وش علة الفاطر؟ [الأرشيف] - منتـديـات مــزايـن

عبدالله المسعودي

21 / 02 / 2010, 05 : 11 PM

السلام عليكم ورحمة الله وبركاته

يالربع الفاطر اللي عشرت بالحج وضيعت بشهر (1) ومن ذيك الأيام والبعير يضربها ولاعشرت

وحالها ينقص وشهيتها للاكل ردية

وش علتها ووش دواها

عبدالله بن فاضل السهلي

22 / 02 / 2010, 32 : 12 AM

أرحب يالمسعودي
نظف رحم الناقه وقطع عنها من الصيد واقلب لسانها واجرح العرق الاسود جرح خفيف وافركه بالملح
واللسان لازم له واحد فاهم
ودقها بأبرة يسره
هذي بخصوص اللقاح
أما الشهيه والأكل شي من ثنتين وأنت ماعطيتنا المعلومات الكافيه
الأولى أن كانها تشرب من الماء واجد ودموعها تهل دايم وتناحر الشمس فهذا وحالها ضعيف فهذا هيام ولازم ماتهمله وعلاجه أبره هنديه
الشي الثاني يمكن يكون فيها دود وعلاجه سهل عطها من الثوم وحبوب الدود
لكن ان كان فيها هيام لا تعالجها كلها مره وحده اول شي خلها لين يزين حالها بعدين نظف رحمها وأضربها
وان كانه دود هوينه

آسف عالأطاله وأن شاء الله أني أفدتك بما قدرني ربي