الفحل / مسكت ،

[بدر النفيعي]

اخوان انا شريت لي ناقه مغتر من أحد الاخوان في الرياض " والرجال حلف لي ان الناقه لقحـه على البعير الي أسمه / مسكت / بعير الجليدي ؟ هل أحد عندهـ انتاج من ها البعير عشان اشوف الانتاج ؟ وهل الجليدي يملك بعير أسمه المسكت ؟؟ أرجوا من الاخوان أصحاب الخبره الكافيه أن يدلوني أرجوا الاستعجل في هذا الامر وجزاكم الله خيرر

[سلطان الدلبحي]

الله يرزقك منه يا بدر بسس انا مني خابر غير عقااب
والاخوان انشاء الله يفيدونك

[محيميد الرشيدي]

الله الله عنده بعير اسمه المسكت

[بدر النفيعي]

لاهنت يا الدلبحي / وبيض الله وجهك "
ولاهنت يا محيميد / وبيض الله وجهك على المعلومه ولا عليك أمر يا الغالي ، بغيت اعرف وش أنتاج البعيررر ، وكيف انتاجه على نظرتك يا الغالي ؟؟؟ هل كفوو الانتاج ولا ؟

أرجوا الافادهـ وتحياتي لــكَ...

[محيميد الرشيدي]

وجهك ابيض يالنفيعي وانا والله ماشفت انتاجه لاكن راح اسالكوجيب انتاجه انشاء الله وتشوفه

[بدر النفيعي]

نخدمك في إفراحك أخوي / محيميد ماهي غريبه عليك يا الذيب ولا على لابتك ، إنتظرك

[محيميد الرشيدي]

يابدر الفحل هذي صورته وهو على كلام الناس انه منتج وهو ولد هياف بعير مبلش اخوه الله يرحمه
اما انتاجه بحاول ولاكن ماوعدك

وعذرني على القصوووور

[بدر النفيعي]

كفيت ووفيت يا ذيب ، عبس ، ولاهنت وجعلنا ما نخلاا منك ، وآسـفين أننا تعبناك معنا ونخدمك في أفراحك أن شاء الله ،

شكر لك اخوي للمره المليون ، وتحياتي لك

[محيميد الرشيدي]

تعبك راحه ونتشرف نخدم الرجال الطيبه اللي مثلك وشرواااك