هل الحوار الغالي له علف خاص...!

[أحمد بن عوض المطيري]

السلام عليكم ورحمة الله وبركاته

الاخوه الاعزاء

نبي نصيحتكم وتوجيهكم الله لا يهينكم

عندي حوار غالي ومن فضل ربي كل يوم في زود وودي اكرمه

وش العلف الطيب اللي ينفع الحوار بحيث نستمر عليه في تعليفه

ياليت اهل الخبره اهل حيران المزاينات اللي يخصون حيرانهم بالعلف الطيب يوجهوننا الله لا يهينهم

وهل لهم سنع معين فالتعامل مع الحوار الغالي

افيدونا افادكم الله سبحانه

اخوكم ابوخالد

[فهد الأحمد]

الله يبارك لك يا بوخالد

بالنسبة للعناية بالحيران

أهم شيء
بعد التوكل على الله
1- تنظيف ديد أمه من الحليب عقب كل عطفه. ويستحسن أنك تضير ناقة حمرا على القعود.
2- إيجاد مكان نظيف للحوار وأمه .. ويرش المكان بجارة بين الحين والآخر. والتأكد من نظافة مكان الحوار بين الحين والآخر.
3- عمل مضله للحوار تقيه من شدة الحر والشمس أبتداءً من الشهر القادم.
4- أفضل علف هو الشعير الحب المنقوع لفترة لا تقل عن 4 ساعات بالإضافة إلى البرسيم.

هذا اللي يحضرني حالياً

أسأل الله أن يبارك لك في مالك وحلالك وعيالك
وأن يرزقك من واسع فضله
آمين

[سويلم طريخم الرشيدي]

الله يبا رك لك فيه عندما يكبر الحوار اكرم امه تدر عليه والحوار يعتمد علي ابوه وامه بعض من الزمول يجيك عقبه اقشر ما يقني الشحم وبعض من البل حليبها ما فيه فا يده ليش اتسمي بعض البل معطا ر اي شي يسمنها وبعضها تسمي عرا لوتعطيها قد ما تعطيا ما يطلع سنا مها

[محمد بن عمير]

وانا اخوك علف الحوار القصب نفس علف الغالي ريح نفسك
واللي الله كاتبه بيجيك لاتخاف اهم شئ ترى الحرص الواجد
مافيه خير ان كان توه عمر اقل من شهر نظف ديد امه خاصه
الظهر واحسن علف حليب امه وان كانه فوق ثلاث شهور
عطه برسيم بس وحليب امه يكفيه بس لا تشمل امه خلها يرضعها
دايم وحاول تطلعه كل يوم عشان يتطلق ويزين وبس

[عزيزالحميدي]

اولا بارك الله لك بالحوار والله يريك فيه ما يسعدك

ثانيا اكرم ام الحوار بالأعلاف علشان تغذا حوارها

ثالثا الحوار في زمن الحرارة الزايدة

حط له ماء حلو بارد لا يكون حار بسبب المعلف
وشعير مهروس وبرسيم
خله معزز مكرم
واذا انت مغلي الحوار حيل اشتر له فيتامينات تكميلية عند البيطري وحطه مع المويه والا الشعير
في الأسبوع ثلاث مرات
وموفق

[أحمد بن عوض المطيري]

الله يبارك لك يا بوخالد

بالنسبة للعناية بالحيران

أهم شيء
بعد التوكل على الله
1- تنظيف ديد أمه من الحليب عقب كل عطفه. ويستحسن أنك تضير ناقة حمرا على القعود.
2- إيجاد مكان نظيف للحوار وأمه .. ويرش المكان بجارة بين الحين والآخر. والتأكد من نظافة مكان الحوار بين الحين والآخر.
3- عمل مضله للحوار تقيه من شدة الحر والشمس أبتداءً من الشهر القادم.
4- أفضل علف هو الشعير الحب المنقوع لفترة لا تقل عن 4 ساعات بالإضافة إلى البرسيم.

