ماالحل

[فارس القصاب]

مساء الخير / عندي بعير حمر سنه رباع ضرابه طيب وكل مامنه زين يوم شريته كان قدامه في المراح ثلاث من البل اثنتين حيل والثالثة لقحة ، يكرف الحيل ولايضرب الا الميسر ولايقرب اللقاح ، وطبعه هدي ولايخطي آقييده وآهده والققمه واحكك له ، ولكن مشكلته كلما جات ناقة جديدة [دخيله] اما مشريه اولغرض الضراب لازم نربطه لأنه يعدي بها مثل عدوته بفحل مثله ، يبغى ياكلها ، وبالفعل قد عور وحدة حمراء من صنفه واخرى مجهم ، فهل لديكم تفسير لهذا السلوك وهل له طب وشكرا؟

[عبدالمحسن المقاطي]

مساء النور

هذا شي طبيعي اخوي البعير مايرضى شي يدخل على امهاته خاصه وهو هايج

والبل الي تنساق على البعير حاول انها ماتخالط امهاته

وحط لك شبك للضراب تدخل البل فيه وينساق البعير لها ويرجع بدون مايدخل شي بوسط البل لانه بيتغير طبعه بكذا وبيحاول يعزلهم بأي وسيله

[حاتم العماري]

الجديده حط لها شبك ملاصق لشبك البعير وامهاته ويبي يشم المياسير ويتعود على البل الجديده وبعدين فكهن مع بعض
اتوقع انه حل

[غانم مبارك آل عمار]

اخي فارس السلام عليكم ورحمة الله وبركاته

هذه الصفات المذكوره حدثت بسبب الرباط وقلة الابل اللتي
معه (يعني مقرع) وإذا اطلق من الرباط وترك مع امهاته
سوف تذهب هذه العاده بإذن الله

[عبدالله الجدعان العنزي]

يا فارس الأخوان افادوك بالصحيح , وانا لي رأي مماثل لرأي الأخ عبدالمحسن والأخ حاتم , حط لك شبك , منعزل عن أمهاته وماهو بعيد عنهن . وأن شاء الله بيتعود عليهن , والله يكتب لك الخير فيه وفي أنتاجه .

[فارس القصاب]

شكرا للجميع ماقصرتوا

[حمد الدعيجان]

ياخي فارس هذه حاله هستيريه من شدة الهياجه