المساعد الشخصي الرقمي

مشاهدة النسخة كاملة : مساعدة المسلم واجبه علي كل مسلم

ذياب بن غانم
15 / 05 / 2010, 05 : 11 PM
السلام عليكم ورحمة الله وبركاته



يالربع عندي ناقه من خيرة الابل وصار لها سنتين مالقحت اضربها من تهيج البعارين لين تفدر

ولا حصل لاقاح مابه شي الا وسويته والناقه قد ولدت عندي والناقه تهدر هدير بعير وتطرح الابل

يالنشاما اللي عنده حل لايخليني الربع اللي عندي اعذلوا علي اني ابيعها لكن الناقه غاليه وطيبه وانا مابي ابيعها الحل الحل يالنشاما والله لايحرمكم لاجر
ظافر ال شداد
16 / 05 / 2010, 07 : 12 AM
وعليكم السلام ورحمة الله وبركاته
أخوي جبلها بيطري فاهم يدخل عليها وينظف رحمها ويقطع منها الصيد وتئكد من العرق الي يجي في اللسان من تحت اذا شفته اسود وقاسي حكه لين يطلع منه الدم وافركه بملح خشن وبعد التنظيف عطها ابره جساره واصبر ثلاث ايام وضربها وبعد مايقوم منها الفحل عطها ابرة تثبيت وافرك حياها بلملح
عبدالله الجدعان العنزي
16 / 05 / 2010, 20 : 08 AM
يا أبن غانم الله يصبحك بالخير , وما أضيف إلا كلمه وحده ( بيض الله وجهك يا ظافر , الله يوفقك ويبارك فيك ) .
حمدان الشاعر
16 / 05 / 2010, 26 : 09 AM
لا تكون الناقه سمييييييييييييييييييييييييين؟!
زود الشحم يالحبيب يحول يدون العشار بإذن الله.
لا تقطع من الناقة شي . . . وممكن تنظف رحم الناقة وتتركها لين تهيج الفحول. واذاا جسرت الناقة فعرضها الفحل وادع ربك ...وبتعشر الناقة بمشيئة الله تعالى.
محمد شطي الزعبي
16 / 05 / 2010, 47 : 10 AM
عليك بالماء المقري فيه
وان شاء الله بتلقح
بعض البشر نفسه رديه الله يكفينى شرهم
ذياب بن غانم
16 / 05 / 2010, 25 : 01 PM
الله لايحرمكم الاجر ماقصرتوا
ظافر ال شداد
16 / 05 / 2010, 39 : 10 PM
ووجهك ياعبدالله
وصحيح زود الشحم يثر على اللقاح
والكلام الي انا ذكرته انا بنفسي مجربه مع ناقه حايل وسنها رباع واضربتها وهي ثنيه طول الموسم وانا اضربها ولافيه فايده واضربتها وهي رباع ولافاد واخر الموسم شار علي رجال شرواكم بهذي الطريقه والحمدالله بعد أمر الله سبحانه ثم العلاج لقحة وانتجت
محمد الوهبي التميمي
19 / 05 / 2010, 10 : 07 PM
وعليكم السلام ورحمة الله وبركاته
أخوي جبلها بيطري فاهم يدخل عليها وينظف رحمها ويقطع منها الصيد وتئكد من العرق الي يجي في اللسان من تحت اذا شفته اسود وقاسي حكه لين يطلع منه الدم وافركه بملح خشن وبعد التنظيف عطها ابره جساره واصبر ثلاث ايام وضربها وبعد مايقوم منها الفحل عطها ابرة تثبيت وافرك حياها بلملح


كلام الاخر ظافر صحيح ميه بالميه
ذياب بن غانم
29 / 07 / 2010, 05 : 12 AM
اشكر الجميع علي التفاعل وياربت الاخ عيد المنصوري يعلق على الموضوع اذا عنده علم بذلك
عيدالمنصورى
29 / 07 / 2010, 16 : 07 AM
اخوي ذياب
هنالك عدة اشياء تمنع اللقاح و
الطرق المتبعه كثيره ولكن اقصر الطرق تعطى الناقه مضاد حيوي 20 ملي باللحم TERRAMYCIN
وبعد عشر ايام تعيد الجرعه وبعدها باسبوع تعطيها ابرة جسره وتتركها ثلاث ايام وتضربها للبعير
مبارك بن محمد
29 / 07 / 2010, 05 : 03 PM
نفس المعاناه من ثلاث سنوات.. ولين الحين ما الله كتب ..

باقي شي واحد ما سويته ....الماي المقراي عليه .. وقطع العرق تحت اللسان ..


والله يفتح لنا بابه من اوسعه .. وجزاكم الله خير اخواني





اخوي عيد المنصوري ..... وشو يفيد المضاد الحيوي للناقه .. .وخصوصا اني اليوم ضربتهن بابرت زنبور " هيام " بارده .......