استفسار عن خروفان البقمي [الأرشيف]

علي صالح المري

13 / 03 / 2010, 43 : 05 PM

السلام عليكم
عندي استفسار عن ولد خروفان الرحماني البقمي اللي في اللدام على خط الرياض
هل الفحل زين ويستاهل أو لا؟؟

لأن رجال مدحه لي وقال بأودي أبلك عنده الزمان الجاي

ودي أعرف وش أمه هل هي ناقه طيبه ولو قدرتوا تجيبون صورتها

والصراحه خروفان الفحل الكبيرحق ابو صلعه ما شفنا أنتاج واجد له !!!

لو نشوف صور انتاجه وانجازاتها لو أمكن

خالد الشريفي

13 / 03 / 2010, 36 : 11 PM

ما يصير يا الربع يمر على الموضوع 24 رجال ولا يردووووون

علي صالح المري

14 / 03 / 2010, 25 : 09 AM

الله لا يهينك يا الشريفي على تفاعلك

علي صالح المري

15 / 03 / 2010, 35 : 07 AM

يا ليت للي عنده اي معلومه لا يبخل علينا

فهد ال زبدان

15 / 03 / 2010, 25 : 11 AM

والله لو بيدي شي ماشحيت عليك
ان شاءلله بتلقا الي بيجيب العلم

علي صالح المري

16 / 03 / 2010, 19 : 08 AM

بيض الله وجهك يا فهد على تفاعلك

ابراهيم بن منيه

17 / 03 / 2010, 07 : 12 AM

ابشر باللي يرضيك طال عمرك
القعود انا شفته طيب وعلى كلام راعيه ان امه ناقة طيبه عند ابوصلعا
وعن انتاج البعير عاده ماانتج عند راعيه السنه ذي جذع اضرب العام على آخر الوقت والقح ثنتين
وابشر ان شاء الله ان انتجت بشوف حيرانه واعلمك بها

علي صالح المري

17 / 03 / 2010, 51 : 08 AM

لا هنت يا محلفي

محمد الرحمانى البقمى

01 / 04 / 2010, 48 : 11 AM

الرد من صاحب القعود خروفان ولد خروفان بعير ابو صلعا / محمد الرحمانى البقمى
على استفسار الاخ على صالح المرى وغيره
القعود خروفان سنه جذع هذه السنه واضرب العام آخر الموسم ولقح ثنتين وهو لقى وحده انتجت قبل اسبوع وجابت بكره والاخرى مقرب وقد اضرب هذه السنه عند راعيه وعند عرب كثير ومعروفين اللى عشر عنده واحده وبعضهم اكتر من خمس
وراعيه لم يمنع احد من ضرابه وقد وصل سومه 500الف ريال عند اخر سوام
ونرفق صورته وسنه لقى وكذلك يوجد عند صاحبه قعود حق على خشبان بعير السحيبانى اللى شراه من المرى ابو علاى وهو اخو خشبان المعروف من امه وابيه والقعود آخر سومه وصل 400 الف ريال عند ناصر السحيبانى ونعرض لكم صورته وهو مفرود
وتقبلوا تحياتى
للاستفسار من راعيه محمد الرحمانى ابو سعد
جوال 0505803150

خالد الحمرا

03 / 04 / 2010, 06 : 02 PM

ما شاء الله تبارك الله على خروفان وخشبان

وبيض الله وجه راعيها أبو سعد

أضربنا ذا الزمان على خروفان وتعاشرت الأبل عليه

وما منع الضراب منه
وحاط شبك خاص للي بيضرب عنده يحط أبله بالشبك لين تعشر ناقته

ما أقول إلا عسى ربي يبارك له في خروفان وخشبان ويرزقه منهم الأنتاج الطيب
اللي يغنيه عن باقي الركاب

