عاجل للأخوان

[بندر العفيش]

السلام عليكم


أحبتي بغيت أسأل عن الدوسري الحبصي الي في نفود الدهناء وين مكانه بتحدبد عندي ضرايب بوديهن صوبه

وهل انتاج الفحل ينعناله

[راشد العرق]

عليكم السلام

يابندر البعير ينعنى له وراعيه خيرة الرجال ترتيبه طيب ومقابله اطيب

والانتاج مسكت الله يبارك له وللجميع

[جابر ابوشهاب]

انشهد انه ينعناله ولكن لا اعرف مكانه ومثل ماقال اخوي راشد الفحل طيب وراعيه اطيب

شكرا
---

[بندر العفيش]

راشد والاخ جابر اشهد بالله انكم صادقيين انا قابلته اليوم ونعم الرجال ومحله ومقابله مقابل رجال

وعزالله انه امير بعلومه الطيبه الرجال بس يرحب ويهلي

الله يكثر من شكله ومن الرجال الي مثله

[خالد الفالح]

انا خابره مقيض العام في حايل
ولكن يذكرونه رجع حول الفويلق شمال القصيم في الرمث ولاني متأكد
اما ينعنا له فالرابح الي تعشر ناقته على ناعسان الله يبارك للحبصي في حلاله