الناقه البكر نفرت حوارها

[محمد ال جماميل]

وش الحيله بالبكر الي نفرت حوارها

[خالد الحجي]

حاول قبل لاتضيرها إنك تضيق عليها هي ولدها بشبك وتشوف إذا مانفع ضيرها

[مبارك بن عبدالعزيز]

ضيق عليها بشبك هي وحوارها وابعدها عن البل
وحاول انك تجفلها

[عالي العماري القرني]

مثل ماقالوا الأخوان وماقصروا

وأزيد عليهم ولا عليهم الزود

إشخب من حليبها وخذ من وزرها وامسحه على الحوار وخاصة عند الفقار والذيل وان شا الله تروم الولد

[علي ال مرعي]

مع الشباب

[حاتم العماري]

البكر ما يهبلها مثل الخلا
حطها في شبك بعيد عن البل ولو ربطت كلب اكرمك الله بطرف الشبك بيزيد خوفها وبتروم ان شاء الله
نفر عندي بكرتين ورامن بهذه الطريقه ولله الحمد

[عزيزالحميدي]

في البداية لاحظ الناقة ان كان مافيه خطر على الحوار ضيق الشبك
وان كان مافيه خطر على الحوار ضوق الشبك
ولا تهمل الحوار
ولا تعسر الناقة في شيء وتغصبها على شيء
هادها مهاداه

[نواف الحربي]

كان حولك فرس جبها لها

على طوووووووول تجفل ويركب ولدها


او حطها بشبك بعيد عن الابل هي وولدها واذا تعضه سو لها بلام

واذا ترمح قيد رجليها

وقيد يديها عشان ماتهبده وتذبحة

واسر عليها بالليل وعلى شي يجفلها

وجفلها وان شاء الله يركب حوارها

حاول 3 ايام واذا مانفع ضيرها

يركب ولدها ان شاء الله بسهوله

ولا تسمح للمضير بأكثر من ساعتين او ساعتين ونصف بالكثير للضيار كله

[حسن الحويماني]

قبل شهر نفرت ناقه عندي بنتها

لانها ولدت بين البل وركبت لها قعود

والحل سلمك الله بالتفصيل الممل

عزلتها عن الابل في شبك لحالها والبكره عندها واجيها تالي الليل فجاه وهي ماتدري واكون متنكر يعني

ماتدري عني اما اتلحف ببطانيه ولا فروه او ماشابه ثم اجيها واصيح عليها والطمها على وجها فجأه كذا

قامت وركضت لبنتها في زاويه الشبك ووقفت عندها وقامت تهدر وترزم خافت عليها وعلى هالحركه لمده يومين ثلاث ايام وعقبها ليومك




راكبتها وياويلك ويلاه كان قربت بنتها ماتخليك تقربها




فاهذي مشكله بسيطه وحلها ابسط

[عبدالله الجدعان العنزي]

الأخ / حسن الحويماني , هذا كلامك وهي راكبته . لكن أنها الأن نافره حوارها . وأنا أرى أن الحل الصحيح من رأي الأخ / مبارك عبدالعزيز .

[حسن الحويماني]

اخوي عبدالله مساك الله بالخير

كيف راكبته وانا اقول في بدايه كلامي

قبل شهر نفرت ناقه عندي بنتها

لانها ولدت بين البل وركبت لها قعود

يعني..................................

هي معها بكره واركبت لها قعود ماهووووو جنها <<< فهمت


وبعدين كلامي يتوافق مع كلام اخوي مبارك ميه بالميه اللهم اني بالتفصيل الممل

حتى اخوي مبارك يقول تجفلها يعني معنى كلامه تخوفها او ترهقها لجل تحتمي ببنتها


ركز يالجدعان الله يخليك الي<<< تحياتي لك

[عبدالكريم بن محمد]

عندي بكرة حلقتها ونفرتها امها

وحطيتها بشبك هي وامها وجبت الراعي بالليل ولبسته الفروة بالمقلوب وانا مسكت البكرة

وهو يخرع الناقة لما بغت تكسر الشبك من الخوف وفلت بنتها لها ورضعت منها ولا التفتت عليها واخذت البكرة تشرب والناقة عينها على الراعي

لما شبعت البكرة وبعدين التفتت عليها وشمتها ولا قالت لها شي والحمدالله من هذيك الليلة وهي رايمتها والوضع رجع طبيعي


هذي تجربتي يمكن تكون مقاربة لبعض الاخوان واتمنى التوفيق لك

وشكرا"

[سعود آبو عشاير]

الاخوان ماقصروا جفلها اللبس خلق عشر ونص الصباح واحب عليها وخم الحوار

وجزاكم خير جميعا

[بندر الرويلي]

ما قصروا الاخوان ولكن للمعلومية الفرس والكلب الله يكرمكم ماتنفع الا اذا كان الكلب متعود على النبح :mwalat20:والفرس متعودة على الصهيل باستمرار