تسجيل الدخول

مشاهدة النسخة كاملة : ( أستطلاع ) أفضل فحل معروف ومنتج مزاين بادر برأيك

منصور فالح الضويحي
27 / 02 / 2010, 53 : 11 PM
السلام عليكم ورحمة الله وبركاته

أخواني وانا جالس اتصفح في هذا المنتدى الجميل الكبير بأعضائة طرى على بالي
نسوي أستطلاع أفضل فحل

نبي ارائكم عن أفضل فحل انتاج ومعروف على مستوى الخليج وإذا فية صور أفضل للفحل والأنتاج

والشكر للجميع
خالد المجمعي
28 / 02 / 2010, 27 : 12 AM
وعليكم السلام ورحمة الله وبركاته

لاهنت يا أخووي منصور على الطرح الطيب

وانا راي من ناحية فحول المجاهيم

ومن دون منافس

الفحل:الوافي

المالك:ابن قروش العجمي

وهو اطيب فحل مجهم في الجزيره من ناحية الزين والانتاج

وهو غني عن التعريف ولى يحتاج صور ولى فديو
زياد الحربي
05 / 03 / 2010, 47 : 11 PM
افضل فحل ماشاء الله الفحل مبروكان
سلطان بن معيوف
06 / 03 / 2010, 50 : 06 AM
بالوضح الله والعالم كحيلان للشيخ عليان الطهيمي أطال اللله عمره
حمود المشعلي
06 / 03 / 2010, 19 : 09 PM
أخوي منصور فكرة رائعة وشكرا لك
أما الفحول فأنا حسب علمي ووجهة نظري بأن هناك فحلين في لون الوضح تميزا جدا
الأول :فحل صاحب السمو الأمير فهد بن عبدالله بن محمد (الهرش الي شارية من أبن مجيهير قبل 13سنة )فحل منتج جدا وعيالة أكثرها منتج
الثاني:فحل المالك هيف القحطاني(تمام)وكلكم شايفينه وغني عن التعريف0

كل هذا أخواني (وجهة نظر)
محمد ال جماميل
07 / 03 / 2010, 54 : 03 AM
على ما اسمع عويجين ابو كل الفحول الطيبه ومنها تمام وغيره
لابن صاهود السبيعي
حاتم العماري
09 / 03 / 2010, 46 : 10 AM
الوضح/ تمام
المجاهيم الوافي
بدر العطاوي
09 / 03 / 2010, 28 : 11 AM
اذا بغيتيوا الوضح فانا اقول بعير هيف القحطاني تمام

وعندك فحل الطهيمي كحيلان

وغيرها يقط ويجيلة سواقط
عابد الحربي
09 / 03 / 2010, 48 : 11 AM
افضل فحل مجهم ناسي اسمه ولكن اذكر اسم صاحبه الشكرة الدوسري
مبارك بن عبدالعزيز
12 / 03 / 2010, 16 : 09 AM
المجاهيم الوافي لفهد بن قروش
والوضح غافلان للباتل وتمام هيف وكحيلان الطهيمي ورمان ابويد
نواف الرافد
13 / 03 / 2010, 48 : 12 AM
الصفر ماجد بن عبدالله الحداري المطيري ودبيان السبيعي

والشعل محمد بن هلال المطيري والبياضي فحل مترك بن حجنه

والمغاتير غافلان بعير الباتل وتمام بعير هيف وبعير محمدبن هلال المطيري

والمجاهيم الوفي بعير بن قروش وفحول الفصام ابنا مشعوفان

وتحياتي لجميع
خالد النفيعي
16 / 03 / 2010, 01 : 07 PM
الصفر ماجد بن عبدالله الحداري المطيري .. و..ابن دبيان السبيعي

والشعل محمد بن هلال المطيري.. و..البياضي فحل مترك بن حجنه

والمغاتير غافلان بعير الباتل.. و..كحيلان بعير عليان الطهيمي ..و..رمان بعير فنجال الشيباني

والمجاهيم الوفي بعير بن قروش.. و..فحول الفصام ابنا مشعوفان

وتحياتي لجميع
حمدالقصير
16 / 03 / 2010, 37 : 07 PM
مساكم الله بالخير جميع أنا أقول إن الترشيح مايكون بس كلام لأن الموضوع راح يكون فيه تعصب كل واحد لإبن عمه ولاكن نبي الترشيح يكون بحصر إنتاج الفحل طبعا المعروفه على الساحه لأن الفحل يجيب طيبه ورديه مهما كان أصله وشكله ولكن تختلف الفحول في عدد الإنتاج الطيب والمشهوره
يعني عند ترشيحك فحل معين أذكر إنتاجه المعروف .

