وش علاج بياض عين الحوار

[علي ال مرعي]

السلام عليكم ورحمة الله وبركاته
ياالربع انا عندي حواره جاها ذراق وعالجناها ثم عكمت مره وحده وعالجناها ثم ذرقت الزبده صارت وحده من عيونها بيضا والظاهر انها ماتشوف بها ارجو من من واجهته المشكله المساعده وشكرآ.

[محمد العطوى]

ذر فى العين حنى

[خالد الحجي]

ياأخ علي روح للصيدلي يعطيك مرهم خاص بهالمشكله وقبل ماتحط المرهم اغسل العين بماء دافي مع ملح وأن شالله تشفى لانها حصلت معي مع مفروده حتى صارت ماتشوف لكن الحمدلله استخدمت العلاج ثلاث ايام والحمدلله تشافت

[عيدالمنصورى]

اذا كان البياض سببه الحمى فهو بحاجه للعلاج الطبي وهو عباره عن مرهم للعيون
اما البياض باثر طبيعي يكفي رشه بماء مخلوط معه سكر جلوكوز يباع بالصيدليات البشريه

تقبل خالص التحيه

[علي ال مرعي]

الحواره عطيتها المرهم لمدة ثلاث ايام صباح ومسا مع التعقيم بالما الملح قبل المرهم لكن يوم قريت المرهم الا مكتوب عليه تجنب استخدامه لمده طويله ولها الحين حول 15 يوم وما شافت

[مشعل العوني]

السلام عليكم يالربع انا بعد عندي قعود مفرود انعمى جاه بلى في عيونه كلها وبيض وماخليت شي الا وسويته ولا ادري وش الطريقه وانا شاريه غالي بالحيل مير الله لايخسر تكفووووووووووووووووووووون الفزعه تكفون تكفون .

[عالي العماري القرني]

ياخوي خذ ملح وبله في فمك ثم مجه على العين وقبل ما تمجه يفضل إنك تقراالمعوذات على الريق ثم تمجه
والا خذ غرشة ماء أبو ريال وخرم غطاه عدة خرمات وامله ماء وملح ثم رشه على طريق الضغظ على الغرشه
هذا إن كان اللي فيها وضح أو سحابة وان شا الله ماتشوف إلا العافيه

[مبارك العازمي]

اخوي هذا نقص فيتامينات روح للطبيب وخله يعطيك فيتامين أ ويعطيك فيتامينات تغذيه وان شاء الله بطيب بكرتك

[حنيكي الأسلمي]

جربو الزنجبيل الأخضر الطازج قطعوا جزء منه ومسحو به العين

[منصور العدواني]

عندي بكره الان حقه مر بها نفس ما وصفت ولا عرفت لها علاج

بس تمنيت اني استخدمت الملح لانه الوحيد الي ما استخدمته

جرب الملح

والله يشفيها

[بندر معجب الهاجري]

مرحبا ياعلي انا عندي العام حوار مايس منه راعيه

اعماء يدعم الشبوك ويعيونه بيض واظهرت له الدكتور عاطف

الي في الجبيل وقال فيه بارده وضربه ابره وعطانا مرهم والحين

قده مفرود ولافيه الا العافيه يسرح مع اماته ويضوري

وامكنها بارده