اللهاه وتاثيرها

[محمد ابو عدوة]

السلام عليكم ورحمة الله وبركاته وكل عام وانتم بخير وعساكم من عواده. يطوال العمار انا عندي بعير عاما يلهي وذا الزمان ماشفت له لهاه وحاله مهو مثل العام حاله ذا الزمان شين .وسوالي اللها ه اللي ماتقطع لها تاثيرعلى البعير .وللمعلوميه البعير اكله زين .

[فهد بن صلبوخ]

ارحب يامحمد وكل عام وانت بخير والله يعوده علينا وعليك ان شاء الله ..

اما بالنسبه للبعير فيه بعض الركاب ماتظهر اللهاه تنفخ حلوقها من عند الخناقه وبس ولكن بما انك قلت لي انه العا يلهي فهو اكيد ان اللهاه مدقر لها شي واكبر دليل يومك تقول ان حاله شين ذا الزمان ..



حنا العام الاول واحد من الربع كان عنده بعير يلهي وعقبه ماعاد اللهى وتردا حاله جدا جدا جدا الى درجه بعض المرات ماياكل الا الشوار والماء فقط ..؟؟


فطرحنا البعير وادخلنا يدينا في حلقه ولقينا جرم رمثه معترضه في حلقه ..


هذا وصلى الله على نبينا محمد

اخوك

[فيصل بن مرخان]

الاخ محمد شفت بعارين ذا السنه لاقبل ما تهدر مثل عامها وهذا علمه عند الله ... لا كن سوءالك مو واضح عن التقطيع
تحياتي

[محمد ابو عدوة]

تحياتي لبن صلبوخ ولك اخوي فيصل وللتوضيح اللهاه يقولون انها تنشب فيها بعض اللعيدان وانها تلتهب وتمنع البعير من الاكل وان الدكتور يقطعها ويعطيه ابر مضادات وحبوب .وبعض البدو اهل الخبره يقطعونها قطع لحم على حد الشدق.