بعير زيد المطيرى

[هادي الدوسري]

السلام عليكم يالربع انا ابنشدكم عن بعير زيد المطيرى الي على طريق البحرين حول القاعده الجويه ويش ساسه وهل له إنتاج وهل عليه سرا وجزاكم الله الف خير

[ياسر الحربي]

ياليت توضح وين على طريق البحرين الموقع بالتحديد

[عبدالمحسن المقاطي]

حسب ماوصلني عن زيد المنصوري

بأن الرجل فاتح سرا وبعيره عليه سوم مليون ريال

والبعير طيب والشبوك كثيره حوله

ولكن ما اعرف ساس البعير حتى الآن اتمنى من يفيدنا

[هادي الدوسري]

الاخ ياسر الحربي موقعه لا تعديت كبري ابو حدريه متجه للبحرين تلقاه على يدك اليسار حول الكبرى الثانى تقريبا".

الاخ عبدالمحسن المقاطي جزاك الله خير لاكن نريد معلومات عن البعير اكثر.

.

[خالد الغزلي]

حسب ماوصلني عن زيد المنصوري

بأن الرجل فاتح سرا وبعيره عليه سوم مليون ريال

والبعير طيب والشبوك كثيره حوله

ولكن ما اعرف ساس البعير حتى الآن اتمنى من يفيدنا

بوغنام

الاخ هادي يتكلم عن زيد المطيري

[خالد الغزلي]

وعليكم السلام ورحمة الله وبركاته

البعير جيته ويقول راعيه انه على الامعط

وسويت بحث عن الامعط ولم اجد اي معلومه

[عبدالمحسن المقاطي]

اسف زيد المطيري هذا ما اقصد والخطىء مرجوع

زيد المطيري الي حول طريق البحرين جنوب من الثقبه حسب علمي

وسوم البعير مليون وبجيب بكره باقي علوم الفحل

[مبارك العبدلي]

الامعط بعير صالح المطيري

والامعط على خشبان العصلب الهرش الي مات

[خالد الغزلي]

الامعط بعير صالح المطيري


والامعط على خشبان العصلب الهرش الي مات


تأكد من المعلومه بارك الله فيك لاني سألت راعي البعير ولا ذكر خشبان

[محسن سالم العرجاني]

من يعطنيا اعلومه الاكيده؟

[عبدالله المري]

الامعط على هديان بعير عبد الهادي الشافعه الهادي بن زايد المري كان المطيري
خليط معهم في الابل وهديان اخو خشبان من الاب على هديان العود

[عبدالعزيز ساعد]

كلام عبدالله المري صحيح والبعير عليه سرى وسومه مليون ومائه الف
والبعير ساسه طيب من ناحية ابوه وامه اللي يبي علوم اكثر عنه حياه هذا رقم الجوال
0598889819

وهذا مقطع فديو قبل شهرين

http://www.alhadafa.com/uploadedfiles/vedios/2208.mp4

[خالد الفالح]

جعله يتبارك لاهله ومن جاورهم ويرزقهم منه البكار الغوالي ناهي الله يحماه من عيون المقاريد

[خالد الغزلي]

البعير طيب وراعيه اطيب
وراعيه سنافي وعلومه طيبه مع الناس الي عنده وعماله يوصلون الماء على الشبوك وفاتح بيت الشعر وبتلقى فيه المعاميل والعود الازرق والسوالف الزينه والحجاج الي يضحك
الله يرزقه الانتاج الطيب