حلولكم للحوار الأطرق

[عالي العماري القرني]

صبحتم بالخير ياخوان

العلم كل ماله من أحسن إلى الأحسن والرسول صلى الله عليه وسلم يقول : (( لكل داء دواء ، علمه من علمه ،وجهله من جهله إلا السام ؛ الموت ))

ومن يوم اشوف الناقة تطرق وأقول في نفسي معقولة إلى الحين ماظهر لها دوا أو كي

فحبذا المشاركة ياخوان ولا تهونون اللي يخبر لها علاج والا كية وخاصة الحيران لن أعصابها تو لينة ويمكن الدوا يفيد معها

وبيض الله وجيهكم

[عالي العماري القرني]

وين العرب وين هل البل عسى البيضا فالهم

[عالي العماري القرني]

السلام عليكم

ياخوان غلطت وانا احط ذا السوال في البيطرة

ولو سمحتوا يإدارة المنتدى أو المشرفين على هذا القسم أرجوكم رجاء وتنقلونه على قسم الأسئلة والاستشارات وتسلمون

[طلال الروقي]

يا عالي مكان موضوعك صحيح

وسوف يقومون أهل العرف بهذا المرض بالرد عليك بإذن الله

[سعود البريدي]

السلام عليكم ورحمة الله وبركاته
اخوي عالي أنا توي قريت الموضوع ان كان الحوار عمره من اسبوعين ثلاثه فبيتشافا لحاله من البن انا مجرب وان كانه كبير فمادري والله بيساعدونك الي جربو
تقبل تحياتي

[ناصر اليامي]

ان كان الحاشي تطرقت ايديه يكوى
وان كان باقي ما تطرق بس انك تلاحظ عليه بدايه تطراق فرش ايديه بالبنزين الاحمر كل يوم وانشاء الله يروح شره
عشان البنزين يشد اعصاب يده .

[عالي العماري القرني]

سعود البريدي

ماقصرت بيض الله وجهك

[عالي العماري القرني]

ان كان الحاشي تطرقت ايديه يكوى
وان كان باقي ما تطرق بس انك تلاحظ عليه بدايه تطراق فرش ايديه بالبنزين الاحمر كل يوم وانشاء الله يروح شره
عشان البنزين يشد اعصاب يده .


بيض الله وجهك يابو محمد

طيب ياخوي فهمت من كلامك إن البل الكبيرة واللي تطرق ماينفع معها الكوي

والشي الثاني

هل انت جربت الكوي في الحاشي المطروق ونفع وياريت إنك تعلمنا مكان الكية ووسمها وتسلم من كل باس والله يعافيك

[هشام الجهني]

الطرق يطيب بارادة الله
في ناس تكويه وفي ناس تخرزفوق ركبة الحاشي وتحط خيط انا انخطلت عندي بكرتين وطابن من غير كوي

[محمد ابراهيم السبيعي]

العلاج بلا كوي بلا هم ..
صك عليه هو ويا امه ان كانك مافردته من امه ..

ويتشافا انشاء الله ..

انا عندي بكرة عمرها 8 اشهور فردته من امها وهي طرقا وصكيت عليها في شبك لمده 5 اشهور والحين مشاء الله اطلق من الصاحيه ..

[ناصر اليامي]

بيض الله وجهك يابو محمد

طيب ياخوي فهمت من كلامك إن البل الكبيرة واللي تطرق ماينفع معها الكوي

والشي الثاني

هل انت جربت الكوي في الحاشي المطروق ونفع وياريت إنك تعلمنا مكان الكية ووسمها وتسلم من كل باس والله يعافيك

مرحبا ومسهلا حياك يالقرني
لا يا عالي البل الكبار اذا تطرقت ايديها تكوى لاكنها ما ترجع طبيعيه يستوي شوي . ويلاحظ انها متطرقه اذا سارت .
والحاشي اذا لاحظت عليه بداية تطراق يعني صار خفه زايغ شوي رشه بنزين احمر كل يوم يساعده على شد اعصاب يده ,
واذا ما فاد فيه البنزين يكوى على رصرص يده ( فوق الخف ) مطرق ( ـــــ ) يمين ويسار وقدام و ورىوتنزل من المطرق اللي ورى شي بسيط ( يعني تنزل من آخر المطرق يسار خط بسيط )
وهذا الكي يفيد في الحوار ( مفرود حق لقي ) اذا كان التطراق توه بادي فيه .

واذا كان التطراق تمكن منه يعني يستقيم الحوار على ساقه وتلقى خفه منعطف وااااجد ..
يكوى حلقتين داير ما دار فوق خفه
الحلقه الاولى تكون داير ما دار عليه ما تنفصل .
والحلقه الثانيه تكون تحتها بــ 2 سانتي وتكون متصله من روى ومن على الجوانب ويقطع بينها منسم الخف . يعني اذا جيت منسم الخف ( وسطه من قدام ) اقطع الحلقه يعني تجي دايره ماهي بكامله .
وهذي الطرق مجربه طال عمرك وتشافى المطيه بعدها باذن الله .

