وش العلاج ؟

[فهد بن عبداللطيف بن شديًد]

السلام عليكم ورحمة الله وبركاته,,,,,,
صبحكم الله بالخيرات والليرات والجميلة من البنات( هذي للي وده)
العلم سلامتكم عندي خلفة لاحظت إنه يطلع مع حليبها دم ؟! وش العلة ويش الحل ؟ علماً أن الناقة طيبة في أكلها وفي محالبها
افيدونا يأهل العرف الله لا يهينكم

[طلال الروقي]

أتوقع انه حفا يا فهد

مالك الا تدهن ديسها بالفازلين اذا كان حفيان

[عبدالله الجدعان العنزي]

توكد أنه ما فيه جروح في فتحات محالب الديس . وبتلاحظ هالشي في ألناقه وأنت تحلبها ما ترتاح بالحلب تحرك وترفع رجلها .

[فهد بن عبداللطيف بن شديًد]

بيض الله وجهك يا طلال انت وعبدالله وجزاكم الله خير

[زايد التميمي]

تأكد من الشمالة ان كان الناقه مرتاحه عليها والا لا ترا بعض الشمايل يقطعن ديوس الناقة

[فهد بن عبداللطيف بن شديًد]

مشكور ياخوي زايد وابشرك الدهان حل المشكلة

[خالد الحجي]

يابو شديد من الأفضل تعطي الناقه بنسيلن ضروري لمثل هالحالات اللي يخالط الحليب دم لأن من أسباب عطب الديد إهمال هالاشياء عطها بنسيلين ثلاث ايام منعا للالتهابات

[حسن الحويماني]

من اسباب خروح الدم مع الحليب ويعتبر رئيسي هالامر

انك تحلب الناقه فاليوم اكثر من ثلاث مرات وهذا اكبر خطاء

الناقه مرتين باليوم << هذا اذا انت تحلبها واجد ...


والله يبارك لك فيها مدد بلا عدد


تحياتي لك

[سعيد حمد]

رشها بالماء البارد وانشا الله تطيب