(( رمّــــــــــان )) .. حـــــوار !

[مشعل الشويش]

السـلام عليكـم ورحمـةُ اللـه وبركاتــــــه ...

( ماخــاب مــن استشـــــار ) ..

القعـود : عمره 7 أشهــر .. !

وامه وسـط من البـــــــل .. وابوه بعير انتاج فقط .. ( زين لاتدور فيـه ) !!

خوات القعود من الوسط وفوق ..

................... (( وش رايكـــم يالربــــــــع )) .................

القعود : يصلح فحـل وألا لا ...؟ ارجوا ذكر ملاحظاتـه !!



http://www.alhadafa.com/uploadedfiles/images/8788.jpg

[ماجد العتيبي]

ماشاء الله تبارك الله
العقود مواريه طيبه ومتسند
الله يبارك لك فيه يامشعل

[محمد بن مطيليق]

مرحبا اخوي مشعل

القعود فوق الزين ماشاء الله تبارك الرحمن

يمكن لونه هو اقل حاجه فيه والا الباقي تمام

الله يبارك لك فيه

[حمد الحريّص]

وعليكم السلام ورحمة الله وبركاته

الله يبارك لك فيه اخوي مشعل

القعود مبروك ومواريه ماهي شينه

لكن الفحل ساس البل وانصحك تدور لك حوار على ساس طيب ومعروف

[مشعل الشويش]

بيض الله وجيهكـم .. وطوّل الله اعماركم على طاعتـه ...

وماقصرتـوا على ابـدآ وجهات النظـر ..

ومشكوريـن الكل بأسمه ..

ومروركم شرف .. وتاج على الراس ..

والقعـود ساسـه طييب ولله الحمد وخواته كايفه

....

والله يسلمنا .. وأياكم

[فهد الجذع]

ماشاء الله تبارك الرحمن
لاهنت على العرض

[محمد الغنامي]

سلام عليكم اخوي مشعل
القعود مواصفاته مهب شينه واذا كان خواته كايفات على ماتقول فحله ولا تشاور احد عشان انتاجه يبي يطلع على امهاته
والله مايخيب ضنك فيه

[بجاد العتيبي]

السلام عليكم لالا اختلاف الاذواق لبارت السلع بالنسبه للشكل عادي

[عبدالله بن مطلق المزحمي]

وعليكم السلام ورحمة الله وبركاته

الاخ مشعل

نسال الله ان يبارك لنا ولكم

بالنسبه للقعود من وجهة نظري انه مايصلح فحل اذا كنت تبغى بكار عليها الكلام
اما اذا كنت راعى منايح ولا يهمك الزين ما عندك مشكله

المزحمي