فحل المستقبل , ولا ....

[حسين الأسدي]

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين .
السلام عليكم ورحمة الله وبركاته
إخواني الأعزاء أعرض عليكم فحل المستقبل ان شاءالله .
بالطبع هذي نصيحة كثير من الإخوة , حتى الرشيدي قال لي بالحرف الواحد : السودانين راح يقولون لك قصب على طول عشان يغشوك. ولكنه زين ماشاءالله عليه.

قمت بتصويره وهو على حالته ومازال لم يرضع من أمه لأنها في المرعى وهو في الشبك.
والغرض هنا شيئين العرض + وطلب النصيحة والرأي في تربيته وجعله فحل ان شاءالله.
وما خاب من استشار.

الصور في المرفقات.

وهذا الفديو
http://www.youtube.com/watch?v=NSwB7eiqG-E

والسلام عليكم ورحمة الله وبركاته

[خالد النفيعي]

ماشاء الله تبارك الله

تسلم يمناك ولاهنت

[سعود الكبرا]

الحوار
عادي جعلك تسلم

[محمد بن شامان التميمي]

تبي الكلام الجد ولا اخوه
اولا نقول مشاء الله يمكن يكبر ويتغير اذا تعرف ساسه
ومنهو ابوه وامه
لكن الحاضر الناظر
مايسوى من يفحله واسمح لي

[محمد ابن حبيب]

انا اقول وده للسودانيه وانت الرابح ان شا الله لا نه خسارة ضمته و لا يفحل وانا اخوك الا الي معرووف ساسه وراسه من حيث امه وابوه وفوق ذالك فيه زين واضح وبين*** واكبر دليل اغلب اهل الابل الي تباع با الفلوس الواجد نص قعدانهم قصب ولا يفحلون الا ولد الناقة الطيبه جدا هذا ان وجد . واتمنى من الله العزيز القدير ان يرزقك اخير منه ولك تحياتي.

[مبارك المري]

ينقل للقسم المناسب

[عبدالله الجدعان العنزي]

من رأئي الشخصي . ما يستاهل التفحيل . والله أعلم .

[حسين الأسدي]

الا بيض الله وجوهكم.
والأمر مافيه أي زعل.
بصراحة كنت معارض الإخوان وكنت ناوي ابيعه .
بس الإخوان أصروا علي فقلت خليني أعرضه على أهل الخبرة.

وجزاكم الله خير على صراحتكم.

[عبدالعزيز سيف]

ما يصلح فحل

[حمد الغواص]

اعتقد الاخوان قالو مافيه الكفايه والقعود عادي مافيه شي يميزه

واذا انت باخس ساسه اصبر عليه لين يكبر شوي يمكن يزين اكثر واذا تم على شكله

ترا بيجيب قيمه اكبر في المقصب

الله يوفقك ويرزقك باطيب منه

[حمد بن سنيد المري]

اعتقد الاخوان قالو مافيه الكفايه والقعود عادي مافيه شي يميزه

واذا انت باخس ساسه اصبر عليه لين يكبر شوي يمكن يزين اكثر واذا تم على شكله

ترا بيجيب قيمه اكبر في المقصب

الله يوفقك ويرزقك باطيب منه

[سلطان العريني]

اسمع وانا اخوك

الفحــــــــــــــــــــــــــــــــــــــــــــــ ـــــــــل

الطيب والمنتج
والمزيون
كـــــــــــــــــــــــــــــــــــــــــــــــــ ـــــايد

وهذا الحوار
بعه
دامه صغير
ولحمه حلو
قبل ما يرخص

[حسين الأسدي]

الله يجزاكم خير على النصيحة.
بس امه ما شاءالله فيها حليب واجد .
ولو بعناه ضاع علينا الحليب.
ولا وش رأيكم.

ومتى أحسن سن لبيع القعدان.
لأن القعود صغير مره وما كمل ثلاث شهور.

وشكرا جزيلا على النصيحة.

[حسين الأسدي]

الله يجزاكم خير على النصيحة.
بس امه ما شاءالله فيها حليب واجد .
ولو بعناه ضاع علينا الحليب.
ولا وش رأيكم.

ومتى أحسن سن لبيع القعدان.
لأن الحوار صغير مره وما كمل ثلاث شهور.

ولو كنت بادور المناح لأن امه حليبها واجد ماشاءالله تبارك الله فوق 10 لتر .
ايش رأيكم.

ولو تكرمتوا كم أسعار القصب الأيام هذي.
وشكرا جزيلا على النصيحة.

[محمد بن شامان التميمي]

ياحسين ماك الله بالخير
تمنحو وعينو خير
وبنسبه للبيعه متى مافرده عن امه
نصه السوق والرزق عند الله
والله يرزقك بقعود موقف