تسجيل الدخول

مشاهدة النسخة كاملة : الكسر والتفييخ وش الحل معها شاركونا باأرائكم .....

ناصر معجب العاطفي
23 / 02 / 2010, 16 : 05 PM
الكسر والتفييخ
يالربع عندي ثلاث نوقات من الابل كسرت
الاولى كسرت بعد شهرين من عشارها
والثانيه مهيب اول مره تكسر ذا السنه
والثالثه كسرت بعد ماتثبتنا من عشارها بتقريبا 25 يوم
وش الحل بالطب البيطري والشعبي ؟
وهل الشديد الطويل والممشا العجل يضر الابل خصوصا لا صارت الابل شادها 8 شدات وكل شده تقريبا من 50 الى 60 كم لاني ماتبينت انها كسرت الا بعد ماشدوا الربع من الخرج الى الدبادب
دعوه للمشاركه والفايده للجميع
وتقبلوا تحيات اخوكم
بدر الذيابي
23 / 02 / 2010, 43 : 10 PM
من خلال معرفتنا ان الناقه اللي تلقح وتكسر فهذي مشكلتها بسيطه وهذي الاحتمال الكبير انه (صيد)

اما اذا كانت ما تلقح فهذا مشكله في رحم الناقه.....

اتمنى اني افدتك
نواف بن جندل العازمي
23 / 02 / 2010, 49 : 10 PM
الناقه اول ثلاث شهور انا اعتبرها مرحله الخطر

لانها اذا بطحتها او لحقها واحد بالسياره او قل العلف عليها بعض البل تكسر مو كلها

واذا كان علف الناقه مو متنوع هذا غلط لاني سمعتها من شخص معاصر

يقول البل كائن حي لازم يشكل وينوع بالطعام والا يصيبه امراض او يعمى وذكر امراض كثير
والغريب انه قال نبات العرفج يعتبر سكر للناقه ؟؟؟

وانا بصراحه اتبعت نظريته واسبوع ذره واسبوع برسيم واسبوع تبن اعزكم الله
واما الوجبات عشر ايام شعير منقع يوم كامل وعشره يام شوار وافي وعشره ايام مركز وعلى هذا المنوال
ولله الحمد البل تعاشرت كلها والبل سنام وبدنه
والملح 24 ساعه موجود بحوض بجانب حوض الماء

والله يبارك لك بحلالك وانطر 40 يوم ليما تنظف وظربها ولحق على الفحول دامها هايجه
عبدالرحمن صالح
23 / 02 / 2010, 15 : 11 PM
اول سبب المكعب الوافي والثاني التبن اقطعه عن البل تره يفيخبها عن واقع تجربه وجاري يعلفه وظريبه 19 معشر الى ثنتان وان ولا وحده ورجل سلته يقول ابله 170 متن كان يعلف تبن معشر عنده الى ثمان تره خراب العشار
عبدالمحسن المقاطي
23 / 02 / 2010, 17 : 11 PM
سلام عليكم

نعم اخوي الشديد والممشى لفتره طويله او جفالها يخلي الناقه تكسر لانه ماثبت لقاحها

وفي ايضاً اسباب اخرى ولكن حسب كلامك الله العالم انه من الشديد الطويل وطردها بالسياره

اتمنى العشار لها فك البعير فيها وبتعشر انشاء الله