ابره لعلاج الين

[مهدي الهاشمي]

اخواني الاعزاء عندي بكره ملينه يديها ووسمتها ومافيه فايده ويخبرني واحد من الربع انه سمع عن وجود ابره وهي علاج جديد وموجود في السعوديه ياريت الي عنده خلفيه يفيدنا

[خالد الغزلي]

اللي اعرف ان ابرة النحاس طيبه وانا جربتها في حيراني ونجت والافضل انك تعطيها اللقاح.

[عايد الهاجري]

مرحبا اخوي

مهدي الهاشمي

يوجد ابر وحبوب النحاس وهي جيده جدآ

[بخيت البريدي]

اخوي الكريم اذا انت تبغي الطبل الشعبي اكو الحواره على مفاصل الي تحت مربط القيد دار مادار حوالي 4 رقمات على كل يد وقيدها وحدها في شبك مايكون تراب قاع قويه وخلها شهر واذا تبي الطب البيطري عطها عشره سي سي اذا ابرة نحاس جرعتين كل اسبوع مره وعطها ابرها كالسيوم يوم بعد يوم لمدة خمس جرعات عشره سي سي وفيه بودرة كالسيوم بس هاذي ريحتها ماتخلي الحيران تاكلها اسمها بودرة كالسيوم والوقايه خير من العلاج وانا اخوك لاتخليها في الشبك واجد وهي سمينها طلعها كل يوم ثلاثه كيلو على الاقل
وهاذ رقم جوالي لاي استفسار انا حاضر 009745811176