والإقتراح طبعا بعد إذن الإخوان المشرفين
وشكرا
راشد العرق
18 / 03 / 2010, 08 : 08 AM
المجاهيم بعير فهد الحبصي الدوسري من دون قصور في باقي الركاب
توه سنه رباع
انتاجه حيران ومفاريد وبناته العام ثنتين صيفيه وشتويه تاخذ الاول على اشواطها في المزاينات المفتوحه واذا اجتمعت في شوط خذت المركز الاول والثاني
والطيب غيرها واجد
وذا الزمان في انتظار حيران الموسم ذا وانجازاتها

وراعيه كحيلان وعياله مطاليق
اذا جيت فابشر بالترحيب والحجاج المنطلق والشحم والترتيب الزين

ودك ان الركاب الطيبه عنده هو واللي مثله من الرجال
بيض الله وجهه ووجه اللي مثله من الرجال
فهد الصالح
21 / 03 / 2010, 27 : 02 PM
بسم الله الرحم الرحيم

با لنسبه لافظل فحل من وجهة نظري ولكل اظنه بيوافقني على كلامي

هو الفحل المشهور جدا البــــــــــــارز ملك الشيخ مبلش بن سفر المرزوقي

حيث يملك هذا الفحل تاريخ ناصع جدا حيث حصل ابوه على المركز الاول في مزاين ام رقيبه وامه في الفردي وضح على المركز الاول في الزين وهو حصل على الثاني في نفس المزاين

وما كان من هذا الفحل الا ان انتج انتاج لا يظاها لا من حيث القعدان ولا من حيث البكار

ملاحظه مهمه جدا

(عندما شارك المغفور له بأذن الله الشيخ مبلش بن سفر المرزوقي في مزاينات ام رقيبه للمشاركه كانت جميع البل من انتااجه وهذ نقطه مهمه جدا جدا حيث لم يظطر لشراء اي من انتاج الفحول الاخرى ليحصل على النتايج )
حيث ذكر احد الاخوان في الاعلى انه لايوجد سوا تمام وفحل الشيخ عليان الطهيمي ولي غيرها

اذا بغيتيوا الوضح فانا اقول بعير هيف القحطاني تمام

وعندك فحل الطهيمي كحيلان

وغيرها يقط ويجيلة سواقط



نشكر الاخ بدر وهذا رايك ونحترمه ولكن احيطك علما ان الشيخ عليان الطهيمي لم يكتفي بأنتاج فحله كحيلا ن الي هو ابو فحله كحيلا ن الحالي بل اشترى قبل 4اعوام مجموعه كبيره من البل وهن من بنات


البارز بقيمه اكثر من 10 ملا يين ريال وكانت معظمها لقح من البارز وانتجت انتاج غريب وكان من ظمن انتاجها الفحل المشهور البارز وهو ابن الفحل البارز وقد اشتراه الامير عبد العزيز بن فهد باكثر من

6 ملايين ريال ومازالت البل موجوده عنده الى الان وعنده بكار من انتاج الفحل البارز الي باعه على الامير عبد العزيز وهن نوادر وغريبات

وايظا الشيخ هيف لم يكتفي بانتاج فحله تمام بل بحث واشترى من انتاج ابل الشيخ محمد بن سفر المرزوقي الي هو اخو الشيخ مبلش فا اشترى باكثر من 8ملاين ريال
بطي المرزوقي
21 / 03 / 2010, 13 : 03 PM
أخواني الأعزاء

للوضح ارشح وبقوة البارز لأبناء مبلش المرزوقي رحمه الله تعالى وهو أسطورة ولكن لم يخدم إعلامياً

ولقد سبقني ألأخ فهد الصالح بشرح وافي عن ساسه وأنتاجه وهذا شئ يعرفه الكثير من ملاك مزايين الأبل

والشقح أرشح الفحل ذهب الذي أتى إنتاجه ذهب على أسمه ومن اراد التأكد يشوف الصور ويحكم كل الحيران تقول من ناقة وحدة

في هذا الرابط صوره وأنتاجه علماً بأن اول أنتاجه هذا العام
http://www.mzayan.com/vb/showthread.php?t=21502&page=15

تقبلوا تحياتي
سعيد بن علي
23 / 03 / 2010, 38 : 08 AM
في المجاهيم وحيدان والوافي بدون منافسه
لكثرة انتاجها وكثرة انجازاتها
سويلم طريخم الرشيدي
23 / 03 / 2010, 56 : 09 AM
احبتي با الله الموضوع هذا جدا را يع والكل ابدا را يه لا كن من يتبرع ينزل صور الفحول مع انتا جها كلن حسب لونه ونا متا اكد ان الا دا ره يرحبو ن في هذا اتنا فس الشريف والفا يده تعم هذا المنتد الرا يع الي يجمع الطيبين من كل صوب نهني الجميع علي الا مطا ر اللهم اجعلها امطا ر رحمه يا كريم ودمتم احبتي با الله
خالد العفاسي
23 / 03 / 2010, 57 : 11 AM
بسم الله الرحمن الرحيم

بنسة للي بعير العزيزي
دغيمان المطيري
سايقاً
الشيخ ونتاج طيب بلحيل
ولكن للأسف العلام لم يخدمه

وراني واحد مقطع في ام رقيبه لحوار على الشيخ سيم والله اأعلم
٥٠٠الف
وجه مشاء الله تقول سنه جذع مهوب حوار
حمود العتيبي
05 / 05 / 2010, 11 : 12 PM
بالنسبه للمجاهيم
فاتوقع بعير الحبصي الشكره ( نعيسان ) بيحطم الارقام القياسيه بل حطمها
لصغر سنه وجمال انتاجه الله يحفضه من كل مكروه ويستر عليه ويهدي الله الشايب
يشترينا قعود من عيال نعيسان
اما المغاتير فلها اهلها اعرف مني وشكرا
بدر مذكر المطيري
05 / 05 / 2010, 55 : 12 PM
رايي في الوضح:العزيزي(الشيخ) و:الهدب وتمام وكحيلان



