انتفاخ بطن الناقه بالغازات

[فراج السهلي]

من اللي مرت عليه هالحاله عندي ناقه انتفخ بطنها غازات وقال الدكتور عسر هضم وإذا مسكت الناقه اعطيها علاج وارتاعت راح بطنها وبعد ساعه يرجع ينتفخ كأنه كوره
مضايقها مره حتى في التنفس لها يومين اعطيها بودره وابر ولا تغيرت بشي
اللي يعرف اعلاجها يفيدنا الله يجزاه خير وللمعلوميه الناقه لقحه

[محمد سالم اليامي]

اسمع في البيبسي مع الكافي ولا جربته يمدحونه الي جربوه

[فراج السهلي]

اسمع في البيبسي مع الكافي ولا جربته يمدحونه الي جربوه
حياك الله يابو سالم الببسي إذا كانت متخمه ينفع بس هذي مهوب تخمه انتفاخ يروح ويرجع
مشكور على المرور يالغالي

[عيدالمنصورى]

الناقه في بطنها شي اما ماكله وبر والا اكياس انشاء الله مايكون شي من هذي
الحل الاول تعطي الناقه حلول بيطري والثاني هناك دواء اسمه بلوت جارد
يعطى لمدة ثلاث ايام متتاليه والله يشفيها

[فراج السهلي]

الناقه في بطنها شي اما ماكله وبر والا اكياس انشاء الله مايكون شي من هذي
الحل الاول تعطي الناقه حلول بيطري والثاني هناك دواء اسمه بلوت جارد
يعطى لمدة ثلاث ايام متتاليه والله يشفيها
الله يعطيك العافيه ياعيد بسأل عن الدوا وانشاءالله يطلع بنتيجه
اشكرك على مرورك

[عبد العزيز الباتل]

السلام عليكم ورحمة الله وبركاته
مر العطار وخذلك رشاد مقدار سحله والا طاسه صغيره وخمره لمدة ساعه وصله فحلقها واسال مجرب واذا الناقه لقحه لاتحطه وانا اخوك

[نواف الحربي]

5 فصوص ثوم قطعها شرائح وحطها على لتر ماء وخضها حتى يتغير لون الماء ثم غرها الناقة

[نواف ال زايد]

كلام نواف الحربي صحيح عطها ثوم

[فراج السهلي]

مشكورين على الردود جميعا والله لايهينكم
وابشركم الناقه تحسنت