وش الراي يالربع

[عبدالله المسعودي]

السلام عليكم ورحمة الله وبركاته


يالربع البعير عندي مايطرح الناقة االا اذا صارت معقوله بدون عقال مايفكر فيها ولايحاول


وش الطب فيه

[فهد القحطاني]

مرحباً بك يا الأخ عبدالله

البعير وش سنه والبعير إذا تعود على العقل أخذها عادة إذا كان البعير سنه صغير أتركه وسط البل ولا تعقل الناقة له وإنشاء الله يعتمد على نفسه ويطرح الناقة لكن إذا كان سنه كبير الله يعينك على عقل الناقة له

عندي بعير مثله عودناه على العقل وخربنا طبعه لكنه صغير في السن وتركناه والحمد لله وبدا يسن البل ويضرب بدون عقل

وتقبل خالص تحياتي،،،

[عبدالله المسعودي]

البعير كبير هالسنه يمكن رابع سنه يضرب يقول راعيه انه يطرح على يديه لكن يوم جاء عندي ماطرح ولا ناقه الاالناقه المعقوله