هذا اللي يحضرني حالياً

أسأل الله أن يبارك لك في مالك وحلالك وعيالك
وأن يرزقك من واسع فضله
آمين



جزاك الله خير على دعائك الطيب

وجزاك الله خير على توجيهك ونصيحتك

[أحمد بن عوض المطيري]

الله يبا رك لك فيه عندما يكبر الحوار اكرم امه تدر عليه والحوار يعتمد علي ابوه وامه بعض من الزمول يجيك عقبه اقشر ما يقني الشحم وبعض من البل حليبها ما فيه فا يده ليش اتسمي بعض البل معطا ر اي شي يسمنها وبعضها تسمي عرا لوتعطيها قد ما تعطيا ما يطلع سنا مها

مشكور على المداخله الطيبه والمعلومات

[أحمد بن عوض المطيري]

وانا اخوك علف الحوار القصب نفس علف الغالي ريح نفسك
واللي الله كاتبه بيجيك لاتخاف اهم شئ ترى الحرص الواجد
مافيه خير ان كان توه عمر اقل من شهر نظف ديد امه خاصه
الظهر واحسن علف حليب امه وان كانه فوق ثلاث شهور
عطه برسيم بس وحليب امه يكفيه بس لا تشمل امه خلها يرضعها
دايم وحاول تطلعه كل يوم عشان يتطلق ويزين وبس


مشكور يامحمد الروقي على نصيحتك

لا هنت يالغالي

[أحمد بن عوض المطيري]

اولا بارك الله لك بالحوار والله يريك فيه ما يسعدك

ثانيا اكرم ام الحوار بالأعلاف علشان تغذا حوارها

ثالثا الحوار في زمن الحرارة الزايدة

حط له ماء حلو بارد لا يكون حار بسبب المعلف
وشعير مهروس وبرسيم
خله معزز مكرم
واذا انت مغلي الحوار حيل اشتر له فيتامينات تكميلية عند البيطري وحطه مع المويه والا الشعير
في الأسبوع ثلاث مرات
وموفق


لاهنت يالغالي على المداخله الطيبه والثمينه

لا خلا ولا عدم

[منذر الدوسري]

مثل ما قالو الشباب الحرص الزايد ما ينفع اهم شيء تطلع الحوار يمشي كل يوم على شان ما تتطرق يديه ويزين واكرم امه بالعلف والحمض

وإذا كنت تبي تطعي الحوار فيتامينات عط امه افضل ويجي للحوار عن طريق الحليب

[وافي مليح بن موطان]

مثل ما قالو الشباب الحرص الزايد ما ينفع اهم شيء تطلع الحوار يمشي كل يوم على شان ما تتطرق يديه ويزين واكرم امه بالعلف والحمض

وإذا كنت تبي تطعي الحوار فيتامينات عط امه افضل ويجي للحوار عن طريق الحليب


كلام سليم

[ظافر ال حويدر]

http://www.alhadafa.com/uploadedfiles/images/4856.gif
اخوي اولا شي الله يباركلك في الحوار
وثاني شي على ماقالو اخواني الي قدامي من جهت التعليف
والاساسي هو ان تعلف وتجتهد ومظله
واخر شي تتلين واذا تلينت راح التعب كله

[حمود المشعلي]

يا خوي الحوار مايحتاج أي علف خاص
المهم أنك تكرم أمه و لاتشملها خلها يتبعها طول اليوم ويرضع على كيفه وإن كان عمره فوق الشهر فما يحتاج لا ظلال ولا يحتاج تنظف ديد أمه وأتركها تسرح
أتمنى لك التوفيق وأن الله يبارك فيه ويمنحك منه

[عبدالله الجدعان العنزي]

بيض الله وجيه الجميع كفوو ,,, ووفوووو .

[علي عبدالله اليامي]

علف الحوار بالمكعب شوي شوي واعزل الحوار من امه في النهار لانه ذي الايام شمس وخله معها باليل والصبح اعزله واكرمه
بالمكعب ولا تكثر له مثلاربع كيلو يكفيه مع البرسيم والاقصب لكن البرسيم انعم شوي من القصب والله يبارك لك فيه ونشوفه
العام الجاي ان كنا من هل الدنيا بام رقيبه والا الظفره يسام بالملايين ونجيب بكارنا عندك يضربها قل انشالله