من الخبير اللي يكوي للطرق

[محمد الوهبي التميمي]

ماابي اطول عليكم عندي بكره حقه داخله في لقاياها يدها اليمنا طرقا في يوم وليله ولانفع معها حبوب نحاس ولا ابر نحاس
اللي يعرف رقم خبير بالكي في منطقة الرياض لايبطي علي برقمه وله من جزيل الشكر

[عبدالمحسن المقاطي]

السلام عليكم

بالنسبه اخوي للكي انا ماعرف احد حولك يكوي وبيفيدونك الشباب انشاء الله

بس قيد البكره واقصر قيدها ولا تخليها تسرح مع امهاتها وخلها في ارض حدب وأرك عليها بالكالسيم والنحاس مع القيد بيجيب نتيجه انشاء الله

[وافي مليح بن موطان]

((في اعتقادي الطرق ماله علاقة في حبوب النحاس
النحاس يعطى لزند مهوب لطرق ))

الطرق يجي في المفصل العلوي لليد ؟ ولا انا غلطان يامحمد؟ وغالبا يجي بسبب العقال ولا الهجيج

وتلوح المطية بيدها في ممشاها واول مايصيبها تلاحظ انها تهاب المشي

اذا كان وصفي حول الدعوة ارسل لي رقمك

[محمد الوهبي التميمي]

السلام عليكم

بالنسبه اخوي للكي انا ماعرف احد حولك يكوي وبيفيدونك الشباب انشاء الله

بس قيد البكره واقصر قيدها ولا تخليها تسرح مع امهاتها وخلها في ارض حدب وأرك عليها بالكالسيم والنحاس مع القيد بيجيب نتيجه انشاء الله

عطيتها النحاس بشكل اسبوعي بالاضافه لابرة نحاس ولا فيه فايده
بس اني ماحجرتها! تسرح مع امهاتها!
بس قبل الكي بحجرها من اليوم وبركي عليها النحاس من جديد لاني اتصدد عن الكي
اشكرك اخوي عبدالمحسن

[محمد الوهبي التميمي]

((في اعتقادي الطرق ماله علاقة في حبوب النحاس
النحاس يعطى لزند مهوب لطرق ))

الطرق يجي في المفصل العلوي لليد ؟ ولا انا غلطان يامحمد؟ وغالبا يجي بسبب العقال ولا الهجيج

وتلوح المطية بيدها في ممشاها واول مايصيبها تلاحظ انها تهاب المشي

اذا كان وصفي حول الدعوة ارسل لي رقمك

يامرحبا ياوافي
اللي في البكره هو ميول في مفصل الخف من يدها وسبب لها ضلعه ويسمى عند بعض الربع اللين ويسمى طرق عند بعض الناس ولااعلم

وللمعلوميه قبل هالحاله اللي عندي ماكنت اعلم انها يجي الا للحيران ماكنت اتوقع يجي للقايا والحقايق

[فلاح الصعبي]

الاخ محمد البكرة ضاربة شي انفث البكرة وخمس فوق النفث مشط في اليد من فوق البكرة لاتمشي 0500004490

[ناصر اليامي]

اذا هو بداية تطراق يعني صار خفهه زايغ شوي رشه بنزين احمر كل يوم يساعدها على شد اعصاب يدها ,
واذا ما فاد فيها البنزين تكوى على رصرص يدها ( فوق الخف ) مطرق ( ـــــ ) يمين ويسار وقدام و ورىوتنزل من المطرق اللي ورى شي بسيط ( يعني تنزل من آخر المطرق يسار خط بسيط )
وهذا الكي يفيد في ( مفرود حق لقي ) اذا كان التطراق توه بادي فيه .

واذا كان التطراق تمكن منها يعني تستقيم البكره على ساقها وتلقى خفها منعطف وااااجد ..
يكوى حلقتين داير ما دار فوق خفها
الحلقه الاولى تكون داير ما دار عليه ما تنفصل .
والحلقه الثانيه تكون تحتها بــ 2 سانتي وتكون متصله من روى ومن على الجوانب ويقطع بينها منسم الخف . يعني اذا جيت منسم الخف ( وسطه من قدام ) اقطع الحلقه يعني تجي دايره ماهي بكامله .
وهذي الطرق مجربه طال عمرك وتشافى المطيه بعدها باذن الله