شرايكم بالجمل هذا

[عبدالله العازمي]

يالربع تعطونا احلى شي بالبعير هذا تراه هرش ورادة رقبتة شوي
http://www.bof3d.com/up/get-12-2006-bof3d_comd88lds04.jpg (http://www.bof3d.com/up)
http://www.bof3d.com/up/get-12-2006-bof3d_combeqoman8.jpg (http://www.bof3d.com/up)

[محمد علي الهدفه]

اخوي عبدالله

احلى مافيه سمين مايبي كلام

تحياتي لك

[عبدالله العازمي]

وغير السمن يامشرفنا مافى شي زين

[محمد علي الهدفه]

اخوي عبدالله

ازين مايحتاج تعريف

وانت طلبت الراي وجاوبتك معرفتي

ولا تستعجل الاخوان العضاء والمشرفين بعطونك رايهم
وا كيد هم اعرف مني
ودمتا بخير

[عبدالله بن مطلق المزحمي]

الاخ عبدالله العازمي

اولا نشكر على عبدالله على طلبه من اعضاء المنتدى راييهم

ونسأل الله ان يبارك لنا وله

نبدا في الراس

راسه تصاغره وله قله وخده غير عريض وخشمه وسيف لحيه اقصار

الرقبه

قصيره وعنقا ومطلعها ردي

جنبه قصير وذيله طويل

واما احسن ما فيه البعير متسند

ونسال الله ان يبارك لنا ولك

ونسال كذلك الفايده لاخواننا اعضاء المنتدى ويكون توصيفنا مفيد للميتدئ
وزيادة معرفه لاهل الابل


اخوكم
المزحمي

[عبدالله العازمي]

والله يالربع البعير هذا مشتراة حوار قبل يمكن 12 سنة تقريبا على 13 الف ريال من اباعر خلف الجعيب شراه رجال مطيري
ووسمه على الخدة هلال وبعدين يوم اجذع باعة المطيري والقعود ما اظرب
لي باعة والله ما اذكر واخذه واحد من شيبانا وهدة فى اباعر مجاهيم وصفرالمجاهيم والبعير قام يقط فى كل جول اكثر من حبشة
بعدين نزل الجعيب على الشايب هذا وذبحلة ويوم جاه انشدة العود قالة ياخلف انا شريتلى بعير من هاك الرجال تعرفة قال اى بالله
اعرفة قال انا شريت البعير منه والبعير انا ابي اشوف امة والا خواتة قال اما امة والله ما اعرفها اما ابو بعير المبطي اللى بعته غالى
على احد الملوك والله ما اذكر اى ملك لان ان كان البعير يقط حبش فتقضب بالبعير بايدينك ورجولك والبعير انا اخذتة العام بالربيع لانى والله يالربع تمصخرت او
لانى والله يالربع تمصخرت كانن ظرايبي 8 وعندي عشاري 3
ومامعاى بعير وقعدت اظرب عند الربع ولاتعاشرت البل وعقب منحنى رجال بعيرة شهر ولاعشرت علية الا 3 وعقب البل جاها جرب
واخذتلها شهر ونصر مجربة وعقب كسرن البل اللى تعاشرن وعقب نزلت عند العود هذا والبل كلها علية لقاح النة هذى ولا تولد الا فى
شهر 3 و4

[فهد بن صلبوخ]

ارحب ياعبدالله

وازين مافيه تسنادته ..!!

اخوك

[نوار السبيعي]

لا اخوي عبدالله لو قريت الموضوع قبل شهر كان عطيتك رايي والحين
خله لشهر 11 السنه الجايه واعلمك ابريي فيه

[عبدالرحمن عبدالعزيز]

الاخ عبدالله
مدامك مضرب البل عليه خلاص اصبر وبتشوف الطرح والبعير وانا اخوك سد مهوب شكل ياما بعارين ما تعداها من الزين لكن طرحها قصاب وياما تحاقر من بعير ويصير طرحه ذهب وان كانك بس تبي تشوف رئي الشباب في الشكل بس انا اقولك من وجهة نظري ما في البعير زين الا اللي قال عبدالله المزحمي

وتقبل تحياتي