وش علاج الناقة تلقح وتكسر

[عبدالعزيز الفضلي]

اخواني الاعزاء

اصبح عليكم بالخير كل باسمه


عندي ناقة طيبه طيبه طيبة جدا وسبق وان انتجت مرتين والحين لها ثلاث سنوات حايل ؟

ها السنة من بعد عيد الاضحى جبت لها الدكتور نظفها ودقها اوبر وعلاجات كثيره وطاحت للبعير ، ولكن كل ما اضربها الفحل وعشرة وشالت ورفعت راسها وذنبها اسبوعين الا وهي كاسرة وطايحه للفحل ومضربها مرة ثانيه ، وعلى ها الحال يمكن انها حوالي سبع مرات ..؟؟؟؟

وش الحل يا النشامى واهل الخبر والمعرفه

شاكرا لكم ومقدرا جهودكم ....

[عبدالله بن فاضل السهلي]

وش سن الناقه ياعبدالعزيز
وبعدين ترى كثر الضراب يضر الناقه

[عبدالعزيز الفضلي]

بيض الله وجهك يا ابو فاضل


الناقة يمكن شاق نابها

[حمد الخبيش]

البعير اللي يضربها .. لقحن عليه ابل ..؟؟

وش سنة بعد ..؟؟؟

[قاسم الحويمضي]

الناقه فيها صيد

قطع الصيد عنهااااا

[مشاري الفهاد]

مالها لا اقرب قصاب

[وافي مليح بن موطان]

ياخوي انا صار معي مثل ماتقول بكره ثنيه فتاه ماقد لقحت
وجربت طريقه قلت اما تمسك ولا على السوق وحمد لله مسكت ولها 3 شهور في عشارها من فضل الله
طبعا طريقتي مستوحاه من هالمنتدى المبارك مع بعض التعديل عليها مني

كاسين ماء كبار + حوالي سبع تمرات + ملعتين طعام رشاد + ملعتين حلبه + ملعقه حبه سوداء + كسرتين مره
وخليتها تطبخ حوالي نص ساعه لحد ماراب الماء وصار ثقيل
وعطيت البكرة في حياها اربعين سانتي منه وعقب خمسة ايام اضربتها وحمد لله مكسرت

[عبدالعزيز الفضلي]

أخوي حمد البعير كل البل لقحات عليه يعني ما فيه مشكل من البعير ؟؟؟
أخوي قاسم جبت لها طبيب شعبي وقص كل الي فيها حتى الي في لهاتها ؟؟؟؟
أخوي مناحي ابشر ابجرب الي قلت الله ينفع بالاسباب ؟؟؟

[بخيت البريدي]

انا افضل مستششفى الجماعه الله يعطي القائمين عليه العافيه

[تركي الصويمل]

اخوي تاكد انه ما فيها صــــــــــــيد

[حمود التميمي]

بعد الاضراب اعرك حياه بالملح بى امر الله تمسك هاذامجرب

[أحمدالعشري]

مالها لا اقرب قصاب
احسنت الراي

[مشعل الغنامي]

يالفضلي ترى الوذم اللي هو الصيد يأتيها ان كانت ناقة شبك وياتيها كل مااضربها البعير ثلاث مرار يعني لو تقطع عنها بعد الضراب ولا عشرت ويضربها مرة ثانية ولا تعشر ويضربها ثالثه تلقى الصيد راجع عليها مره ثانيه واللي فيها صيد تعشر ايام وتكسر دايماً هذي مواريها .
وفي الختام اقول الله يطعمك منها .
وتقبل مروري.....

[محمد السيحاني]

اخوي عبدالعزيز انا قد حصلت معي بس مالك الا تدخل على الناقه وتنضف رحمها ىتقطع الصيد واذا مافيها صيد اقلب السانها وتلقا لك سواد حكه لين يطلع دم واملحه وبعد ماتخلص اخذ لك خمس تمرات واعفسها في ملح لين تروح بيضا وبعدها ادخلها ومد يدك داخل رحم الناقه لين توقف
وارفع يدك تجيك حافظه فوق حط التمره فيها وللمعلوميه يمكن التمره تميع ماوصلت وخلها خمس ايام وضربها البعير واخنقها بعد وانشاء الله تزين الامور

[طلال بن عقاب]

يااخي العزيز

أستعمل أبرة (( تربسال )) تحصلها عند البطري ولون الكرتون أزرق وعطها 10 ملي والجمل يضربها وانشالله راح تعشر ولا تكسر وان مجرب اكثر من مرة


ملاحظة حاول تقطع الصيد وحك السان الناقة من تحت واملحة
ولاتنسي دعاء

[محمد شطي الزعبي]

القاح من الله لاحد يلعب في ناقته

[حمود المشعلي]

أخوي العزيز الأخوان وفوا وكفوا لكن أنا عند واقع تجارب ومارة علي
الأول/أدخل على الناقة يمكن مالدها(رحمها)اجرب لها أبره وحبوب تحط في عمق الرحم (إن كانها قد عشرت وكسرت)
ثانياً/تأكد من أن الي قطع الصيد منها ماقطع شعيراها(لسان الرحم)

وبالتوفيق

[مبارك بن محمد]

ارجع اسأل الاخوان ياللي يقصون العرق ياللي تحت اللسان .. هل له علاقه باللقاح ؟؟؟؟؟؟؟