الحشو تسكرت خشومها ويش العلاج

[سليمان بن فهد]

السلام عليكم ورحمة الله وبركاته
نبارك لكم شهررمضان المبارك
عندي يالربع الحشوان تسكرت خشومها هل لها علاج وبعض الربع قال اتركها وتروح من حالها
وفقكم الله

[محمد ابو عدوة]

مرحبا يابو فهد كلام الربع صحيح واللي مضايقها في التنفس اغسلها بماء وملح .

[طلال الروقي]

مجرد وقت وتروح يابو فهد

[بندر معجب الهاجري]

مرحبا يافهد هذا نثاث وكلام الربع صحيح يروح لحاله

[سليمان بن فهد]

الأخوة / محمد أبوعدوة ، طلال الروقي ، بندرالهاجري

الله لايهينكم على الردود المطمئنة شاكرً لكم مجدداً

[محمد حمد المري]

مساء الخير ع الجميع اللي في الحشوان هذا أنثاث ومعدي وله علاج شعبي مجرب وعلاج بيطري مجرب الشعبي هو انك تغسل خشم الحاشي بالماء الدافئ والملح وتنظفه تماماا وتضع في الخشم من داخل عود عويدي مطحون <مسمار>لكي يتنفر الحاشي وينظف ماتبقى وكرر العمليه لمدة ثلاث ايام ...العلاج البيطري هو ابرة تراموسين وماعليها الا العافيه

[سالم الهاجري]

اخوي سليمان ...
السلام عليكم ..

خذ الطريقه هذي وتراها مجربه :
ماء دافي مع ملح وينظف السدد اللي في خشوم الحشوان جيدا .. وعندما تتأكد من نظافته من اللي مسدد خشومها .. تحط زنجبيل مطحون في خشومها من الداخل !!

وكررها في اليوم التالي وان شاء الله سهالات وبالسلامه .

[سليمان بن فهد]

الأخوة / محمد المري ، سالم الهاجري
بيض الله وجيهكم أشهد إنكم ماقصرتوا وفيتوا وكفيتوا

[نواف ال زايد]

انا مع كلام اخوي محمد المري عود عويدي (مسمار) اطحنه لين يصير بودر واعصر ليمون وحطه في قلاص
واشخله وصبه في خشوم الحشاوين وافرك اخشوم الحشاوين ترى النثاث معدي لمدة ثلاث ايام

[حمود المشعلي]

أخوي العزيز

إن كان خشومها متسكره جدا فعليك بزيت الزيتون صب شئ قليل وتبشر بالعافية وأنا مجربها العام في الدهنا مثل هذا الوقت أنتشر عندنا في الحشو وبكثره

وأن كان شي بسيط فلا عليها شر إنشاء الله