مشكلة الهرش نبي لها علاج للموسم الجاي

[تركي بن عمران]

عندنا فحل هرش عجزنا فيه السنة هذي نبيه يضرب ولا فاد--جبنا له البيطري وعطاه ابر منشطات -مرتين كل ييومين او هي ثلاث مرات- ولا نفعت...الفحل يهادر ويكرف الناقة ولين بركت يبطي لا يبرك واذا برك ما جرد ..ولافيه ذييبه ولا شفنا عليه اثر مرض ظاهر..المهم فكينا غيره ورديناه ....لكن نبي علاج له للسنة الجايه...هل تنصحون بفيتامينات او نوعية تغذية محددة لتقوية الفحل ؟ هل من تجربة سابقة في معالجة هالمشكلة ...

مشكورين وماتقصروون

[فهاد العجمي]

مرحبا ياتركي الحين خلص وقت الضراب والله يمنحك منه الزمان الجاي انشالله انا طال عمرك صار عندي مثل مشكلتك وعجزت في الفحل ماهو راضي يضرب إلين قمت أعطيه حلبه وحبة البركة في علفه وستمريت عليه فترة اسبوعين وعينت تغيير كبير صرب اماته ولا عليه اخلاف لكن الله ايعينك على ريحة الحلبة لأن البعير من كثر ماياكل حلبة يوم اتصير ريحة ماغير حلبة
والله ايعافي حلال المسلمين

[نواف بن جندل العازمي]

من وجهة نظري وحسب خبرتي
هذا الهرش اتوديه لمزرعه او مكان معزول
ما فيه اباعر
لين شهر 11 وترجعه للبل
واشاء الله تلقاه مستهد
واول شهر عشره يخفف علفه

[تركي بن عمران]

اخوي فهاد العجمي جعلك تسلم على الشوور الطيب وانشاء الله وعده الحلبه والله لو تصير ريحته اللي تصير الزم ماعلينا ان الله يكرمنا منه بالانتاج الطيب،،،

اخوي نواف العازمي البعير الحين في مزرعة و صادين به في مكان لحاله وانشاء الله وعده السنة الجايه ان كانا من الحيين،،، مشكور وما قصرت.

[شجاع الشهري]

انا مع فهاد العجمي الحلبه اخلطها مع الشعير وأسأل مجرب

[علي احمد الغنامي]

السلا م عليكم
واجهتني نفس المشكلة في هرش عندي وتعبت من الدكاترة واللي يوصفونة ولالقيت أفضل من الأتي:
1.الحين تضربة ببرة هيام الفرنسية (سيملرسان) 20 سي سي وبعدها ب 3 أيام ابرة جرب الفرنسية (دكتومكس) 12 سي سي وكلهن في اللحم وتعيدهن علية وقت الهدد أن شاء الله.
2.لاتسمنة واجد خل حالة زين.
3.قبل الهدد بشهر ولا 45 يوم مش البعير ولا قلصة من كيلو الى 2 يوميا وعطة حليب يوميا(فودر ولا غيرة) وحط فية فيتامين (E) من غير سيلينيوم وعطة الفول اليابس بعد الطحن في مضحاة ولاعشاة .
4.عليك بالسعوط لة كل أسبوعين بغرشة زيت الزيتون أم لتر.
5.قبل الهدد ابرة فيتامين بي كومبلكس.

[تركي بن عمران]

مشكور اخوي شجاع على التعليق جعلك تسلم،،

اخوي علي، مشكور على نقل التجربة والتجارب يعلم الله انها ابرك مليون مره من اي شيء ثاني الله يسلمك لعين ترجيك...بس بغيت استفسر منك هل نضربه ابرة هيام وجرب حتى لو مافيه شي؟