الله يعافيكم ردوا علي بسرعة

[خالد الشريفي]

السلام عليكم عندي بعض الأسئلة

ما هو عبس الابل

ماهو افضل سن للناقه لهدها على الفحل


والله لا يهينكم ابي الرد السريع

[حمد بن صبيح المري]

حياك الله أخوي خالد

هو ريح( عرق) صفن الناقه وهو سبب يباس الشماله

أما بخصوص سن الناقه من سن اللقيه

تحياتي

[محمد العطوى]

عبس الابل هو البول
وافضل سن للناقه من جذعه ومافوق

يقال اذا بغيت تكثر الابل اضرب الحقه
والحقه عند اهل الشمال هى ثلاث سنوات

[حمد بن صبيح المري]

حياك الله أخوي خالد

هو ريح( عرق) صفن الناقه وهو سبب يباس الشماله

أما بخصوص سن الناقه من سن اللقيه

تحياتي


زياده على الكلام هو وزر الناقه في طرف الذيل

[جاسم الجربوعي]

حياااك الله ياخالد

اما سؤالك عن ااالعبس فرد عليك حمد بن صبيح في رده لخير

وافضل اضرااااب لناااقه اذا لقة

تحيااااتي

[خالد الشريفي]

الله لايهينكم

وبيض الله وجيهكم

[فيصل بن مرخان]

الاخ خالد ولا يهنون الربع
العبس هو باقي الوزر اوالوزر الي يعلق في الذيل
والناقه الي تضرب من جذعه وفوق ..الناقه الي تضرب دون كذا تغدي هجره
تحياتي

[خالد الشريفي]

الله لا يهينكم

العبس خابره مثل ماقال اخوي حمد ابن صبيح العرق اللي يخلي الشمالة يابسه

وقال لي واحد من الشباب انه وزرها وحبيت اتاكد

لكن هل اذا اضربت اللقيه يثر ذا الشي على طولها

والبكرة الزينه تهقون اتأجل أفضل إلى ما تجذع

[حمد بن صبيح المري]

صبحك الله بالخير أخوي خالد

أفضل للبكره الزينه تركها حتى تجذع

تحياتي