وسلامتكم
عبدالعزيز البقمي
05 / 05 / 2010, 00 : 01 PM
من رأيي في الوضح / بعارين مبلش بن سفر البقمي الله يرحمه وساسها معروف وهي زيان وانتاجها طيب طيب بالحيل (( هياف , البارز , نبع الجود , سهيل))

اما المجاهيم / الوافي .. على اسمه
عبدالله العلي
05 / 05 / 2010, 40 : 01 PM
السلام عليكم ورحمة الله وبركاته

موضوع مميز جداً واشكر صاحب الموضوع على طرحه وانا بصراحه عندي في نظري الشخصي ,,,

تمام , وكحيلان بعير الطهيمي ,

تقبل تحياتي لك اخوي ,,


اخوك ,,, عبدالله
نواف عيد الردعي
07 / 05 / 2010, 03 : 01 AM
انااااا اعتقد ان احسن انتاج في الوضح رمان ابو يد والشيخ العزيزي وفاهيان الفصام والهدب وبعير الباتل غافلان هاذي الفحول شفنااا انتاجهااا وبيعت امامنااا بمبالغ غاليه طبعن في السوق اماااااااا من ناحيه الصفر بعير لافي الضبعه الشيباني ويكفيه انه ابوووووو سلطانه والشعل القريني وماينحدر من سلالته
عادل الروقي
07 / 05 / 2010, 04 : 11 PM
( البارز - مكنوز )
محمد الهجاني
08 / 05 / 2010, 43 : 09 PM
المجاهيم صاحب االفحل يقاله ابن منصور دوسري في الخرج
المغاتير الباتل وبس..
محمد بن جهيم
09 / 05 / 2010, 49 : 04 PM
فحول ابن صاهود السبيعي درج منها اطيب البل بالجزيره منها تمام وغيره
ناصر عيسى المنصوري
09 / 05 / 2010, 27 : 05 PM
السلام عليكم ورحمة الله وبركاته
موضوع مثير
المجاهيم 1- الفحل شيخان بعير بداح بن قريع الدوسري
اللي اشتراه بن زومان الهاجري ب12 مليون
2- الوافي بعير فهد بن قروش العجمي
3- مزعل بعير بن مريمان العامري
وجهة نظر شخصيه
أحمدالعشري
09 / 05 / 2010, 29 : 11 PM
الظاهر ان بعيري ولد فاهيان النجم القادم فانتظروه
ناصر عيسى المنصوري
09 / 05 / 2010, 39 : 11 PM
الظاهر ان بعيري ولد فاهيان النجم القادم فانتظروه


( لكل زمان دولة ورجال )

الله كريم يا خوي احمد
ناشي شرار
10 / 05 / 2010, 31 : 10 AM
المجاهيم / وحيدان آل جهيم ، خنوفان الكربي ، خشبان العصلب
والسلام ختام ...
فهد غايب
26 / 08 / 2011, 14 : 08 AM
والله فحل المغاتير شوفوة عند الطهيمي والمجاهيم عند الفهد معرف اسمة بس من الصخابرة من الدواسر في الجنوب
سعد حمود العوني
26 / 08 / 2011, 27 : 08 PM
السلام عليكم ورحمت الله وبركاته
المجاهيم 1 الوافي 2 وحيدان 3 الازهر 4 حرصان بن شعف
الوضح 1غافلان الباتل 2الكنق الطهيمي 3 تمام 4 نبع الجود ابناء مبلش
الصفر 1 المتحدي لقعيد الشلاحي 2 بعير دبيان السبيعي 3 معدي لابنا الفريحي 4 بعير ماجد الحداري
الشعل الله اعلم
عبدالله حمد العتيبي
26 / 08 / 2011, 47 : 10 PM
والله الفـحول المـنـتـجه كثــير لـكن بذكر منهــا

المجـاهيـم

مشعوفان الفصام

الوافي بعير بن قروش

وحيدان ال جهيم
قعيدان الرامس

الازهر ال جلمود
شيوبان الرمامس

حرصان ال لخـن

حرصان بن شعـف

بعير الحبصي

مزعـل بن مريمان

خشبان ال عصلب

هديان ال عصلب

طويلان ال جهيم

مبروكان بن كرامه

ممدوح بعير منصور بن حمد الصخابره

المغاتير

تمام هيف

كحيلان الطهيمي

غافلان الباتل

بعير ثلاب السبيعي (لا يحضرني اسمه)

فحول ابناء الشيخ / ملبش المرزوقي رحمه الله

(هياف - البارز - نبع الجود - ذهب ) والفحل القادم بقوه الكفو


اما الصفر والشعل والحمر

فلها اهلــــــــــهـــا

واعذروني اذا نسيت احد الفحول المنتجه
سلطان الدلبحي
27 / 08 / 2011, 12 : 12 AM
غاااافلان .. غاافلان ... غاااافلان

ابو اقوى فررديه في الخليج ولن يااتي بكره اطيب منها الى الان ( حشااره )

ومغيضه وبكره فنجال وعليان فحل ابوعجريد الذي نفق

اللي بنته عليها الان 11 مليون خزامه بكرة ابن قريع فردية المستقبل

ايضن جدها غاافلان الباتل ابوها ولد غافلان

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

ارجو عدم الترشيح على الشكل بل على الانتاااج القوي ويوجد بعض اسماء ذكروها الاخواان لم تنتج الى الان
محمد بن حمد القحطاني
27 / 08 / 2011, 20 : 02 AM
يعطيكم العافيه


