طلب استشارة لأهل الابل

[سعدعبدالله]

يا أهل الابل نبي استشارة ودرس جديد لذوي الخبرة
متى يبدا تعويد الفحل على القيد والهجار والربط
وماهي الطريقة الصحيحة لهداوة البعير
شاكرا تعاونكم

[طلال الروقي]

حياك الله اخوي سعد

وكل عام وانت بخير وصحة

ومن العايدين

وانا أشوف انك تعود القعود على القيد والهجار اذا جاء عمره حق

وتبدا تربطه اذا جاء سنه لقي ..

والعقود طال عمرك عوده على رتم معين بالهداوه .. فالشده لا تأتي بخير

حكحك للعقود وقاردله وعطه خبز وتحايله وان شاء الله تضبط أموره

ووصيك بالخبز ..

مايقطع قلب المطيه الا الخبز ..

[سعدعبدالله]

اخوي طلال عيدك امبارك
تقبل الله منا ومنك صالح الاعمال
هل الخبز يعطى مناوله من اليدأم يرما له
اللي أعرف انه مايصلح تعطية مناوله
حتى لايتعود اللفته على صاحبة
وشكرا لهذه المعلومات التي تفيد شريحة كبيرة من مبتدئي مهنة تربية الابل
تقبل مروري

[احمد محمد سلمان]

مرحبا يااخ اسعد

شف من اول مايدخل حق ويكمل نص السنه تلقاه بيجنن المقهور
اعزله وليا عزلته تلقاه يكسر ويهابد مايبي العزله لكن طبعه

وعوده عليك ولاتجيه ويدك فاظيه اما خبز اما قطعه تمره اما جزر

انا قعودي من مفرود لين ثني وانا ادلعه بالجزر وكل ماتعطيه ناده باسمه وقرد عليه

اسبوعين ولا شهر بيتطبع ولاتحكره ليا صار لقي فكه معه الابل يوم واتركه 3 ايام بقيده وفكه بهجاره وهكذا

ارجو اني افتدك وشكرا

[سعدعبدالله]

الاخ الروقي والاخ احمد
شكرا لكم على اهتمامكم وسعت صدوركم وعلى هذه المعلومات القيمه