سؤال من الاخوه عن طريق الايميل ويريد الاجابه ..!!

[فهد بن صلبوخ]

بسم الله الرحمن الرحيم

السلام عليكم ورحمة الله وبركاتة .. واسعد الله اوقاتك اخوي فهد بن صلبوخ

.................................................. ..

اخوي فهد انا عندي تساؤل كان ودي اطرح هالتساءل على الاخوة اعضاء المنتدي لطلب الرأي من اهل الخبرة

اخ فهد . ما ادري ابي اعرف رأيك الشخصي . ورأي اعضاء المنتدي (منتدي مزاين ) في حال ان وسم الذود اللي عليها من يمين كان مقلوب بغلط من الراعي . بالنسبة لي ما قد مرت علي هالحالة (يقلب الوسم اللي فوق تحت واللي تحت صار فوق ) لاكن رأي انا يعاد الوسم مرة ثانية .او يكون في امر ثاني يجهلني . وانا اطلب الرأي من اهل الخبرة في هالامر .

تحياتي لك اخوي فهد .

والسلام عليكم ورحمة الله وبركاتة

الثلاثاء 24/1/1428هـ


.......................

مني اليكم والى الاخ المرسل

اخوكم

[مسعود العماري]

يعني الوسم خطأ مطبعي

اذا كان كذلك فأحسن شي بع الناقة اللي وسمت

وخص ان كانت رديه

والا اترك الوسم على اللي هو عليه لانه بيكون خاص لك

ولا فيه شبيه له ونبه الراعي لاعاد يقرب ويقلب الوسم

ودمتم سالمين

[علي ال مرعي]

انا من وجهة نظري اخوي فهد انه يترك الوسم على اللي هو عليه لانه بيكون خاص لها واذا وسمه الجديد يشبه وسم احد من العربان الله يعينه يوسم ثاني مره

وقله ترى الوسم من خصوصيات صاحب الحلال او على الاقل يتم بحضوره

وشكرا لك يافهد على النقل.