الاخ عيد المنصوري , ارجو الافاده 0

[عبدالله ماجد العفاس]

الاخ / عيد المنصوري 0
أسعد الله أوقاتك بكل خير وكل من يدخل هذا المتصفح 0
- - عندنا بكره لقيه كلت مع أمهاتها مخلفات مزرعة دجاج , مازالت البكره باركه مع أن أمهاتها قامن بعد فترة شهرين
على التوالي , البكره تقوم على أيديها لكن رجولها ماتحرك وصار لها قرابه اربع أشهر ------- ماهو العالاج؟
تقبل تقديري 0

[فهد بن صلبوخ]

أرحب يابوماجد

بالنيابه عن اخوي عيد

البكره متوهنه واقرب على لها طال عمرك

جب لها ونش وكل يوم قومها ولاوقفت خلها تسير لين الله يفك لها تراها او الوقت بتروع ولاقامت ماهيب باركه لكن خلها لين تقوم من كيفها


وبالتوفيق

[عبدالله ماجد العفاس]

الاخ / فهد بن صلبوخ 0

شكرا لك , وبأذن الله نطبق ماتفضلت به 0

تقبل تقديري 0

[مسعود العماري]

اعتقد ابوحمد ان الامر مهوب وهان لان الوهان يكون سببه احيانا الشيل مع عدم مراعة ان تكون السيارة فيها فرشة او

تعرض السيارة لمطبات قوية تضر اعصاب الناقة والوهان يستمر لمدة اربعين يوم تقريبا وتقوم الناقة بدون علاج

اما الحالة اللي ذكر ابوماجد فناتجة عن اكل مخلفات الدجاج اعزكم الله وهذه الحالة صارت لواحد من الربع واخذ لها

مضادات من البيطري والحمد لله تحسنت وانا شفتها بعد ما تعافت تقول في جنوبها جرب والمرض مبين عليها ولكن مع

الوقت ان شاء تطيب وعليك ابوماجد بمضادات حيوية وفيتامينات

[عبدالرحمن عبدالعزيز]

واسعد الله اوقاتك اخوي عبدالله

مخلفات مزارع الدواجن من اخطر المخلفات لما تحتويه من هرمونات ومواد كيماويه خطيره جدا
والافضل ان تنقلها لاحد المستشفيات المتخصصه لاخذ عينات من الدم والدمن اجلك الله لمعرفة السبب الرئيسي واعطاء العلاج الانسب لان مثل هذه الامراض لا ينفع فيها التطبب بل يلزم الكشف الدقيق
ونصيحتي لك ان ترسلها لمستشفى الاحساء او القصيم ايهما اقرب لك

وتقبل تحياتي

[عيدالمنصورى]

الاخ ابوماجد
اعذرني لتاخير الرد لابتعادي بالبر
اذا كانت البكره بالامارات كلمني يجيك الونش ومتخصص اعصاب واستشاري
اما اذا كانت خارج الامارات فمالك الا كما ذكر الاخ مسعود العماري المضادات الحيويه نوع تيراميسين كل ثلاث ايام مره بقدر ثلاثون ملي تعطى بالعضل بالرقبه كل ثلاث ايام مره ويكفي مرتين وبعدها ابرة بي 1 كل ثلاث ايام مره اربع جرعات 10 ملي بالجرعه مع فيتامينات بودر تعطى باللقم يوميا
تقبل تحيات اخوك