الحوار كاتم ولا نفع زيت ولا صابون --وش الراي؟

[تركي بن عمران]

عندي حوار يالربع له ثلاثة ايام كاتم وبطنه منتفخ ...امس تطببنا فيه وجبنا الصابون فيري وادخلناه في مدمنه -عزكم الله- ودمن خفيف جدا ولا تغير حاله...جربنا زيت ولا سوا له شي. اشربناه زيت زيتون ولا تغير حاله. جبنا تحميله من الصيدلية وعطيناه الصبح ولا فاد. راقد على جنبه ولا يتحرك وبطنه منتفخ. ازود العيار؟ الزيت والصابون نعطيه 10-15 سي سي...

لكم تجربة مختلفة والا نستسلم جعلكم تسلمون...

[عبدالله سعد العتيبي]

فيه ضغاط اطفال في الصيدليه جربه في موخر الحوار
والا مالك الا زيت الخروع

[تركي بن عمران]

الله لا يهينك يا عبدالله، مشكور وما قصرت..

[عبداللطيف السعيدي]

هلا تركي .. عليك بزيت الزيتون غر به الحوار تقريباً نصف كاس ،، ثم حط في مدمنه _ أعزكم الله _ برضو تقريباً ربع كاس ..
واذا مانفع رح لم اقرب صيدليه بشريه وخله يعطيك علاج للأطفال حق الامساك وانتفاخات البطن .. وعطه الحوار ..
والله يوفق ،،،

[راشد العرق]

مرحبا ياتركي
عسى الله يعافي حوارك وينفع بالعلاج
رح للبيطري واطلب منه علاج الامساك علبه كبر الكف وعلى شكل علب الزيت حق السيارات ابو واحد لتر بس اصغر

وعطه عسرين سنتي مع الفم مره او مرتين في اليوم واذا مشى بطنه اقطع العلاج عنه
وفي نفس الوقت عطه من ورى عشرين سنتي مضاف اليها عشرين سنتي ماء دافي
وباذن الله كل مره تعطيه من ورى يدمن له شوي لانه يلين ومزلق في نفس الوقت
واخذ من البيطري للاحتياط علاج اسهال ولو سهل الحوار عطه خمس دقات علاج اسهال مره وحده

واذا مشى بطنه قام ورضع بنفسه ان شاء الله

[عالي العماري القرني]

غره بسفن أب وان شاالله تلقى خير

[تركي بن عمران]

مشكور اخوي عبداللطيف ، جربت معه زيت الزيتون مع جميع الجهات ولا نفع معه ومريت الصيدلية ولا لقيت الا علاج امساك للكبار وخذته والوعد الصبح ان كانا من الحيين ،،

الله لا يهينك وجزاك الله خير ،،

اخوي راشد العرق مريت على بيطرين ،، الاول عطاني علاج ابيض ولا فاد والثاني قال ابعطيك مضاد حيوي وفيتامينات ويوم درا اني متطبب فيه بزيت وصابون هون وقال علاجي ما يصلح لك--لو تكتب اسم العلاج والا ان كانك خابرن بيطري فاهم في الجنادرية اكون لك من الشاكرين جعل عمرك يطول ولا يخسر علينا ولا على كل مسلم....

اخوي علي القرني جعلك تسلم بنجرب كل علاج لين ما يكتب الله لنا فرج،، مشكور وما قصرت،،

والله لا يهينكم جميعا كل باسمه،،

[عامر النتيفات]

اخوي تركي صارت عندي وجربت زيت ابو فاس وبعد ااه وحده بوحده الطريقه ذوب الدهون وشربه شوي

[عبدالله الجدعان العنزي]

جرب السفن أب والماء , وأمنع عنه الحليب لو يوم , وأن شاء الله خير

[نومااس العتيبي]

اسهل الطرق وايسرها روح لصيدلة وخذ تحميله ( شرنقة ) حقة البشر تراها موجوده في كل الصيدليات ولا تتأخر علي حوارك وان شاء الله خمس دقايق عدد وهو ينظف كل مافي بطنة
</B></I>

[تركي بن عمران]

اخوي عامر النتيفات وعبدالله العنزي ونوماس العتيبي مشكورين يا الاجاويد جعلكم تسلمون وما نستغني عن مشاور الطيبين شرواكم..

ابشركم تطببنا في الحوار بتوفيق من الله ونصايحكم جاب نتيجة واليوم قاعد على حيله ردت فيه الروح عقب ما اظهر اللي في بطنه وحاله لاحسن ولله الحمد...

[وليد العتيبي]

السلام عليكم
ياتركي وشلون تطببت فيها علمنا الطريقة الله لا يهينك عندنا حوار عمره شهر ونص له اسبوعين مارضع وبطنه منتفخ ولا يدمن عزكم الله وجربن الفيري وزيت الخروع ولا نفع والحوار ما يقوم إلا اذا قومناه ولايمشي إلا ذا دفيناه ولا فيه بيطري الى وجبناها ولا شفنا تحسن افزعلنا وعلمنا الطريقه جعلك تسلم

[تركي بن عمران]

اخوي وليد والله ما خليت شي من اللي قالوه الربع الا وسويته اخر شي جبت تحميله مع مدمن الحوار ومريس تمر شربناه الحوار ولله الحمد تحسنت حالته وبدا يدمن -اكرمك الله- ولكن باقي فيه ضعف ما يوقف الا شيل ...عسى الله ما يخسر على مسلم.

[وليد العتيبي]

الله لا يهينك يا اخي تركي