ياجماعه البكره عندي فيها ذراق ....

[سعيد السعيد]

السلام عليكم ورحمة الله وبركاته

ياجماعة الخير عندي بكره مفروده فيها ذراق اكرمكم الله متفاوت مع العلم ان اكلها متوسط
بس خوفي انها اكلت من بقايا ناس كاشتين

وش الحــل

[خالد الحجي]

مرحبا ياسعيد
وضح الله يجزاك بالخير هل الذراق متفاوت يعني متقطع فتره يجيها وفتره يوقف ثم يرجع بعد فتره؟؟

[محمد ابو عدوة]

مرحبا ياسعيد ودام البكرة تاكل وشوعها زين ماعليها خلاف .بس انتبه من استمرار الذراق .

[سعيد السعيد]

اخوي خالد الحجي
الذراق عنده متفاوت

[سعيد السعيد]

اخوي محمد ابو عدوة
شاكر لك ردك وجزاك الله خير

[ظافر ال حويدر]

اخوي سعيد الذراق امره بسيط
اخذلك قوطي حليب بوني وبيضه نيه وحطها في قرشة ماي ورجها
وعطها الحوار وانشاله بيروح الذراق
انا قد سويتها في حيران عندي وراح الذراق

[سعيد السعيد]

مشكور اخوي ظافر ما قصرت

[علي الدعجاني]

مساء الخير


يمكن البكره تهج


وبعد الهجيج تذرق

والله تعالى اعلم

[فهد الأحمد]

الذراق بسبب الدود والله العالم

عموماً يوجد شراب مفيد للدود ويعطى لمرة واحدة فقط
ومفيد جداً وسبق أن جربته على مفاريد وحقايق وأبل كبار

ولكن قبل أعطاء الدواء يجب أن تخبر البيطري عن عمرها ووزنها

لأن الغرشه تعطى كامل للناقة والمفرودة تقريباً الربع أو أقل وأنصح أن تخفف الدواء بالماء بالنسبة للمفاريد لأنه ثقيل وعشان ما يغثها
ويفضل أعطاء الدواء مع الصبح على الريق ولا يعطى بعده أي علف لمدة ساعة.

العلاج ما يحضرني أسمه حالياً
ولكن عبارة عن غرشه بيضا وعليها ملصق أخضر والكتابة بالأزرق والمحلول اللي وسطها لونه مثل لو الطحينية

وسلامتكم

[سعيد السعيد]

:thanks:اخوي فهد الاحمد الله يكثر من امثالك ماقصرت ومشكور

[علي الزهيري]

العلاج اللي جربت ولله الحمد كان مفيد اخذ دوا الذراق حق الحيران
وشيل غطاه شربها اياه كامل مره وحده وبعد اسبوعين عطها واحد
ثاني انا جربت في حقه عندي وكانت فيها نفس المشكله اللي عندك
والحمد لله طابت والله فك لها

[سعيد السعيد]

جزاك الله خيـر أخوي