وين اهل النظر والخبره محتاجينهم اشد الاحتياج

[نيّاف بادي العطاوي]

رايكم بهاالبكره يهل النظر والصنف وهل فيها شبه من فزاعه من وجهة نظري والبكره تروح لقيه ربيعنا ذا
وكم تسوي دراهم كاش من وجهة انظاركم هل هي بكره مزاين او عاديه وش رايكم ياهل المجاهيم









http://www.alhadafa.com/uploadedfiles/images/8845.jpg

[محيميد الرشيدي]

انا والله راعي مغاتير لاكن يفيدونك اهل المجاهيم

[خالد الفالح]

البكره طيبه ومقنويه واللون والعمر وافي على حقه تروح لقيه والراس والرقبه حلوه والمشارب طيبه
عليها مدخل السنام متقدم و على مجهم مقبول شوي ومتعلوي عيزها غاربها والبكره في العموم حلوه وان كان عليها سوم اذكره الله يبارك لاهلها فيها

[حاتم العماري]

هل البكره ملكك اخي نياف حتى نعطيك راينا؟
تقبل تحياتي

[قاسم الحويمضي]

البكره مقنوي طييييبه

[فهد الأحمد]

أضم صوتي لصوت أخوي حاتم؟

واطرح عليك نفس السؤال.

[محمد ال جابر]

البكره يقال لها زينه فيه اللي اطيب منها وفيه اللي اردى منها

لاكن ماهي حقت مزاين ولاهي حوول فزااعه فزاااعه اطيب بكثير

وعذرووبها سنامها متقدم وله عيز

وسلامتك