مستشفى الاحساء البيطري .. أرجو المشاركة من أهل النصح والإرشاد وفقهم الله !

[ياسر بن سعيد]

http://www.mzayan.com/vb/mwaextraedit4/extra/09.gif


http://www.mzayan.com/vb/mwaextraedit4/extra/01.gif



الأخوة الأفاضل .. لدي ناقة في عرقوبها ( فك ) أو ( كسر ) ومورم حيييل ، نويت بإذن الله إني أوديها لمستشفى الاحساء البيطري ، ولكن ما أدري هل تشورون عليَ أوديها عندهم ، وهل تتوقعون يعملون لها إشاعة حتى يتأكدون من ( الكسر ) أو ( الفك ) فما رأيكم وفقكم الله ، بارك الله في كل من يوجه ويرشد وينصح لأخيه المسلم .

[محمد سالم اليامي]

ود ولا تشاور جيدين ولا بعدهم طب

[ياسر بن سعيد]

ود ولا تشاور جيدين ولا بعدهم طب

جزاك الله خير يابو سالم ، إستعنا بالله .

[بندر الرويلي]

ودها وعلمنا كيف اجراءاتهم
يعني كيف استقبال الحالات لازم موعد ولا على طول
الله يشفيها ان شاء الله

[عبدالهادي آل سلطان]

ودها ولا تـشـاور

الله يشفي ناقتك


وشكرًا

[تركي بن عمران]

ودها وتوكل على الله بس اهم شي دبر لك رجال جيد يروح معها ان كانك منتب رايح لان احيانا وصارت لي يقولون مانقدر نسوي لها شي لازم يخف تورمها او نعالجها يومين لين تخف ثمن نسوي لها عملية تجبير وعندهم شبك تحطها فيه محفولة مكفولة من علف وماء لكن لازم رجال يتابعها عشان لين جا الدكتور يسوقها له في المستشفى اما من طرفك او واحد من الهنود العمال اللي يشتغلون في المستشفى واذا صار من طرفك فهو اضمن واحيانا يقولون ما تدخل المستشفى الا على دنا لانها بتتخدر فلازم الدنا تكون معها وعلى حسابها والله الموفق

[محمد الوهبي التميمي]

لايفتى ومالك في المدينه

الاخ بدر النفيعي يعطيك خبرها قبل نقلها انتظر وتابع الموضوع وتشوف الرد بإذن الله

[فيصل الخييلي]

مثل ماقالوا الاخوان ودها ولاتشاور وفي هناك دكتور ممتاز متخصص في العمليات اسمه د:رمضان

والله يشفي ناقتك وعطنا النتائج

[طلال بن عقاب]

لاتشاور

بس باشرنا عن حالته

[بدر النفيعي]

حياك الله أخوي / مركز الابحاث وخصوصا مركز الجمال فيه طاقم متكامل لعلاج جميع الحالات فمثل حالة ناقتك كسر ولا غيره فالمركز بإذن الله قادر على علاجهاا ،،

حمل ناقتك لمركز الابحاث وإذا حملتهاا أرجوا أنك تتواصل معي على رقم جوالي حتى نسهل لها أمورهاا بمشيئة الله تعالى ،،

(( 0557779927 ))

هذه بعض الصور التي ألتقطتهاا في مركز الابحاث حتى ترى بعينك كيف يتم إجراء العمليات هناك ،،


http://www.alhadafa.com/uploadedfiles/images/13387.jpg

http://www.alhadafa.com/uploadedfiles/images/13384.jpg

http://www.alhadafa.com/uploadedfiles/images/13385.jpg

http://www.alhadafa.com/uploadedfiles/images/13386.jpg

[سجلان]

بيض الله وجه بدر النفيعي والله يوفقه من حيث ما راح
اتصلت عليه وكان متجاوب معي ويعرض خدماته وهو لا يعرفني ولا اعرفه .