هل اللقي تظهر لهاته

[محمد ابو عدوة]

:thanks:ظهور اللهاة هل اللقي تظهر لهاته سؤال للفائدة وللجميع ؟

[مسعود العماري]

العلم الاكيد عندك

ولكن اللي اعرفه ان اللهاة ما تظهر الا للثني وفوق

ويمكن تظهر بعض الحالات النادرة ولكن ما بعد شفتها قبل الثني

[جدعان الجدعان]

السلام عليكم ورحمة الله وبركاته
تطلع من جذع وفوق وتكون صغيره موماتظهر في شكل دايم هذا ما اعلم والله اعلم
وتقبل تحياتي

[عالي العماري القرني]

اللقي ماعمره يلهي

مايلهي الا الجذع وفوق

وتقبل مروري والسلام

[وافي مليح بن موطان]

لا ماتضهر لهات اللقي ابد
ولكل قاعده شواذ
ولا عمري سمعت او شفت واغلب الجذعان مايلهي

وانت عندك العلم يامشرفنا العزيز

[محمدالرمزاني]

السلام عليكم الجذع مايلهي الا في حالات نادره و وقت ولادته له دور يعني يكون مولود مع بدايه ضهور سهيل اول الموسم وسلامتكم

[سعيد بن علي]

عندي قعود لقي وطالعه لهاته من الصفري
وكان عند واحد من الربع قعود مثله طالعه
من عاده لقي والقعدان تختلف وبعضها ماتطلع
لهاته( اعجم ) وزادت في السنين التاليه

[محمد ابو عدوة]

اشكر الجميع على مرورهم ومشاركتهم واللي اعرفه ان الجذع يلهي ومافوق وللي دعاني لهذا السؤال فيه رجال شرواكم وخايف الله يقول قعودي لقي ويلهي يظهر لهاته كامله وهذا ماستغربته .

[بندر بن معيض المطيري]

الحقيقه الي اعرفه ان الجذع تظهر لهاته

والقي ماشفت بعيني لكن شخصين ذكرو لي ان عندهم قعدان لقايا ظهرت لهاته بس مهي كامله وصغيره

[عبدالعزيز الصالحي]

السلام عليكم ؛؛؛القعود مايلهي ألا لاجا جذع عمره أربع سنوات تمام ومايلهي ألا الشتوي والصيفي يتأخر مايلهي وأيظا مايلقح ألا متأخر
وشـــــــــــــــــــــــــــــــــــــــــكــــــ ـــــــــــــــــــــرآآآآآ

[حاتم العماري]

الجذع يلهي دون شك
اللقي يلهي بس قدر بيالة الشاي وحول
هذا اللي شفته
والله أعلم

[سعيد بن علي]

الاخ العزيز محمد ابوعدوه ارسلت لك رساله وماراحت مادري وش السبب
والقعود ماهو بولاد عندي جايني عاده مفرود وانا خابر حوار ومتأكد من سنّه
وخالي عنده ذالحين بعير رباع ولهاته طالعه عاده لقي وانا خابر ولاده

[فهد بن عبداللطيف بن شديًد]

سبحان الله كثير من الأمور المتعارف عليها تغيرت في الفترة الاخيرة وصار يحدث خلافها

[عبدالله الجدعان العنزي]

القعود ما يلهي إلا من جذع وفوق , والله أعلم .

[عبدالرحمن عبدالعزيز]

السلام عليكم ورحمة الله وبركاته

الفحول مهيب واحد
انا عندي لقي اطلع لهاته ولا هيب كبيره مثل ما قال احد الاخوان اكبر من البيضه
كما انه عندي بعير جاب النايب وللحين ماله هداره !!

فالموضوع ماله قاعده ثابته واتمنى من بعض الاخوان الذين يجزمون بانه لا يمكن ان يلهي القعود التريض في الردود وعدم التأكيد بانه لايمكن ذلك

وتقبلوا تحياتي