الظفرة ولا ام رقيبه؟

[عبدالرحمن محمد العجمي]

مساكم الله بالخير وعيدكم مبارك

بغيت انشدكم يالربع اي احسن

عندي لقايا وحقايق مجاهيم ودي اعرضها مع المسلمين (للبيع طبعا)

ويش برايكم اوديها لام رقيبه ولا الظفرة

[سالم بن لاحم]

ودها للظفرة ولا تمالي

عسى الله يرزقك فيها السعر الطيب

[سلطان الدلبحي]

لاوالله الظفره هناك المجاهيم غاليه

[بدر النفيعي]

لا الظفره ولا أم رقيبـه ، اخوي ترى العالم بتكسر حلالك والله وصدقني لا تنغش في ديره ماهي بديرتك ، خل حلالك عندك واذا تبي تعرف ان حلالك غالي ولا رخيص في المجاهيـم { سوق الاحساء } ولا غيره لا تروح ولا تتخسررررر ، شوري عليك

[عبدالرحمن محمد العجمي]

الله لا يهينكم
لكن الظفرة فيها سوق؟
وشلون ادخل البل للامارات؟

[عبدالمحسن المقاطي]

اخوي ام رقيبه يطلب أسنان كبار إلا الزين القوي يروح وبأسعار زينه

اما الظفره البيع فيها حسب الواسطه يعني لك معرفه مع احد الوكلاء رح ماتعرف احد لاتعني نفسك

لو ان حلالك يلطم الاشواط دام مالك معرفة حلالك ماياخذ حقه

[فلاح الرشيدي]

انصحك اعرضهم بالمنتدى وحط لهم جوالك

وبيجونك من كل مكان لي مراحك

[صالح الكربي]

سوق الحساء وبس يالربع .. سوق حامي لاهل قطر والامارات

ونصيحه لا تتعدونة وإذا انتو مانتو فاضين عطوها واحد من هل المعارض ( الاحواش )

اخوكم من الامارات

[خالدالعصيمي]

مدها لظفره

[عبدالهادي آل سلطان]

الظفرة بدون حكي و خلها تمشي بشارع المليون
موفق خير أخوي