الناقة تنثر الماء؟؟؟؟؟؟

[فهد بن عالي]

السلام عليكم ورحمه الله

يا الربع عندي ناقة ميسر والبعير يضربها وبعد نصف ساعة من الضراب ( تنثر الناقة ماء البعير)

اذا احد منكم كد مرة علية الحاله هذي يفيدنا وجزاكم الله خير

[عادل الروقي]

وعليكم السلام ورحمة الله وبركاته

قل آمين ونا خوك

جعل ناقتك تلقح وتطرح حوار يسر ناظرك وخاطرك

جربت أنك تفرك حياها بملح بعد الضراب مباشره ؟؟

هذا اللي عندي والسموحه والأخوان ماراح يقصرون .

[حاصل اليامي]

مرحبا يا فهد

ان كان البعير يستشمل على الناقه ويظفها فهذا نتيجه ارتخاء في عضلات الرحم ولو بقي القليل من ماء البعير في رحم الناقه وصادف نزول البويضه لقحت بامر الله وهذا حصل عندي العام في ناقه فاطر بعد ما قام منها البعير مباشره نزل منها كميه كبيره من ماء البعير وبعد وفاها بينت معشر وتمت ولله الحمد وعلى العموم اذا كان كذلك فبعد ما يضرب البعير ناقتك خلها معقله وجهز عندك ثلج ذايب ورشه على فقارتها وحياها من خارج ....اما ان كان البعير ما يستشمل على الناقه فهذا معناه ان فيها سدد وتحتاج من يكشف عليها

[فهد بن عالي]

الله يجزاكم خير اخوي عادل انت واخوي حاصل

والله يعين وييسر

[بخيت البريدي]

وعليكم السلام ورحمة الله وبركاته

قل آمين ونا خوك

جعل ناقتك تلقح وتطرح حوار يسر ناظرك وخاطرك

جربت أنك تفرك حياها بملح بعد الضراب مباشره ؟؟

هذا اللي عندي والسموحه والأخوان ماراح يقصرون .
يس ترى هاذي الطريقه للبل النشيطه يخليها تنثر الماء عدل لانها تزحر بالملح وتطلع مني البعير وانا اخوك

[عادل الروقي]

يس ترى هاذي الطريقه للبل النشيطه يخليها تنثر الماء عدل لانها تزحر بالملح وتطلع مني البعير وانا اخوك

يامرحباااااااا يابخيت
وجزاك الله خير

حالة ناقة فهد مرت علي مع وحده من النياق مع إختلاف في التوقيت

فهد يقول : بعد نص ساعه تنثر الماء ,, أما ناقتي أخذت تقريباُ أسبوع ولاحظة الماء على حياها وحسبت لها ولا لقحت

وفي ضرابها الثاني .. جربت الملح بعد الضراب مباشره .. والحمدلله عشرت وناقتي نشيطه وشبب أم 2

أما بالنسبه لكلامك أن الملح للنياق النشيطه يخليها تزحر وتنثر موية البعير ,, ؟

( وجهة نظر ,, أحترمها وأحترم صاحبها )

والاخوان ماراح يقصرون إن شاء الله وبيفيدون صاحب الموضوع والفايده عامه للجميع

وأشوف أن كلام أخونا حاصل لتشخيص الحاله وعلاجها هو الاقرب للصواب

وياليت يافهد ولاعليك أمر :
إذا ناقتك عشرت بإذن الله ,, تعلمنا وتفيدنا وش سويت معها ,, في نفس هالموضوع عشان الكل يستفيد .

وبالتوفيق للجميع

[فهد بن عالي]

اخوي بخيت واخوي عادل والاخوان الاخرين ماقصرتهم وبيض الله وجيهكم

وانشاء الله بعد ما تلقح بكتب موضوع في ذلك......