[عالي العماري القرني]

بيض الله وجهك ياصقر الصقور

كفيت ووفيت جعلي فداك

وهاك القصيدة لواحد من قحطان ماذكر اسمه عسى الله يرحمه ويطيب ثراه



الصقر لا ماحام قدله وكرا = مهوب يهوي كون روس جباله
بو محمد ياشبيه الصقرا = عينه على البدوان والعماله
الثعل مايعدي وتوه نمرا = النمر بيلطمه في مدقاله
بو محمد الصقور مثل النمرا=يامن لطم ماعاد يسلى باله
كم واحد بيلطمه بالعشرا =ويحرمه مرقد مع أم عواله
تالي مشايخ ارضنا في ثبرا =مثل الحمام لما حصل مقياله
الشيخ بومحمد طويل العمرا =مثل الهدود اليا نفح بعقاله

[عزيزالحميدي]

الكي من العلاج المشهور في هذه الحالات لأنه يشد العصب
وعلى حسب المفصل المسبب للطرقة يكون الكي
ومن العلاجات الناجحة والمجربة
اشبك الحوار في مكان ضيق ولاتفكه الا وقت الرضاع مع امه في شبك ثلاثة في ثلاثة
بعد شهر فك الحوار ولاحظ مشيته اذا فيه تحسن استمر في الشبك
وقد جربت هذه الطريقة في المفاريد والحقايق ونجحت

مع الغذاء الجيد

[عالي العماري القرني]

بيض الله وجهك ياخوي عزيز وانت مجرب ويقول المثل اسال مجرب ولا تسل طبيب

وبالنسبة للطرقه أكثر مايسببه هو حبل العقال والأعصاب تو مااستقوت

بارك الله فيكم جميع وزاد في علمكم وجذعانكم وأذوادكم

[ناصر اليامي]

بيض الله وجهك ياصقر الصقور

كفيت ووفيت جعلي فداك

وهاك القصيدة لواحد من قحطان ماذكر اسمه عسى الله يرحمه ويطيب ثراه



الصقر لا ماحام قدله وكرا = مهوب يهوي كون روس جباله
بو محمد ياشبيه الصقرا = عينه على البدوان والعماله
الثعل مايعدي وتوه نمرا = النمر بيلطمه في مدقاله
بو محمد الصقور مثل النمرا=يامن لطم ماعاد يسلى باله
كم واحد بيلطمه بالعشرا =ويحرمه مرقد مع أم عواله
تالي مشايخ ارضنا في ثبرا =مثل الحمام لما حصل مقياله
الشيخ بومحمد طويل العمرا =مثل الهدود اليا نفح بعقاله

مرحبااااااا ومسهلا يا عااااالي اررررررحب تراحيب المطر
جعلك تسلم وتحيا يا عالي على كلامك الطيب وعلى القصيده اللي تمنيت اني شاعر ارد عليك
وجعل والديك جنة الفردوس يالذيب .
وخدمة مثلك وشرواك تزيد في العمر ولا هي بخساره غير ربح وشرف .
تقبل تحياتي واحترامي
وانا حاضر لك في اي استفسار او خدمه
أخوك / علي الصقور اليامي

[عالي العماري القرني]

وانت يالشغموم ووالديك جعلكم بالجنة

وماعليك الزود ياولد يام ويسلم لي راسك يالدندون



تربطني الخوة برووس المطاليق *** ربط المحبة مهيب ربط العلاقة

وأسند برفقتهم على قلة طويق ***وأصد عن راع النفق والنفاقة

وأنا اشهد ان الطيب وهبه وتوفيق *** مهوب عقد يبرمون اتفاقه


وأنته من اللي ساكنين المعاليق *** ومن مثلكم مكسب وشوفه شفاقه

[سعود بن هادي]

اذا كان عمرها اقل من شهر خلها تطيب من نفسها اذا كانها كبيره تكويها على كل يد اربع رقم مع الزند وامنعها عن الحليب وتطيب ان شاالله كلام مجرب

[عالي العماري القرني]

لا هنت ياخوي سعود والله يبارك بعمرك

[بخيت البريدي]

مرحبا ومسهلا حياك يالقرني
لا يا عالي البل الكبار اذا تطرقت ايديها تكوى لاكنها ما ترجع طبيعيه يستوي شوي . ويلاحظ انها متطرقه اذا سارت .
والحاشي اذا لاحظت عليه بداية تطراق يعني صار خفه زايغ شوي رشه بنزين احمر كل يوم يساعده على شد اعصاب يده ,
واذا ما فاد فيه البنزين يكوى على رصرص يده ( فوق الخف ) مطرق ( ـــــ ) يمين ويسار وقدام و ورىوتنزل من المطرق اللي ورى شي بسيط ( يعني تنزل من آخر المطرق يسار خط بسيط )
وهذا الكي يفيد في الحوار ( مفرود حق لقي ) اذا كان التطراق توه بادي فيه .

واذا كان التطراق تمكن منه يعني يستقيم الحوار على ساقه وتلقى خفه منعطف وااااجد ..
يكوى حلقتين داير ما دار فوق خفه
الحلقه الاولى تكون داير ما دار عليه ما تنفصل .
والحلقه الثانيه تكون تحتها بــ 2 سانتي وتكون متصله من روى ومن على الجوانب ويقطع بينها منسم الخف . يعني اذا جيت منسم الخف ( وسطه من قدام ) اقطع الحلقه يعني تجي دايره ماهي بكامله .
وهذي الطرق مجربه طال عمرك وتشافى المطيه بعدها باذن الله .
ياصاحب الموضوع هاذا العلم الاكيد عطاك اياه اليامي اذا انت تبغي الحل اخذ الحل الاكيد والمجرب

[عالي العماري القرني]

ياصاحب الموضوع هاذا العلم الاكيد عطاك اياه اليامي اذا انت تبغي الحل اخذ الحل الاكيد والمجرب

هلا ببخيت مرحبا بملفاك

ناصر اليامي يسعد ربي عمره ماقصر والله يبيض وجهه ووجه الجميع ومشاركته وعلمه عن بصر وخبرة والله لا يضره ولا يضر الجميع وفديتهم والكل ماقصر واشكرك على التعزيز بعلم ناصر وهو كفو وانت كفو والكل أدلى
بدلوه وكفى ووفى والله يبارك بعماركم