المزاول هل له علاج..؟ ولاهنتو

[علي بن ناصر]

صباح الخير

عندي بعير شاريه ثني

ومن يومه مفرود عند راعيه الاول وهو مربوط في رصاق و في حوطه وصاير له عراقيب

يالله يالله يمشي مع البل

المهم

البعير متعلم المزاول

وولا يمسي الليل من المزاول

لاصبحنا وجيت له لقيت ايديه غايصه في التراب الى الركب

وماعاد ياكل طعاااامه

والحين

هل فيه علاج للمزاول والا للعراقيب


افيدونا جزاكم الله كل خير

[حاتم العماري]

انصحك تغير برنامجه
حط له شبك وسيع وقوي وخله طلق يومين -ثلاثه وبدل بين الربط والفك كل فتره وبيرتاح ويتطلق ويزين خاطره ان شاء الله
تقبل تحياتي

[فيصل محمد الحقباني]

انصحك تغير برنامجه
حط له شبك وسيع وقوي وخله طلق يومين -ثلاثه وبدل بين الربط والفك كل فتره وبيرتاح ويتطلق ويزين خاطره ان شاء الله
تقبل تحياتي



مع الاخ حاتم العماري

[محمد حمد المري]

صباح الخير على الجميع اذا كان مزاول البعير على الرباط بحيث انه يرتكي على اليد الثانيه غير الرباط في اليد اليمنى

[مبارك المري]

المزاول عادة اذا حصل وتعلم عليها البعير مايخليها ولا ينساها ابد

حتى لو تفكه في شبك واسع وقد حصلت معي بحيث لما فكيته صار يروح لزاوية معينة من الشبك وويوقف على طرف الشبك بحيث تكون رقبته تلامس طرف الشبك ويبدا مزاول

ومع الوقت تجرحت رقبته بشكل كبير وشفت ان الرباط اشوى له

يعني بالمختصر المزاول مال حل الا الفك مع البل

[علي بن ناصر]

لاهنتو جميع

[راشد مبارك المري]

انا مع مبارك المري .. المزاول اذا كبر عليه البعير ماعاده بمخليه ابد ... لو انه تغير برنامجه عاده صغير ممكن بس ذلحين من المستحيلات انه يخلي المزاول .. الا تفكه مع البل

[مطلق الشلوي]

ماتوقع انه يتركه الحين بعد صار ثني

[حاتم العماري]

اعود واكرر نفس نصيحتي السابقه
انصحك تغير برنامجه
حط له شبك وسيع وقوي وخله طلق يومين -ثلاثه وبدل بين الربط والفك كل فتره وبيرتاح ويتطلق ويزين خاطره ان شاء الله

البعارين ماهي سوا وبعيرك توه شبب وجرب ماانت خسران
تقبل تحياتي