موضوع رااائع وشيق

وبصراحه أنا أكتفي وأقول كلمتين لا ثالث لهما

موضوع تمام
رجا ال بريك
27 / 08 / 2011, 40 : 04 AM
من ناحيت المجاهيم مسربلان بعير الفصام الاول ابو مشعوفان وزلاقان وحاكمان وغيرها الكثير من النخبه والي من سلالته فزاعه ناقة حسن بن هذال الشكري
ومن ناحيت المغاتير فاذكر غافلان بعير الباتل ورمان ابو يد
ومن ناحيت الصفر فعند مطيري ناسي اسمه بس ذاكر اسم الفحل وهو عبدان
وسلامتكم
أحمد التميمي
27 / 08 / 2011, 51 : 04 AM
من ناحيتي ارشح الفحول المنتجه انتاااج فردي من المجاهيم وهم...

1_الوافي ابن قروش

2_وحيدان الجهيم

3_نعيسان الحبصي

4_الازهر الجلمود

5_خشبان العصلب
بدر بن هذلول العدواني
27 / 08 / 2011, 33 : 01 PM
السلام عليكم موضوع جيد والكل يتقبل الانتقاد بصدر رحب <ولاكن من وجهت نضري البل المعمق صحيح وكفو ولا قصول بحد <ابناء مبلش الله يرحمه ويدخله فسيح جناته جمع ابل من نوادر الابل فالجزيره طبعن هل كلام من زمان بعيييييييييييييييييييييييييييييييد قبل لايهبون بالزين وشكر"ا
محيميد الرشيدي
27 / 08 / 2011, 49 : 07 PM
ياربع البعض يقولون الكنق وفحول ماشيفت انتاجها مادري يمكن يرشحون على الشكل
وانا ارشح
غافلان / تمام / كحيلان الطهيمي ابو الكنق / الهدب / رمان ابو يد / نبع الجوود /
بندر بن معيض المطيري
28 / 08 / 2011, 43 : 01 AM
موضوع مميز

وانا ارشح على الانتاج وليس على الشكل

الوضح

ابو الفحول المغاتير عويجين لبن صاهود السبيعي
الهدب + عليان بعير الامير سلطان بن محمد + غافلان الباتل + رمان ابو يد بعير الامير عبدالعزيز بن فهد+ الشيخ بعير العزيزي المطيري كان عند ولي العهد الامير سلطان بن عبدالعزيز والان عند الامير خالد بن فيصل بن تركي بن عبدالعزيز+مشهور فحل ابل الشيخ حسن الجبيل المطيري

والفحول لدى الامير سلطان بن عبدالعزيز

بعير ابن السوداء العجمي
بعير فنجال الشيباني

فحول طيبه ومن انتاجها فرديات

الصفر

فحل ابل ماجد الحداري المطيري + المتحدي لقعيد الشلاحي المطيري + معدي لابناء الفريحي رحمه الله + فحل ابل دبيان السبيعي

الشعل

فحل ابل محمد بن هلال المطيري + البياضي فحل مترك بن حجنه
بندر الرويلي
13 / 09 / 2011, 02 : 05 PM
الصفر بعير ماجد الحداري المطيري و بعير ابن دبيان السبيعي و بعير محمد بن فهيد بن شوية:mwalat40:
عبدالهادي آل سلطان
13 / 09 / 2011, 40 : 11 PM
::..:: المجاهيم ::..::

هبــادان بعيـر صالـح الشرقي الـمـري


أول أنتاجـة حـيـران أرخصها تسام

عـلـى 100 ألــف و أغلاها عـلـى 900 ألــف

من دون قصور في باقي الركاب

توه سنه ثنـي أو ربـاع

انتاجه حيران الموسـم 2011م



::..:: أنتاجـة ::..::


صيفيه خذت الأول في مزايـن القـصـب و سومها 115 ألـــف

و أختها حوارة سومها 900 ألف

و أخيها حوار سومة 300 ألــف

والطيب غيرها واجد



::..:: ســـومـــة ::..::


عــشــرة مـلـيـــون ريـــــال


وذا الزمان في انتظار حيران الموسم ذا وانجازاتها

وراعيه كحيلان وعياله مطاليق
اذا جيت فابشر بالترحيب والحجاج المنطلق والشحم والترتيب الزين

ودك ان الركاب الطيبه عنده هو واللي مثله من الرجال
بيض الله وجهه ووجه اللي مثله من الرجال
يوسف السبيعي
20 / 09 / 2011, 40 : 02 PM
السلام عليكم موضوع مميز
بالنسبة لي انا الي اشوفه بالوضح
فحل ابن صاهود السبيعي عويجين ورمان ابو يد
وتمام لهيف القحطاني وكحيلان للطهيمي وعليان بعير سعود ثنيان والباتل والنايف بعير ابن فنيسان العريني كلها ماشاء الله فحول طيبه ولافيها كلام ...
وبالنسبه للصفر اعجبني معدي لابناء عبدالله الفريحي رحمه الله ويكفيني من معدي منقية دبوس الدبوس اغلبها من انتاج معدي ولاهب قصور بالباقين
وبالنسبه للشعل والمجاهيم مالي به علم
سويلم طريخم الرشيدي
20 / 09 / 2011, 31 : 03 PM
بيض الله وجه را ع الموضوع وكل من شا رك سوا ل بخصوص اسرا هل كل صا حب بعير سرا ه يختلف الا خر يعني كيف طريقة اسراوا ت في اسنين الما ضيه يعني يمكن بعد الشيل والحط والخسا ير الي كل وا حد يعرفها فيه منهو را حة ركا يبه حيل ولا بعد هل الخسا ير يقول ليتها تلقح لومن اقرد بعير اشكركل من رد لن هذ جزو من موضوع اخونا
صالح بن حسن البقمي
20 / 09 / 2011, 31 : 03 PM
هيااااااااااااااف لاابناء مبلش بن سفر رحمه الله