وبالمرفقات صورة خروفان يوم أنه مفرود

محمد الرحمانى البقمى

03 / 04 / 2010, 15 : 04 PM

لا شكر على واجب وانت واللى مثلك يا ابو فيصل اضرابهم عندنا على خروفان مكسب لنا ولهم
وبيض الله وجهك
محمد الرحمانى : راعى خروفان

سعيد بن علي

07 / 04 / 2010, 39 : 12 PM

الله يبارك لك يالبقمي في حلالك

بس وين موقع البل الله لايهينك

محمد الرحمانى البقمى

10 / 04 / 2010, 32 : 04 PM

البل طال عمرك على طريق الرياض الدمام شمال السريع فاللدام شمال هجرة الرافعيه حوالي 5ك م جنوب الاميغر حوالي 2ك م غرب عزبة السحيباني

علي صالح المري

11 / 04 / 2010, 26 : 03 PM

ارحب يا البقمي
بيض الله وجهك على ترحيبك بالرياجيل
وما هي غريبه على قبيلة البقوم الترحيب بالرجال
وشهادة على ذلك كلام الأخوان عن استقبالك بهم

أما البعير سمعت ذكره من رجال ويمدحه لي
وقلت لازم أعرف ساسه

ولا هنت ودي أعرف ويش أم البعير ذا
هل هي ناقة طيبه أو مقنوي
والبكره اللي من انتاجه وش هي من بكره أن شاء الله أنها غاليه
أنا عجبني ساس البعير يوم عرفت أنه من مربط معيظان ال كلوان
والحين أعجبني يوم أنه عند الرجال اللي يرحبون بالرجال

وعندي سؤال أخير ولا تهون
البكار اللي بساحة العرض اللقينه والعموده هل هن بنات خروفان ال صلعاء؟

محمد الرحمانى البقمى

11 / 04 / 2010, 04 : 07 PM

الله يحييك ياعلي ابن صالح المري ويقدرنا على الاجابه على كل اسئلتك اماسؤالك عن ام القعودوهل هي طيبه ام مقنوي فهي طيبه ومقنوي وسمتها انا وناصرالسحيباني بعد سنه من شراي ولدها وكان تحتها بكره كسوب بها بمبلغ مائتان وعشره الاف ريال اما سؤالك عن البكره اللي من انتاجه فهي طيبه وكل يوم تزين واما سئوالك الاخيرفلا استطيع اجابتك عليه ولاكن اخر معلوماتي سوم ثنتين من خوات القعود ب3مليون واخوه الكبير سومه 5مليون واخوه سنين قعودى سومه مليون ونصف حسب كلام سالم ابوصلعا صاحب ابوقعودي هو واخوانه امل ان اكون قداجبت على ماتريد وعند حسن ظنك في وفالبقوم وتقبل تحياتي

خالد الحمرا

14 / 04 / 2010, 59 : 08 AM

السلام عليكم

يا علي اللقينه والعموده من انتاج مولجان ولد معيظان وهو أخو خروفان من أبوه
وأبل أبو صلعا معروفه بالغلا
واللقينه شراها المنهالي ب 5 مليون على ما أظن

منير البقمي

16 / 04 / 2010, 17 : 03 PM

ابو سعد بيض الله وجهك على العلم الغانم ولاهي غريبة عليكم بدون قصور في باقي القبايل

وحياك الله في منتداك وبين احبابك وانظمامك انت وشرواك مكسب كبير للمنتدى
وفخراً لنا جميعاً

ومبروك انتاج خروفان الزين.

وكثر لنا الشبوك السنة الجاية كانا واياك من الحيين .

