ارجوا من الاخوه المشاركه؟؟؟؟؟؟؟؟؟؟؟؟؟؟

[سلمان سعد]

السلام عليكم ورحمة الله وبركاته.......
عندي سؤال يمكن الاجابه عنه ينع اهل الابل؟
هل يمكن ان الفحل ماتلقح منه البل وهوالان سنه تام سديس وش رايكم ينصبر عليه ولا القصاب يسن صواطيره ؟
من له تجربه في هذا الموضوع المشاركه للمنفعه العامه مع الشكر والعرفان

[محيميد الرشيدي]

مالقحة الابل منه من يوم ماهو جذع والا بس ذي السنه

[سلمان سعد]

اسف على التاخير!!!!!!!!!!!!!!!!!!!!!!!! نعم من يوم ماهو جذع ما لقحت منه ولا ناقه؟

[راشد الكدادي]

سدس ولا ألقح يابو سعد,؟ إلا والله عرضه سوق بارك الله وعلم بعذروبه ويرزقك الله بابرك منه..

[سلمان سعد]

الله لايهينك ياخوي ياراشد على المشاركه في الموضوع والرد السريع وانا ودي يعلمونا الاخوان في المنتدى يمكن له علاج شعبي اوان بعض الركاب ماتلقح الا فوق السديس ولان البعير ساسه طيب نبي نسمع ارااهم ومشاركاتهم!

[عبدالعزيز الصالحي]

السلام عليكم ورحمة الله وبركاته
أخوي سلمان سعد بعيرك مامنه طب مير تماكن البعير وطببه السوق أفظلك قبل يهرش وماعاد يجيب قيمه
وتقبل مروري وشـــــــــــــكــــــــــرآآآ

[محمد سالم اليامي]

واحد من الجماعه عنده نفس مشكلتك والزمان ذا اضرب وعاشرت عليه البل ما سوى له شي اصبر عليه والله وفقه السنه ذي وهاج واضرب البل
النكته انه ذبح له خروف وعزم عليه الجماعه بمناسبة انه اضرب البل كرامة له

[سلمان سعد]

الله لايهين الاخوان على المروروابداء اراأهم!
واما رفيقك يابوسالم عزالله مايلام والله يباركله فيه وفي أماته !

[سعيد بن محمد]

يابو سعد دامه ماشق نابه فهو قعود ماعليه جربه

اصبر عليه وبيلقح ان شاء الله

[سلمان سعد]

الله ياسمع منك وراي طيب,,,,,,,,,,,

[عبدالله الجدعان العنزي]

أبو سعد طببه السوق والله يرزقك با برك منه , ماعقب ذا العمر لقاح الا قسمة الله فوق كل شي . خاصه وانه مالقحت عليه أي ناقه . استخر وتوكل على الله