بخصوص تفحيل القعود

[محمد بن شامان التميمي]

مساكم الله بالخير
بخصوص تفحيل القعود
اذا ابوه مزيون وطرحه اغلبه مزاين
وامه من اوسط الابل لكن بطنتها طيبه ذهب
طرحت بكرتين نوادر غوالي
من فحول اقل من مستوى ابو القعود
هل تفحل القعود والقعود مزيون موقف
ارجو التفاعل من اهل الخبره وابدا الراي من الاعضاء
ولكم مني جزيل الشكر على هذا المنتدى الرائع

[محيميد الرشيدي]

فحله وانا عيناك ولا تشاور

[عبدالمحسن المقاطي]

سلام عليكم
اذا انت مقتنع في ابوه وانتاجه وامه وبطنها الذهب

والاهم في القعود اذا هو طيب
مايبيلها مشوره وانا اخوك فحله

[خالد آل راشد]

اخووي بالنسبه للقعوود


اذا ابوه مزيون وطرحه زين وامه بطنهاا ذهب

واذا القعوود شكله مقبول في من الزين شي واضح فحله ولاتشااور


اما اذا القعوود ازقم ولافيه من الزين شي انصحك لاتتعب عليه

لان كثير من يفحلون القعود الي يكون ازقم ولا يعني قعود قصاب

على شان امه طيبه وابوه طيب ويطلع فااشل والعكس كذالك

وهي كلهاا تواافيق من الله
وعسا الله يوفقك ويرزقك

[فهد الأحمد]

هاذي ما يبيلها نشدة شيخ
توكل على الله وفحله

أسأل الله أن يبارك لك في حلالك

[محمد بن شامان التميمي]

مشكورين على الردود
وبيض الله وجيهكم
بس حبيت استشيركم
لان بعض الناس يقول اذا امه من الوسط ودون مايفحل
لكن القعود موقف وامه من اوسط البل وادون لكن بطنتها طيبه
ماعلي من امه ولا امه اذا بطنتها طيبه فهي من ساس طيب