النياق سرقت وهذي صورها

[خالد عبد العزيز]

السلام عليكم


سرقت البارحة ليلة الثلاثاء 29ـ 30 /3/1431هـ نياقي وعددها:
خلفتين مجاهيم تحتهن قعدان
خلفه شقحاء حدرها قعود

لقحة صفراء

لقحة زرقاء

قعود أوضح سنه حق ظاهر لقي.

وهذ صور الخلفتين المجاهيم والصفرا والقعود نبي فزعتكم يالنشاما

أبو ثامر
0559403403
أبو محمد
0505121102

http://store2.up-00.com/Mar10/mC920559.jpg (http://www.up-00.com/)



http://store2.up-00.com/Mar10/CwP20391.jpg (http://www.up-00.com/)


http://store2.up-00.com/Mar10/pup20391.jpg (http://www.up-00.com/)


http://store2.up-00.com/Mar10/h7H20391.jpg (http://www.up-00.com/)

[تركي بن عمران]

لا حول ولا قوة الا بالله --الله يعقلهن ياخالد

[صقر الدوسري]

مكانك يابوثامر

مامعي جهاز ولا كان كلمتك

[ناصر المبيعيج]

الله يعقلها عليك ولاتخاف الحلاال إن شاءالله مايضيع

[عيدالمنصورى]

الله يعقلها انشاء الله

[خالد الشيباني]

تم النقل الى القسم المناسب

والله يعقلها عليك عاجل غير اجل

امين امين امين امين امين.

[طلال الروقي]

وين مكانه يا خالد اللي انسرقت فيه

[مسند ناصر السبيعي]

الله يعوض عليك

[راشد بن سعد]

الخميس الي طاف كنت اتمشى في سوق الونان ولقيت خلفه عليها نفس وسم الناقه الي انت حاط الصوره الثانيه والله وكنها ايها لكن ماحط في ذمتي عند شبوك السودانيه جنب الي يعسفون

[ناصر سالم القحطاني]

الله يعقلها عليك ياخالد
وكلم اي احد يعرف احد في الاسواق الحساء والجنادريه
السرق منتشر ذي الايام
واحد من الربع انسرقت حيرانه وكلم الشريطيه في الجنادرية وحصلوها عند سوادني ودلهم السوداني على اللي باعه ومسكته الشرطة
والله يعقل عليك

[لاحق فهد العتيبي]

الله يعقلها انشاء الله

[عالي العماري القرني]

عليك بالدعاء الدعاء الدعاء

والله يعقلها لك

[خالد عبد العزيز]

السلام عليكم جميعاً

جزاكم الله خير على التفاعل والحمد لله عقل أكثرها وباقي الخلفة الشقحا


عسى الله يردها

[عبدالله الجدعان العنزي]

حسبنا الله ونعم الوكيل . الله لايوفق من يسرق حلال الناس . يا جعله يلقاها بالدنيا قبل الأخره حسره عليها وندامه وعذاب شديد بالدنيا قبل الأخره . لكن بحول الله وقوته الحلال ما يضيييع . الله يعقل عليك يا خالد .

[محمد الصياف]

السلام عليكم جميعاً

جزاكم الله خير على التفاعل والحمد لله عقل أكثرها وباقي الخلفة الشقحا


عسى الله يردها

اللهم لك الحمد على عودة المسروق
أبو عبدالعزيز يعلم الله أنني تضايقت من سرقة حلالك وأنا لا أعرفك !
السؤال الي يطرح نفسه النياق كيف تم عقلها يا أبا عبدالعزيز ؟!
وهي مسروقه كما بيت بالمنتدى فالسرقة تراها تعيد الخلفة الشقحا لك إن شاء الله

[فالح فلاح]

ارجو التوضيح وشلون عينت الابل وهل فعلاً كانت مسروقة

[خالد عبد العزيز]

السلام عليكم

جزاكم الله خير


اللي فتح الباب وساقها ما جت على طوعة وهجت وأصبح وهو قريب من المزرعة وخاف وتركها

البل على هجيجه مشت جنوب ثم أفترق عنها القعود لأنه كان مقيد ورجعت له الشقحا ثم ضيعت خوياتها وخذت طريق آخر


لقينا القعود ثم النياق غير الشقحا ثم ولله الحمد يوم الجمعة لقينا الشقحا وهي هلكه جوع وعطش ويبدو إن بعير رادها

ومضربها وإلا كانت راحت بعيد وما لقيناها.


عامل جارنا يقول فجر اليوم اللي ضاعن فيه شاف ستة في هايلكس غمارتين راحو ثم رجعو مرتين عن البل.


والحمد لله على العقلان وحسبي الله ونعم الوكيل.

وصية :
1- أكثر من الإستغفار. 2- عند ورود خبر مصيبة إحمد الله واسترجع.
3- إحرص على الدعاء ( اللهم إني أستودعك أهلي ومالي ) أو ما يناسب الحال.
4- إحرص على فعل السبب بإحكام إغلاق الباب وتحريص العامل.

وعلى الله التكلان.

[زياد الحربي]

الحمد لله الله يباركلك فيهن

[عبدالعزيز العصيمي]

الحمدلله اللي ردلك حلالك

والله انا فرحين برجعتهن

والله مصيبه ببلد امن وامان يصير كذا

لا حول ولا قوة الا بالله

[خالد عبد العزيز]

جزاكم الله خير ولا أراكم مكروهاً فيمن تحبون.

[نواف الرافد]

الله يعوض عليك