المساعد الشخصي الرقمي

مشاهدة النسخة كاملة : وش دواء ابودبه؟

وافي بن جابر آل نشيرا
27 / 02 / 2010, 36 : 07 AM
يربع عندي ناقة متهمها ان فيها ابو دبه هل يعلم احد له علاج.
واتمنى تشخيص هذا المرض الي مايعرف البدو منه إلا إن راعيته تموت.
اتمنى لمن لديه خبرة الاجابه.
زاهر العرجاني
27 / 02 / 2010, 02 : 09 AM
مرحبا ياوافي

بالنسبه لابو دبه عالجنا منه بانواع كثيره وكلها ولله الحمد طابت بعدها اذكر منها

نعطيها ثوم مع العجين وقاروره زيت زيتون وفيه من عطاها دولكه زيت سوبر شل
وافي بن جابر آل نشيرا
27 / 02 / 2010, 59 : 09 AM
مرحبا ياوافي

بالنسبه لابو دبه عالجنا منه بانواع كثيره وكلها ولله الحمد طابت بعدها اذكر منها

نعطيها ثوم مع العجين وقاروره زيت زيتون وفيه من عطاها دولكه زيت سوبر شل

بيض الله وجهك والثوم مداوم عليه وانوي على زيت الزيتون
ولاهنت على كل حال.
محمد سالم اليامي
27 / 02 / 2010, 14 : 10 AM
مرحبا ياوافي

بالنسبه لابو دبه عالجنا منه بانواع كثيره وكلها ولله الحمد طابت بعدها اذكر منها

نعطيها ثوم مع العجين وقاروره زيت زيتون وفيه من عطاها دولكه زيت سوبر شل

جربت الي ذكرت ولا فاد ولا خليت شي ولا فاد الله يعوض علينا لكن ان كان بدا عندك في وحده من البل على طول اعزلها واعزل حاشيها منها ان كان انها خلفه
عبدالله بن فاضل السهلي
27 / 02 / 2010, 42 : 10 AM
يالربع ياليت تقولون لنا وش أعراض أبو دبه
للفائده
محمد سالم اليامي
27 / 02 / 2010, 46 : 10 AM
http://www.mzayan.com/vb/showthread.php?t=3116&highlight=%C7%C8%E6%CF%C8%E5
وافي بن جابر آل نشيرا
27 / 02 / 2010, 05 : 11 AM
هل من علامته الذراق والناقة بطين وحليبها شوي؟
عيدالمنصورى
27 / 02 / 2010, 53 : 09 PM
زياده على ماقال اخوي زاهر ابر الهيام وعزل الحوار مفيد
محمد ابو عدوة
28 / 02 / 2010, 31 : 08 PM
مرحبا يابو جابر وابو دبة ماله علاج وهو معدي وينتقل في المرح عن طريق القراد ويمكن يخف مع العلاج اللي ذكروه الزملاء لكن يرجع لها ثانية والحوار كانه زين دور له ضير لان حليب راعية ابو دبة كانه ماء مايسر الحوار وينقض شحمه .
مبارك بن محمد
03 / 03 / 2010, 28 : 01 PM
الله يعوضكم عوض خير ..نحنا جانا وقتل علينا زينه الابل كلها .. كل اصيل ومنتج اختارها بالاسم والبشكل .. كأنه قاصدنا .. وللاسف .. ياللي بقي من العزبه .. مجرد ابل عاديه .. والاصايل تفداكم

اخوي ..نصيحه ...

اعزل الناقه بعيد عن امهاتها .. وخل العامل يحرق روثها بعيد عن العزبه ..لانه الريحه بعد موب طيبه .. والقراد ..ينتقل بعده عن طريقه .. ولو في الامكان بعد تتأكد انها بعيده عن امهاتها لانه حتى الشرب في نفس الحوض يأثر .. وتطلع اثاره خلال سنوات ..مش اليوم او بعد شهر ..يعني من سنتين الى ثلاث ...<<< عن طريق تجربه حدثت لنا

والله يعوضك عوض خير ...
مبارك بن محمد
03 / 03 / 2010, 30 : 01 PM
وهذي يا اخوي تقريبا نفس المشكله .. اسمه ابو الجراجير او ابو دبه ..

الاخ / حمود

هذا مرض ابوجريجير واعتقد ان البعض يسميه ابو المناحر

وعلامته مثل ماذكرت بالاضافة ان الناقة اذا كانت خلفة يقل لبنها ولا يجي له رغوة الى ان تغرز نهائي

وهذا المرض حالة متقدمة من الهيام وعلاجه نفس علاج الهيام

فعجل بأخذ العلاج من البيطري وعليك بالابرة الفرنسية للهيام قيمتها تقريبا خمسين ريال والمرض معدي وقاتل

لذلك عالج الناقة واعزلها من باقي البل مع العلم ان الاطباء يقولون اذا اعطيتها الابرة ان العدوى لاتنتقل ولكن الحرص

واجب لان المرض خطير وقاتل ومعدي وحسب علمي ان الابرة لاتعتبر علاج نهائي فالمرض يعاود ويلزمك

كل اربعة اشهر تعيد العلاج مرة اخرى

وعسى الله يعوض النقص بالبركة

وهذي هيه الوصله اخوي الكريم

http://www.mzayan.com/vb/showthread.php?t=3116&highlight=%C7%C8%E6%CF%C8%E5