ابنشدكم يالنشاما

[سليمان التميمي]

السلام عليكم ورحمه الله وبركاته

مسيكم الله بالخير جميعا


عندي سؤال او استفسار عن وسم لدواسر بحثت عنه ولا لقيته وارجو من لديه معلومات ان لا يبخل علينا


وهو الكاز فوق الثفنه على الفخذ الايسر و القلاده على الحلق وهلال على الرقبه من يسار ورقمه تحت الاذن بعد من يسار

ابي معلومات عن هالوسم وش يرجع له


الله لا يهينكم

[مسعود العماري]

الاخ/سليمان التميمي

مرحبا ومسهلا

بالنسبة للكاز والهلال على الرقبة(حنوة) فهذا الوسم للصخابرة

اما القلادة فهي للآابو سباع للمساعرة وإذا كانت القلادة قصيرة فللوسم للغيثات

والواضح ان الناقة على وسمين لقبيلتين مختلفة والوسم مهوب واحد

اتمنى اكون وفقت في افادتك

[سليمان التميمي]

طيب الله ثراك يا مسعود

الحقيقه اني شريت جمل جذع وله ثلاث سنوات عندي الحين يبي يسدس

الجمل ماهو ذاك الطيب اللى عليه العلم لكنه مقبول وطرح بكره حلوه من ناقه عليه الكلام

المراد انه عليه هالوسم وكل من شاف وسم الجمل قال لا ترخص الجمل وانا والله ودي اشوف من وين هو وش اصله

[راشدالمري]

حياك الله
ياسليمان
ومشكور يابومحمد على المعلومات

[سليمان التميمي]

الله يحيك ويبقيك يا راشد

ياهلابك