هل القعود يفحل لأمه فقط ..!!!!؟؟

[خالد سيف السيف]

السلام عليكم ورحمة الله وبركاته ،،،


السؤال واضح

هل القعود امه فقط تفحله أن كانت امه شيخه ماعليها كلام و ام فحول ؟

أما بالنسبه للأب فهو عادي .

بتقولون لي من حيث الام و الاب والشكل ، اقولكم هذا شي متعارف عليه وقاعده .


لكن انا ما سئلت الا خلافاً للقاعده .


إذا كان شكل القعود شيخ مثل امه .


هل يتفحل .!؟


ولكن هل حصل مع احد ورباه وانتج معه .!؟

او يعرف احد حصل معه نفس السؤال .!؟


و لاتحرمونا من رايكم و أرائكم .

[محمد بن شريه المطيري]

يا مرحبا فيك يا خالد

( ما يصح الي الصحيح )

البدو من أول يفحلون القعود ... لأمه وأبوه حتي لو شكله عادي

بالنسبه لأنه قعود شكله طيب وامه طيبه وابوه عادي

الحكمه ... من الرجوع لأمه وابوه :: هي ان القعود يجي في انتاجة من شكل امه وابوه واخواتة


في امثلة بذكرها لك ... اجمل فحول بالجزيره .. عند صحن بن غنيم (اشعل ) ... فنجال الشيباني (اوضح )

ولم يجي انتاجهم كما هو متوقع ...

والفحل (تمام) انربط سنه او سنتين وضرب الشي البسيط قبل يباع الي هيف

وفي العكس عند مترك بن حجنه .. معه فحل اشعل ( بيوض ) وشكله عادي .. ولاكن انتاجه فاخر

اما اني بفحله ( والموضوع ضربت حظ ) هذي مغامره لاكن انت ترجع وتاخذ من فحل بن حجنه شي

من الحكمه الفحل عادي وانتاجه طيب وعياله تتفحل .. وارجع للأسواق بتلقا فحول اشكالها دواهي

ولاكن الأنتاج صفر مع العلم... انهم ينحدرون من اصول طيبة

لاكن انت ارجع الي اخوان و خوات القعود من ابوه قد يكون ابوهم عادي ولاكن انتاجه طيب

وشوف انتاجه من الطيبة ومن الرديه وبعدها تقدر تحكم

والبدو ما يفحلون بعير الي اهم يعرفون ساسه .. والسؤال الأول يسئل وقت المشترى.. وش ابو القعود

ووش ساسه ومن علي ابله وخواتة وش مستواهن وبعدين رجعون الي الأم

واغلب ضربت الحظ حصلت .. مع رجال شرا ناقه لقحه وجابت قعود طيب وفحله ولا يعرف ابوه

وانتج شي طيب .. اما اني اعرف ابوه وخواته عاديه حتي لو شكله طيب وفي احتمال ان تكون امه اجذبته

ماني مفحله بالنسبه لي انا

[خالد سيف السيف]

الأخ القدير / محمد بن شريه

جزاك الله خير على ما قمت به

مداخلتك بعين الأعتبار .

[جابر ابوشهاب]

السلام عليكم ورحمة الله وبركاته

انا اوافق ابن شرية على كل ما قال وازيد على ذلك لا مانع

اذا كان ابوه فحل او كانت امة درجة اولى

لان الرزق من الله سبحانة وتعالى

واغلبية الناس يمشي على البعير من الاب والام

شكراااا

[محمدبن رشيد الحنتوشي]

انا اقول المغامره هي الحياه يعني الحياه مغامره
غامر وجرب حضك يمكن تثبت لنا انت هذي النظريه
والمتعارف عليه ان الحوار ياخذ من امه70 فالميه--(؟) بس كم يعطي عياله من شكل امه هذا راجع لأصل ابوه ان كنت تعرف ابوه وتدري انه يعطي الناقه ولدها فانت هده وان كان غير ذلك ادرس الموضوع

[خالد سيف السيف]

الأخوان الأعزاء / جابر ال بحبح & محمد بن رشيد الحنتوشي

مداخلتكم جل أهتمامنا

جزاكم الله خيرا

[عبدالله الجدعان العنزي]

بيض الله وجيهكم جميع , على التوضيح , وأستفدنا شيء نجهله .

[حمد الغواص]

الاخ العزيز ابو مشاري كفى ووفى وماعندي اي اضافه