هاااام من لديه الخبره في وسوم البل

[فالح بن ركبان]

مساكم / صبحكم الله بالخير ياالربع
حبيت انشد عن وسم ماعرفت من هوله

الي هو مطرق وباكور

عندي صوره له بس العلم اني ماعرف انزلها
ارجوا من كان عنده خلفيه عن هذا الوسم في اي جنب في المطيه يرد على الموضوع للاهميه
وبنسبه لمكانه في المطيه ؟؟؟؟هذا الي حبيت اعرف عنه

ولكم جزيل الشكر والعرفان وبيض الله وجيهكم يانشامى

[على عمير بشير]

مرحبا يا بن ركبان المطرق والباكوره ياسمونها ناس واجد اول شي مطير الصعران والعجمان الشامر وقحطان وشمر بس الختلاف في موقعه على الناقه وشكرا

[سعد الحربي]

هلابك اخوي فالح
الباكور ياسمه بني عمر من قبيلة حـــــرب

[زاهر العرجاني]

مرحبا يابن ركبان

والوسم هذا مثل ماقال اخوي علي بن عمير ياسمه ناس واجد

لو تحدد مكانه او تنزل الصوره اللي عندك انا متاكد انك تلقى الاجابه عليه من الاعضاء

هذا الرابط للاخ خالد السبيعي عن وسوم القبايل اتمنى ان يفيدك

http://www.mzayan.com/vb/showthread.php?t=1182

[فالح بن ركبان]

بيض الله وجيهكم على الردود
لاكن ماوصلنا المراد
وعلى الصوره فهاذي
رفعها واحد من الربع الله يرفع عنه وعنا الشر


URL=http://arb-up.com/4m8err5h6gy8/ljbkjlvb_kjh.jpg.html]http://files03.arb-up.com/i/00296/4m8err5h6gy8_t.jpg[/URL]

[على التميمى]

الأخ فالح الركبان حياك الله

الباكوره والمطرق عرض على فخذ الناقه من يمين ياسمونه بعض بنى سعد من تميم

وأنا مضيع بكره شقحا لقيه من 17- 1 - 1431ه

وأرسلت لك رساله على الخاص إن كانك معين شىء إتصل جزاك الله خير

تحياتى