بكرة أكلها ضعيف

[نواف الدوسري]

السلام عليكم ورحمة الله وبركاتة

أسعد الله مساكم بكل خير

مثل ماهو العنوان انا عندي بكرة مفرودة أكلها ضعيف ولاهيب سمين ماهو السبب وش هو العلاج؟؟

[خلف العايضي]

حياك الله يانواف

ياليت توضح لنا هل البكره تأكل ولا ماتاكل يعني كيف اكلها وشهو الاكل اللي انت تعطيها

[أحمدالعشري]

عندي نفس المشكله اعطيتها حبوب الدود وابره الهيام الفرنسيه وابشرك بخير

[نواف الدوسري]

خلف العايضي ,, وأحمد العشيري

أشكركم على المرور وبالنسبة لسؤال خلف العايضي

البكرة مرة تأكل زين ومرة أكلها ضعيف وبالنسبة لأكلها أحط لها برسيم

[خلف العايضي]

أخي نواف الدوسري

ارى بأن تنوع لها الغذاء وانصحك بأن تحط شعير لانه راح ينفعها بأذن الله

[عبدالعزيز العبدالله]

الأخ نواف الدوسري

السلام عليكم ورحمة الله وبركاته

أنا مع الأخ أحمد العشري

عطها حبوب دود " مركز " حبه ثم بعد 14 يوم حبه ثم شاهد الفرق إن شاء الله .

والأخ وخلف العايض

تنوع الطعام له دور طيب في التسمين .

ودمتم بخير
أخوكم
عبدالعزيز العبدالله

[نواف الدوسري]

أخي نواف الدوسري

ارى بأن تنوع لها الغذاء وانصحك بأن تحط شعير لانه راح ينفعها بأذن الله


أشكرك على مرورك للمرة الثانية وبالنسبة للشعير عطيتها قبل فتره تاكل منه شوي ثم تتركه

[نواف الدوسري]

الأخ نواف الدوسري

السلام عليكم ورحمة الله وبركاته

أنا مع الأخ أحمد العشري

عطها حبوب دود " مركز " حبه ثم بعد 14 يوم حبه ثم شاهد الفرق إن شاء الله .

والأخ وخلف العايض

تنوع الطعام له دور طيب في التسمين .

ودمتم بخير
أخوكم
عبدالعزيز العبدالله


لاهنت أخوي عبدالعزيز العبدالله على مرورك

والظاهر بجرب حبوب الدود والله الشافي

[خالد الفالح]

ان كان توها مفروده فطبيعي بعد الحليب تنقض ويخف اكلها ولاهو ضارها ما وجهوك به الاخوان من ادويه وبالتوفيق

[منيف ال منيخر]

السلام عليكم ورحمة الله وبركاته
اخي نواف تاكد من افم البكره لايكون مصابه بالاحيرش وهذالمرض يجعلها ماتاكل الشعير بالذات طبعاً معروف موقعه بالفم

[سعود الشهراني]

نوع أكلها وأهتم بنظافة الماء وانشاء الله ما تشوف إلا الخير

[نواف الدوسري]

نوع أكلها وأهتم بنظافة الماء وانشاء الله ما تشوف إلا الخير


أخوي سعود مشكور على مرورك

[نواف ال زايد]

السلام عليكم (اخوي نواف الدوسري) اذا عطيت البكره حبوب دود ولا فاد
يمكن البكره مغتثه عطها (كافي غرشتين)حطه في ماء دافي ورجه في فم البكره

[حمود المشعلي]

نواف الدوسري

مساك الله بالخير أولاً إذا كانت مفروده وترضع أمها فأكيد بيكون أكلها ضعيف لأنها تجلس تحتري الحليب

أما إذا كانت ماترضع أمها ومفروده من امها مده قريبة فللحيب تاثير على أكلها ايام ويتحسن رعيها

بخصوص كثر الأدويه لصغيرة السن فلا يصلح لكن عطها شعير وخلها ناقع عندها دايم وإنشاء الله يبين الزود فيها ومعليها إخلاف