استفسار عن ابره التثبيت للعشرى

[مبارك بن محمد]

السلام عليكم ورحمه الله وبركاته

حبب اسألكم يا جماعه الخير عن الناقه ياللي تكسر بعد شهرين .. لانه عندي ناقه تكسر بعد شهرين عند راعيها الاولي .. ولله الحمد والمنه الحين من وصلتني الناقه لقحه صار لها شهرين .. ومن كلام راعيها الاولي انها تكسر من شهرين لشهرين ونص .. والحمد لله لين الحين ماسكه وعشرى ..

وشو نصيحتكم لي .. وشو اسوي على شان يثبت لقاحها .. هل ابره الثبات بعد شهرين تضر العشار ... ووشو تنصحوني فيه .. ابا انسان مجرب ولا تهونون لاني ما اريد اتبهدل وياها وارد انوخها وانا ما حسيت من الله تلقح ... ومتى الوقت المناسب للابره وهل يضر الجنين في بطن امه !؟؟


ويا ليت تنصحوني بابره ولا بشورٍ طيب وهيه ارزاق .. والحمد لله والشكر على ياللي بيي

وجزاكم الله خير مقدما ..

[خالد الحجي]

لاتستعجل يمكن الله يتم لقاحها بأذن الله وثاني شيء لاكسرت لاسمح الله عليك ببيطري جيد يدخل عليها وينظف عنها ويعطيها كورس ابر للتنظيف وإن شاءالله ماتحتاج ويتم لقاحها بأذن الله

[سلمان بن حمد الدوسري]

بالنسبة لأبر تثبيت اللقحاح أنا جربتها في ناقتين عندي ولاشفت فيها فايده عندي .
اللهم أني يوم بعت الناقتين وطلعن من ذمتي لقحن والحين ننتظر ولادها ،،،،
فلذلك يمكن أنها عند راعيها مناظره يعني ( منظوله ) ودامها طلعت من ذمة راعيها الأصلي لذمتك إنشاء الله إنها بتعشر بدون أبر ولا حاجه اللهم يمكن تنظيف فقط .

[مبارك بن محمد]

لاتستعجل يمكن الله يتم لقاحها بأذن الله وثاني شيء لاكسرت لاسمح الله عليك ببيطري جيد يدخل عليها وينظف عنها ويعطيها كورس ابر للتنظيف وإن شاءالله ماتحتاج ويتم لقاحها بأذن الله

للاسف اخوي ... اطفت الناقه .. رغم انه ياللي منظفها سوداني ممتاز .. وما شاء الله عليه

والسموحه يا اخوي خالد .. طولت بالرد رغم اني قريت ردك من اول يوم ... بسبب اني اقرا الردود من البلاك بيري .. والكتابه فيه غثيثه .. وتعقد بالعين ..

[مبارك بن محمد]

بالنسبة لأبر تثبيت اللقحاح أنا جربتها في ناقتين عندي ولاشفت فيها فايده عندي .
اللهم أني يوم بعت الناقتين وطلعن من ذمتي لقحن والحين ننتظر ولادها ،،،،
فلذلك يمكن أنها عند راعيها مناظره يعني ( منظوله ) ودامها طلعت من ذمة راعيها الأصلي لذمتك إنشاء الله إنها بتعشر بدون أبر ولا حاجه اللهم يمكن تنظيف فقط .

للاسف .. اطفت يا اخوي .. وانا خليت وحده من الابل من حظي في حظ بنتي .. والله يكتب لها الخير من وراها .. وبنشوف نتايج المناخات ..

وبالنسبه للناقه .. اطفت يا اخوي .. مثل ما انا متوقع منها .. والحين لقحه .. والله يثبت عليها ..

[خالد العفاسي]

اول شي وقت ابرة التثبيت بعد الضراب الى ثلاث ايام
ثاني شي لو كسرت الناقه اغسل حياها وبعدين اضربها وبعدها عطه الإبره
وحاول انها ما تسرح واجد لأن الناقه اللي ما تعودت على المسراح تكسر اذا صارت تسرح بشكل مفاجئ
ويمكن مثل ماقالوا الإخوان فوق انها مناظره