وتقبل تحياتي
ابو فهد

محمد الرحمانى البقمى

17 / 04 / 2010, 50 : 08 AM

الاخ منيرالبقمي الله يحييك و نتنمى الجماله معك ومع اللي مثلك وشرواك والعام رحبنابك ولكنك استغنيت والله يغنيك ورحت ضربت عند الفحول الغاليه والمشهوره والسنه ذي وكل سنه نرحبك ونرحب من يعز عليك يابوفهد

فيصل بن ذياب

19 / 07 / 2010, 21 : 08 PM

الله يجزاك خير يا بو سعد ويباركلك في حلالك

ولا يستغرب فعل الطيبه من قبيلة البقوم

تركي بن عمران

19 / 07 / 2010, 59 : 09 PM

بيض الله وجهك يالرحماني عز الله انك شيخ

عايد الهاجري

09 / 08 / 2010, 05 : 10 PM

بيض الله وجهك يالرحماني

ولاهنت على اعلومك الطيبه

وتقبل تحيات اخوك

عبدالمحسن المقاطي

10 / 08 / 2010, 30 : 12 AM

ابو سعد بيض الله وجهك على العلم الغانم ولاهي غريبة عليكم بدون قصور في باقي القبايل

وحياك الله في منتداك وبين احبابك وانظمامك انت وشرواك مكسب كبير للمنتدى
وفخراً لنا جميعاً

ومبروك انتاج خروفان الزين.
والله يرزقك بأنتاج ينومسك ويجيب لك اكبر الجوايز

وشهادة الرياجيل في حقك تعتبر وسام تتوجة فيه يابوسعد
تستاهل الخير ياوجه الخير

محمد سعد الرحماني

10 / 08 / 2010, 56 : 08 PM

الاخوان الكرام فيصل ابن ذياب وتركي ابن عمران وعايدالهاجري وعبدالمحسن المقاطي اشكركم جزيل الشكرعلى مشاعركم الطيبه اللتي ان دلة علي شي فهي تدل طيب معدنكم والرجال ماتخر الارجال

سالم ال محمد

16 / 08 / 2010, 11 : 08 AM

الاخ محمد الرحماني ابو سعدد زدتنا شرف بتسجيلك بالموقع وياهلا بك ومرحبا

وحقيقة أن سمعتك طيبة وتساهل وهذا الباقي عند الرجال السمعة الطيبة والله يوفقك في القعدان ويبارك لك فيهن

وعندي سؤالين أن امكن

الحوارة اللي ولدت على القعود شلون شكلها ولا عندك لها صورة

السؤال الثاني وين مكانك بنسير عليك نشوف القعدان اما اشترينا منك ولا تشرفنا بمعرفتك عن قرب وسلامتك

علي صالح المري

18 / 08 / 2010, 22 : 11 AM

يستاهل البقمي كل خير

ويعطيكم العافيه على تفاعلكم أنا أخذت مده ما خشيت الموقع واليوم توني أشوفه

وعسى الله يبارك بالقعود وأهله

محمد سعد الرحماني

24 / 08 / 2010, 54 : 11 AM

الاخ سالم ال محمدالله يحييك لاسيرت ومرحبابك انت واللى مثلك وشرواك والبل في اللدام شمال هجرة الرافعيه جنوب حزيم الاميغراما الحواره اللي تسال عنها على خروفان فهن ثنتين وحده اكبر من وحده وكلهن صويفيات الاولى بنت ثنو وكبرت وصارت الحين اللي يشوفها يقول مفروده واما الثانيه امها فاطر ومتدحلة خلافها وما حصلة غذا فيه خير ولاكن كل يوم تزين اما البيع والمشترى بعت قبل يومين حوار بخمسين الف ريال وسيمة اخته من الفحل بمايه وخمسون الف ريال وعندي غيره قعدان وعجوم مسومه باسوام كثيره هذا وماطول عليك والبيع والمشترى قسمه ونصيب والسلام

محمد سعد الرحماني

24 / 08 / 2010, 15 : 12 PM

الرحماني

محمد سعد الرحماني

28 / 08 / 2010, 25 : 01 AM

وهذه صورة القعود اللي بعته على الشيخ حمد ابو سبيت بــ 50 الف ريال

وكذلك صورة اخته من الفحل اللي تسام بـ 150 الف ريال