وروحو انشدو راعين النخبه والمراكز الاوله كم مره قنو فحوول من انتاج هياف !!!
ساجربن عدوان
20 / 09 / 2011, 06 : 07 PM
عليان فحل ابل الامير \سلطان بن محمد الكبير
والشاهد أنتاجه
والفحول الي ذكر لاخوان طيبه بلا شك
فيصل الخييلي
20 / 09 / 2011, 09 : 07 PM
ارشح الفحول المعروفه وبالزين والانتاج

1-نعيسان فحل الحبصي الدوسري

2-شيخان فحل ابن قريع الدوسري الي شراه ابن زومان

3-حرصان ابن شعف الدوسري

4-الوافي لبن قروش

5-متينان المري لايذكرني اسمه

6-مشعوفان الفصام
عبدالهادي آل سلطان
20 / 09 / 2011, 06 : 08 PM
ارشح الفحول المعروفه وبالزين والانتاج

1-نعيسان فحل الحبصي الدوسري

2-شيخان فحل ابن قريع الدوسري الي شراه ابن زومان

3-حرصان ابن شعف الدوسري

4-الوافي لبن قروش

5-متينان المري لايذكرني اسمه

6-مشعوفان الفصام



متينــان ملك عـلـي بـن جـارالله آل درعـة الغفراني المــري
و أنـتــاجـة فرديـــات

و مشعـوفـــان الفصـــام مــات

و نحـن نريد نعرف فحـول معـروفـة لكي نذهب لديـهـا


و شكرًا
عبدالهادي آل سلطان
20 / 09 / 2011, 42 : 08 PM
والله الفـحول المـنـتـجه كثــير لـكن بذكر منهــا

المجـاهيـم

مشعوفان الفصام

الوافي بعير بن قروش

وحيدان ال جهيم
قعيدان الرامس

الازهر ال جلمود
شيوبان الرمامس

حرصان ال لخـن

حرصان بن شعـف

بعير الحبصي

مزعـل بن مريمان

خشبان ال عصلب

هديان ال عصلب

طويلان ال جهيم

مبروكان بن كرامه

ممدوح بعير منصور بن حمد الصخابره

المغاتير

تمام هيف

كحيلان الطهيمي

غافلان الباتل

بعير ثلاب السبيعي (لا يحضرني اسمه)

فحول ابناء الشيخ / ملبش المرزوقي رحمه الله

(هياف - البارز - نبع الجود - ذهب ) والفحل القادم بقوه الكفو


اما الصفر والشعل والحمر

فلها اهلــــــــــهـــا

واعذروني اذا نسيت احد الفحول المنتجه





أخــوي فـهـد حـمـد العتيبــي


::..:: المجـاهـيـم ::..::


مشعوفان الفصام

خشبان ال عصلب

مبروكان بن كرامة


الـفـحـول اللي فــوق كلها نـافـقـة يعني ماتت

نحن نريـــد فحــول عايشــة لكـي نعرف ويش المنتجـة

لنذهـب إليـهــــا


::..:: المـغـاتـيـر ::..::


الـفـحــل الـكـــفــــو


الـفـحـل اللي أسمـة فـــوق هـذا قـعــود مابعد جا عليـة أنتـاج

و نحـن نريــد فـحــول عليهــا أنتــاج


و شكرًا
زياد عبدالله
20 / 09 / 2011, 00 : 09 PM
الوضح :

بعير ابن دهيران ( المسكت )

بعير ابوعجاريد

بعير الطهيمي ( كحيلان )

بعير هيف ( تمام )

بعير الباتل


الصفر :

بعير لافي الضبعة الشيباني

بعير محمد بن فهيد بن شوية ( كحيلان )


الشعل :

بعير مترك بن حجنة ( البياضي )

بعير القريني
سالم محمد الدوسري
21 / 09 / 2011, 19 : 04 PM
والله انا من وجهة نظري ان افضل بعير هو بعيري انا
عبدالله حمد العتيبي
23 / 09 / 2011, 54 : 11 PM
أخــوي فـهـد حـمـد العتيبــي


::..:: المجـاهـيـم ::..::


مشعوفان الفصام

خشبان ال عصلب

مبروكان بن كرامة


الـفـحـول اللي فــوق كلها نـافـقـة يعني ماتت

نحن نريـــد فحــول عايشــة لكـي نعرف ويش المنتجـة

لنذهـب إليـهــــا


::..:: المـغـاتـيـر ::..::


الـفـحــل الـكـــفــــو


الـفـحـل اللي أسمـة فـــوق هـذا قـعــود مابعد جا عليـة أنتـاج

و نحـن نريــد فـحــول عليهــا أنتــاج


و شكرًا





انا ذكــرت الفـحول المنتجه

الفحول كلها معروفه

واذا كان الفحل نفق انا ذكرته عشان تعرف عيـــاله

واما عـــن الكـــــــفو

الكفو قــادم وبقوه ( ( تـذ كــر كــلا مــي ) )

