

الله يبارك لك فيها ويربحك

انا مع ابوعوض الله يبارك لك فيها

[ناصر الاكلبي]

ما نقول الا ماقال المطيري الله يبارك لك.

[محمد بن نوار]

ان شاء الله انها طيبة والله يبارك لك فيها

[فلاح الرشيدي]

العيب في مطلع الرقبة

يمكن تصلح بالانتاج

[مشعل الشويش]

حنا ماودنا لك بالخساره .. لكن كانك طمعت تبيعها براس المال وألا حوله بــــع .. !! ويبي الله يكرمك .. ويرزقك با أطيب منهـا ..

أمــا : مطـلاع ماهي بطالعــــــه .. ألاّ أن : نجم سهيــل طلع من شمــــــــال !!

.........

البكره مافيها زيـن ألاّ ( لونهـا : شعرتهــا ) ...

.........

وان قنيـــت عطايا اللـه ماتخيّب ...

.........

لكن انت سألتنا عن زينها .. واجبناك حسب وجهة النظر .. وقد نكون مخطين ( الله اعلم )

.........

أخوك

[منذر الدوسري]

البكره عادية جداً
والرأس ردي جداً والرقبه مثلها لاكن عمر البكره زين
والسعر العادل لها
4000
فقط

[شباب الراشد]

من شاورك دخل ذمتك..........

البكره لا تصلح ..........وهذي عبره لك حتى ماتطب لك طبه ثانية وأحمد الله أنها ب 8000 ريال بس.

اااسف على قول الحقيقه المره.......

[فلاح الخالدي]

الله يعوضك خير منها

[مبارك بن عبدالعزيز]

البكره مابها شي زين ومااظن انها تبي تطلع

[سلطان العريني]

البكره
خاليه من مواصفات الجمال
خاليه من الدسم :mwalat26:


لا كن اذا كبرت اعسفها
لانها تصلح رحول
وراح تبيعها بتقريب 15000

اما الانتاج ما اضن ان ورى هالوجه انتاج طيب :mwalat37:
حتى لو ان الفحل طيب

[جابر ابوشهاب]

الله يعطيكم العافيه جميع

اتمنى منع التعليقات وجزاكم الله خيرا

شكرا

[نجم الحربي]

البل كلها عطايا الله
ومشكلة هالناس اليوم
الناقه شينه والناقه زينه
هذا خلق الله عز وجل
الله اللي خلقها بها الشكل
تجي انت يالمخلوق
وتنتقد خلق خالقك
ماجازتلك الناقه قل مبروكه
جازتللك قل ماشاالله
والبكره اللي معروضه
اصبر عليها وتطلع ان شاالله