الملح في حياها

[عادل الروقي]

اللي عنده خبره يفيدني ....
هل يفيد وضع الملح في حيا الناقه بعد اضرابها مباشره عشان تمسك ؟

[وافي مليح بن موطان]

اشوفهم دايم يحطونه ويمدحونه للعشار

بالرغم من عدم اقتناعي وعدم تجربتي له

والاخوان بيفيدونك اكثر
تحياتي

[عادل الروقي]

يعطيك العافيه اخوي وافي

[علي الدعجاني]

والله انا شفت ناس تحط ملح بعد الضراب


لاكن للمعلوميه الملح يطير يسرة الناقه

[ناصر اليامي]

والله انا شفت ناس تحط ملح بعد الضراب


لاكن للمعلوميه الملح يطير يسرة الناقه
كلام سليم
اذا ضربت الناقه قطع الزوايد اللي فيها وافرك حياها بملح والغرض منه تعقيم
والملح ياكل بعض الزوايد اللي ما تشاف
والملح يا طوال عمار مفيد اذا كان في رحم الناقه جرب .
............................
واذا كان ودك تقطع منها قبل تضرب ما فيه مشكله
قطع منها الزوايد وافرك حياها بملح
وانتظرها حتى تيسر وفك البعير عليها .
وجعل ربي يوفقكم ويبارك لكم في حلالكم وكل مسلم

[عادل الروقي]

يعطيكم العافيه الاخ فيصل والاخ ناصر

[محمد بن حمد]

والله ياخوي اني خابر الملح اذا كانت الناقه مجسر وماودك يضربها البعير تحط في حياها ملح وتروح الجسره اما عن انها تمسك العشار فهذي فائده اكتسبتها منكم

[عبدالله الجدعان العنزي]

والله يا أخوان أشوف شيبان جعلهم وشيبانكم بالجنه , يقطعون عن بعض النياق ويلحون تحت اللسان ومن ثم يضربونهن . ويحطون الملح جلكم الله في حيا ألناقه , ويقولن أنه يمسك العشار , والشيبان جعلهم الجنه خبره واسعه في طب البل . هذا رائي والله أعلم .

[محمدبن رشيد الحنتوشي]

الملح يوضع في حيا النا قه بعد قص الصيد عنها علشان يعقم الجرح ويوقف نزف الدم يعني يكمد الجرح
مهوب على شان تمسك الناقه والدليل ان اي جرح فالدبش اذا تم تنظيفه اول ما يحط فيه الملح دليل تعقيم ماله علاقه بعشار الناقه
وهذي مشاركتي

[ناصر اليامي]

الملح يوضع في حيا النا قه بعد قص الصيد عنها علشان يعقم الجرح ويوقف نزف الدم يعني يكمد الجرح
مهوب على شان تمسك الناقه والدليل ان اي جرح فالدبش اذا تم تنظيفه اول ما يحط فيه الملح دليل تعقيم ماله علاقه بعشار الناقه
وهذي مشاركتي
صاااادق وكلامك سليم يا ابو رشيد

[سعدون البشري]

انا مع اخوي ناصر واخوي محمد الحنتوش الملح للتعقيم بعد قطع الصيد عن الناقة لقتل الجراثيم وعدم انبعاث روائح للجرح

[مرداس المقاطي]

والله انا اضم صوتي لاخوي محمد بن رشيد
وهذا اللي نعرفة عن الملح
اما انه يمسك العشار فما اظن
اما اذا كنت تبي اللي يمسك العشار فهناك ابرة تباع وتعرف بمثبت لقاح تعطى الناقة بعد مايظربها البعير
ولك فائق احتراااااااااااامي

[عادل الروقي]

ألف شكر لكل الأخوان اللي أضافوا للموضع الفايده والمعرفه والتي ارجوا أن يستفيد منها الجميع
وننتظر المزيد من الأخوان وأصحاب التجربه لتعم الفايده ونستفيد منهم ومن خبراتهم ..... ودمتم سالمين .

[فهد بن ناصر غازي]

الحقيقة يالنشاما ان الملح له دور ولكن بطريقة غير مباشره وهي ان الملح مثلما تفضلتو يقوم بتعقيم المنطقة ’ وهذا معناه قتل الكائنات الحية الدقيقة من بكتيريا وجراثيم وغيره وعملية الاخصاب تحتاج لجو نظيف وخالي من المنغصات وهذا ما يوفره الملح باذن الله وتحياتي لكم ومنكم نستنير ونستفيد والله اعلم