والــقــــعـــود بــــتـــــشــوف انـــتــــاجـه عــــن قـــريــــب



تحيــــــــــاتـــــي
فهد العماري
24 / 09 / 2011, 38 : 12 AM
سؤال بسيط يالربع افحول حياة مبلش وش ساسها ارجوا الاجابه؟
سعيد المشرف
24 / 09 / 2011, 58 : 02 AM
السلام وعليكم ورحمته وبركاته

موضوعكم رائع جداً جداً جداً جداً واشكركم جزيل الشكر عليه

حبيت اطلعكم عن تجربتي وهي قبل خمس سنوات مع احد الفحول المنتجه وهو فحل معروف ذكر اسمه بعض الاخوان ...
فلقد ظربت عليه ناقه انا بنفسي وكنت انتظر انتاجها

والناقه طيبه ساس وراس شاريها بخمسه واربعين الف مريضه وتطبب فيها احد الشيبان من اقاربي وهو صاحب خبره وسلمت وزانت ..

المهم الناقه عشرت من البعير الي قلت لكم بعد جهد جهيد وبعد تكلفة الشيل والحط والامور اللي ماتخفاك انتظرت ثلاثة اشهر ما نقلتها خوفً

انها (تفيخ ) والله يالربع اني مقابلها وتاركً حلال وعيالي وبعد هذه المده نقلتها وبعد مانزلتها بيوم عند ابلي عرضتها على فحل بجنبي لكي اتأكد

انها لا زالت على عشارها وجدتها على عشارها وارتحت بعد ذلك جاني سوامه لناقه واشغلوني وهم سبق ان قابلوني وتعرفو علي عند صاحب هذا الفحل المنتج ويعلمون ان الناقه لقحه عليه المهم اشغلوني وعطوني مبلغ تجاوز 300000 الف ولكنني رفضت

ودارت الايام وبعد ماقربت الناقه من الولاده رابطة عندها وولدتها انا بنفسي وجابت بكره بقيت البكره عندي الي ان اصبحت حقه وبعتها قصابه بمبلغ
5000الاف على سودانين

وقبل سنتين ظربت ثلاث عند واحد بعيره غير معروف وبعت احدى بناته ب70000 الف ولله الفضل والمنه

فيجب علينا ان لا نعتمد على اسم البعير بل نعتمد على الله ونطلبه الرزق

والدعوى عند البركه والبركه من من من الله سبحانه

اعتذر يا اخوان على الإطاله

الله يوفقنا وإياكم لكل مايحب ويرضى وان يغنينا من واسع فضله
عبدالله ظافر ال وندان
24 / 09 / 2011, 11 : 03 AM
1- في الوضح فحول سبيع عامة وابن صاهود خاصة
وهي ساس الفحول الطيبة الوضح في الجزيرة
والسبعان كان عندهم طياحان عند العرينات من سبيع وطافحان عند الجمالين من سبيع
وهذا بعض الاسماء من زمول ابن صاهود وهذا من الي قدرة أذكره لكم ؛ 1-عويجين 2-مخرب 3-شمس 4-اليوروو
يكفيك لاقالو ساسة (صاهودي)
2- في الصفر المطران كان عندهم الفحل عبدان
3- في المجاهيم المرة والدواسر
من غير قاصر في جميع القبائل
أمل أن تنال مشاركتي على أعجابكم
عبدالعزيز البقمي
24 / 09 / 2011, 01 : 05 AM
رمان فحل البل

ماشفت اطيب من انتاجه :)


شكرا ياصاحب الموضوع


مشاركه 2

..
عبدالرحمن التركي
24 / 09 / 2011, 01 : 07 AM
[QUOTE=سعيد المشرف;532599]السلام وعليكم ورحمته وبركاته

موضوعكم رائع جداً جداً جداً جداً واشكركم جزيل الشكر عليه

حبيت اطلعكم عن تجربتي وهي قبل خمس سنوات مع احد الفحول المنتجه وهو فحل معروف ذكر اسمه بعض الاخوان ...
فلقد ظربت عليه ناقه انا بنفسي وكنت انتظر انتاجها

والناقه طيبه ساس وراس شاريها بخمسه واربعين الف مريضه وتطبب فيها احد الشيبان من اقاربي وهو صاحب خبره وسلمت وزانت ..

المهم الناقه عشرت من البعير الي قلت لكم بعد جهد جهيد وبعد تكلفة الشيل والحط والامور اللي ماتخفاك انتظرت ثلاثة اشهر ما نقلتها خوفً

انها (تفيخ ) والله يالربع اني مقابلها وتاركً حلال وعيالي وبعد هذه المده نقلتها وبعد مانزلتها بيوم عند ابلي عرضتها على فحل بجنبي لكي اتأكد

انها لا زالت على عشارها وجدتها على عشارها وارتحت بعد ذلك جاني سوامه لناقه واشغلوني وهم سبق ان قابلوني وتعرفو علي عند صاحب هذا الفحل المنتج ويعلمون ان الناقه لقحه عليه المهم اشغلوني وعطوني مبلغ تجاوز 300000 الف ولكنني رفضت

ودارت الايام وبعد ماقربت الناقه من الولاده رابطة عندها وولدتها انا بنفسي وجابت بكره بقيت البكره عندي الي ان اصبحت حقه وبعتها قصابه بمبلغ
5000الاف على سودانين

