رايكم يالاجواد عجلو عليه

[رائد الحربي]

السلام عليكم ورحمة الله وبركاته وبعد
استشاره يالاجواد عندي ناقه مات ولدها والناقه ما تحن وما تخلينا نقرب منها لجل نحلبها
وقالي واحد دور لك حوار وضيرها عليه وابي رايكم يالاجواد وش الحل والناقه غاليه عندي
ابي مشورتكم وبسرعه
اخوكم رائد الحربي

[فهد العوسجي]

الراي اللي عطوك اياه الاجواد هو الراي السديد وانا اخوك ..

اشتر لك حوير بألف بألف وخمس وضيره عليها .. والله يبارك لك فيها ..

[نوار السبيعي]

خوي رائد انت مشتهي للحليب فشتر حوار وضيرها عليه

وان كان عندك مايسد عنها من الخلفات

كسبها تجيبلك السنه الجايه بكرة اتعوضك عن الحور الي مات

[فهد القحطاني]

ظربها بالبعير الطيب مادامها غالية عندك

[حمد بن صبيح المري]

السلام عليكم ورحمة الله وبركاته
صبح الله بالخير أخوي رائد
ما قصروا هل الآراء ، إن كانك تبغي اللبن فأشتر أحوار وضيرها عليه وأن كنت تبغي الأنتاج فأضربها بالفحل الطيب ، وعلى قول بدوانا (( أضرب وتحل ))

[رائد الحربي]

اشكركم جزيل الشكر وبيض الله وجهيكم حقيقه انكم غانمين ومعرفتكم شرف
ولكم مني خالص التقدير والاحترام