وقبل سنتين ظربت ثلاث عند واحد بعيره غير معروف وبعت احدى بناته ب70000 الف ولله الفضل والمنه

فيجب علينا ان لا نعتمد على اسم البعير بل نعتمد على الله ونطلبه الرزق

والدعوى عند البركه والبركه من من من الله سبحانه

اعتذر يا اخوان على الإطاله

الله يوفقنا وإياكم لكل مايحب ويرضى وان يغنينا من واسع فضله


اوافقك الرأي اخي وبشده .... يجب النظر للانتاج أولا"
محمد الجبلي
24 / 09 / 2011, 26 : 07 AM
الدعوا راحت عنصريه كلن يجيب فحول قبيلته وربعه

القبايل كلها وافيه وعندها اللي يجملها لكن البعض يضلم فحول طيبه على حساب العنصريه

وارجع اقول القبايل وافييييييييييه وكلن عنده من الزين اللي يجمله

لامن عتيبه ولا مطير والسبيع والدواسر والبقوم الخ

ه>ا رايي ارجوا تقبله بصدر رحب

وشكراااا
طلال فهد
24 / 09 / 2011, 23 : 09 AM
السلام وعليكم ورحمته وبركاته

موضوعكم رائع جداً جداً جداً جداً واشكركم جزيل الشكر عليه

حبيت اطلعكم عن تجربتي وهي قبل خمس سنوات مع احد الفحول المنتجه وهو فحل معروف ذكر اسمه بعض الاخوان ...
فلقد ظربت عليه ناقه انا بنفسي وكنت انتظر انتاجها

والناقه طيبه ساس وراس شاريها بخمسه واربعين الف مريضه وتطبب فيها احد الشيبان من اقاربي وهو صاحب خبره وسلمت وزانت ..

المهم الناقه عشرت من البعير الي قلت لكم بعد جهد جهيد وبعد تكلفة الشيل والحط والامور اللي ماتخفاك انتظرت ثلاثة اشهر ما نقلتها خوفً

انها (تفيخ ) والله يالربع اني مقابلها وتاركً حلال وعيالي وبعد هذه المده نقلتها وبعد مانزلتها بيوم عند ابلي عرضتها على فحل بجنبي لكي اتأكد

انها لا زالت على عشارها وجدتها على عشارها وارتحت بعد ذلك جاني سوامه لناقه واشغلوني وهم سبق ان قابلوني وتعرفو علي عند صاحب هذا الفحل المنتج ويعلمون ان الناقه لقحه عليه المهم اشغلوني وعطوني مبلغ تجاوز 300000 الف ولكنني رفضت

ودارت الايام وبعد ماقربت الناقه من الولاده رابطة عندها وولدتها انا بنفسي وجابت بكره بقيت البكره عندي الي ان اصبحت حقه وبعتها قصابه بمبلغ
5000الاف على سودانين

وقبل سنتين ظربت ثلاث عند واحد بعيره غير معروف وبعت احدى بناته ب70000 الف ولله الفضل والمنه

فيجب علينا ان لا نعتمد على اسم البعير بل نعتمد على الله ونطلبه الرزق

والدعوى عند البركه والبركه من من من الله سبحانه

اعتذر يا اخوان على الإطاله

الله يوفقنا وإياكم لكل مايحب ويرضى وان يغنينا من واسع فضله
سؤال بسيط يالربع افحول حياة مبلش وش ساسها ارجوا الاجابه؟


اضغط علي الرابط وتلقا الي الجواب الكافي
http://www.mzayan.com/vb/showthread.php?t=21502 (http://www.mzayan.com/vb/showthread.php?t=21502)
سالم محمد الدوسري
24 / 09 / 2011, 52 : 03 PM
وانا بعد ارجع واقول رمان ومخرب فحولنا اطيب فحول ومغنيتنا

بس رمان راح الله يعوضنا بغيره :mwalat4:

والبقى براس مخرب
شجاع الدوسري
24 / 09 / 2011, 55 : 06 PM
يا الربع فيه بعير شكله وانتاجه من نضرتي ونضرت أهل الابل
المعروفين أنه رقم واحد في الجزيرة شكل وانتاج
راعيه باع عليه بالملايين على عبالعزيز بن تركي
ومنها مفرودة مع المزروعي عليها مليونين
ومفرودة مع الشراب عليها مليون وسبع
والبعير ملك عبدالله بن بادي الدوسري
وراعيه بعيد عن المزاينات وفي الربع الخالي قريب السليل
والبعير مشهور عند البدو فقط
وعليه سوم 6 مليون وهي قليله بحق البعير
مشعل الشويش
24 / 09 / 2011, 21 : 08 PM
الدعوا راحت عنصريه كلن يجيب فحول قبيلته وربعه

القبايل كلها وافيه وعندها اللي يجملها لكن البعض يضلم فحول طيبه على حساب العنصريه

وارجع اقول القبايل وافييييييييييه وكلن عنده من الزين اللي يجمله

لامن عتيبه ولا مطير والسبيع والدواسر والبقوم الخ

ه>ا رايي ارجوا تقبله بصدر رحب

وشكراااا


مرحباا يامحمـد ومشكور على التنبيـه اللي اتمنى من الاخوان يضعونه أمامهـم !!

يـا أخوان البعير يُحكم عليه من خلال انتاااااااااااجه فقـط .. وهو مايميّزه أو يردّيـه !

وليس أسم صاحبه أو شكلـه أو سوووومـه !!

يجب أن يُبنى اختياركـم على أفضل الفحول المنتجـه وبالأدلّه والبراهيـن لتعمّ الفائده خصوصاً حنا مقبلين على موسم ضراب البعاريـن ..

واتمنى أن التعنصر ينتهـي .. !

الرأي أمانـه ومسؤليـه يااخوانـي الكرااام ....
عبدالمحسن المقاطي
24 / 09 / 2011, 40 : 11 PM
والله انا من وجهة نظري ان افضل بعير هو بعيري انا


وانا بعد ارشح بعير هالرجال

بس وش بعيرك مجهم ولا اوضح وياليت صوره وبرنت عنه في ساحات العرض

=====================

صعب حصر فحل واحد على الترشيح

لانه ظلم للفحول الاخرى المنتجه الي انتاجها فرديات كثيره جداً والدليل

كل مزاين تشوف أسماء الفحول تختلف ولا فيه شي ثابت ومسيطر

ربما تجد من اربعه إلى خمسة فحول يحالفهم الحظ ويفوز انتاجهم هالسنه والسنه الاخرى يتخلف احدهم وليس ضعف فيه

ولكن لقوة المنافسه والانتاج من الاخرى
سالم محمد الدوسري
25 / 09 / 2011, 44 : 02 PM
بيض الله وجهك يامحسن قعود عندي توه اضرابه يااتلى الشتاء والى الزمان الجاي

ساسه بعير مخرب الغييثي الى شراه سلطان بن محمد وتمنحه الامير تركي بن محمد بن فهد عنده زمانين

وبعير ثاني كان عندي وبعته ساسه من الرمانات الاساس ابوه منها وانتج انتاج طيب بيعت بنته حقه او لقيه ب 100 الف قبل سنه وشوي

وانا اقول ان افضل البعارين بعارينك يالادمي

لان فيه ناس بغينا منهم طال عمرك وشحت ونحمد الله الله مغنينا عنهم وعن اشكالهم

وفيه قعود تونا شارينه بس مانبي نحكي عنه لين نشوف انتاجه

وييسر الله على كل حال ويرزقنا ويرزقكم من فضله
سليمان الحربي
03 / 10 / 2011, 43 : 10 AM
حسب ماشاهدتي للنتاج
الصفر/ معدي لابناء الفريحي رحمه الله + فحل ابل دبيان السبيعي
الوضح/ كحيلان الطهيم + نبع الجوود+ البارز
سعدبن سالم
03 / 10 / 2011, 06 : 09 PM
الباااااااااااتل غاافلاااااااااااااان يكفيه حشااااااااره ماداجت مع البدووو ووبعير بوعجااريد اللي مات ساسه باتلي ابو خزاااامه القاادمه للفردي بقووه البااااااااااتل مااركه في الووضح الله يبارك له واخوانا المسلمين والفحوول المتججه وااجد
عمر المطيري
07 / 12 / 2011, 55 : 06 PM
الشيخ (عبث)بعير دغيمان العزيزي اول فحل في الجزيرة يباع بالملايين واول فحل يباع انتاجه بالملايين
اشتراه امير منطقة نجران واهداه على الامير سلطان بن عبد العزيز يرحمه الله وهده في نخبة الوضح لعدة سنوات ثم اهداه على الامير خالد الفيصل بن تركي والان هو فحل ابله وهو هرش وولد الشيخ فحل عند الامير نايف بن عبدالعزيز
وعليه نوادر تسام بالملايين
سلطان اللويحق المطيري
11 / 12 / 2011, 03 : 02 PM
الوضح الباتل و تمام و البارز و كحيلان الطهيمي و رمان ابويد و هياف بعير زميلنا عبدالعزيز التميمي و بعير فواز الميموني
الصفر بعير ندا بن عشوان و دبيان السبيعي و معدي بعير الفريحي و بعير الحداري و بعير ابناء بن دغيثر
الشعل بعير ابن حثلين و جمل بن شري و بعير الامير سلطان بن محمد
الحمر اليورو بعير الفجري و بعير ابن غيام و بعير ابناء سعد بن شريد السبيعي
المجاهيم الوافي و مبروكان و بعير حشر السبيعي
الحقيقة الفحول المنتجة كثيرة لكن أنا وضعت الفحول التي شاهدت انتاجها في المزاينات و العروض و التي حققت نتائج بالأضافة لفحل زميلنا ابو سعود في المنتدى
عبدالله حمد العتيبي
11 / 12 / 2011, 53 : 02 PM
أخــوي فـهـد حـمـد العتيبــي


الـفـحــل الـكـــفــــو


الـفـحـل اللي أسمـة فـــوق هـذا قـعــود مابعد جا عليـة أنتـاج

و نحـن نريــد فـحــول عليهــا أنتــاج


و شكرًا





يــاهـــادي ...
قريبااا بتشووف انتاج الككفووووووو
ساجربن عدوان
11 / 12 / 2011, 44 : 10 PM
وجهة نضري الخاصه
الباتل وانتاجه معروف
عليان وينته مضيمه وبكره شراها العصيمي بي4 مليون وبكره شرها عمير 4مليون وخمس ميه
وسلمى وبلقيس من ابل الامير سلطان بن محمد الكبير بي خمسين مليون يسومهن المهيلب
وتمام معروف
ومرعب
والفحول الطيه كثيره